Read Khiamniungan Naga 1 Ateng Chhi 11 Bible Online

1 Ateng Chhi 11 - Khiamniungan Naga bible

1 Ateng Chhi 11

¹Israelhai apem Hebron nai David dongai khukü apatü ngiom, “Sam shesinyih tsak noin.

²Ayanan taoko, Saul nung sam nokpao noi lüko, ni Israel ehli nai niakeikü noiküla, naiuso APAOU a-Goaüh ni apa khaiuniaso niakei-e naiuso ni ngüso nokpao the-e ta nitü thalokü noin.”

³Nungtiphe Israel hai aheihoi apem Hebron nai Nokpao David dongai shin. Nungko apaüh ngüsoko asio athsane tsak shan, ngüsoüh apa tsomkiu, naiuso apa Israel hai nokpao au tsalo, nung APAOU nou Samuel tsangkü thalokü taiutsünli noiküla.

⁴Nokpao David naiuso Israel hai chikü khuküta Yirusalem noknio kum. Nung khako nungtü Jebus ta jonkü noiküla, naiuso nung gohpao nouso Jebus hai lonyi saokü nungko kihji.

⁵Jebus haiüh David tü apa tilaitso noknio mongai napao tsüshio-e ta ngiokü noiküla, lüko Davidüh ngüso noknio alengmei Zion kumhe-an, naiuso nungphiai nung noknio tü “David Noknio,” ta jonkiu.

⁶Davidüh ngiom, “Jebus hai chongting loattsün khaiunia nou süpai ahei au the-e!” Nyiuhai tsak nian Zeruia thso Joabüh heikü nung noknio kom, küta apa ngüso ongko süpai ahei iula.

⁷Tiautenai David nung mongkü pejeikü taiutsün aleng amei noknio nouko kih au khu, nung tü “David Noknio,” ta jon.

⁸Tsong- khan lomeankü taiutsün athang ainou king goh ajepek dongai shinkü apaüh noknio nou thatü meikü shan, naiuso apoi taiu noknio nou Joabüh shanshi.

⁹Tiautenai APAOU apako hakü noitsün shioko, David mothikü kongshikü iula.

¹⁰David ün ateng süpailing nouso: APAOU nou thalokü taiutsünli, Israel haiko aikü ngüsoüh David, nokpao tsaloau hachu, naiuso ngüsoüh apa nokshing mongkü taiuküla.

¹¹Chong nou Hakmon kau ainou Jashobeam, “Süme,” nouso ongko ahei. Apaüh atao tsak ko meshen lai lokü khaiunia tsom süme thako ehli küta ngüso apem ehlithang tsak ko loatkü wan.

¹²Aho kau ainou Dodo thso Eleazar ateng “süme” nouko tsak noiküla.

¹³Apaüh Filistia hai thako David tü joungkü Pas Dammim nai ehlikü noiküla. Israel hai khupengtsün taoko, apa barli tso eiu tsak ko noiküla,

¹⁴naiuso apako hatsün khaiuniahoi nouso eiu wemko tsaloküta Filistia haiko eh nou likü noiküla. APAOU nou apa hau ashiolotsün asong kium.

¹⁵Refaim Tsamei nai Philistiahai hoi tsaküh asaothang shankü noi taoko nyitso ahei aosam ongko süpai süme David noitsün Adullam lung- ken dongai khu.

¹⁶David thamongkü shantaiutsün ehüke Filistiahai ahoi tsaküh Betlehem thalowan.

¹⁷Davidüh mongpikü ngiom, “bekhan shimkü noitsün Betlehem temkhao ainou ashiuao khiam kiutüntoya!”

¹⁸Süpai ateng süme nousoüh ngüso yam Filistia hai saothang kowekü yankü khuküta temkhao ainou khiam intso khaiulo kü David hau kiu. Lüko apaüh nung khiam tsüshiu; nunglikobao apaüh APAOU hau chaithio tsakli thsa-an

¹⁹küta ngiom, “Ngo nung tilaitso shiuau tsüshio! Nung shiu naito sauhaiüh meshen aa thumkü kiukü khamsan ngüso she shiutsün khekkülu noi-e!” Nungtiphe apaüh nung khiam tsüshiu, süpai süme nouso mongnyan chhisiya nungso noiküla.

²⁰Joab dei Abishai “Ateng Aosam” nouso ahei noiküla. Apaüh ehli nai lai nou khaiunia tsom süme chiat naiuso apa, “Aosam Nouso” ongko avesan nai ha-an,

²¹apa “Aosam Nouso” ongko avesantengau the naiuso ngüso ahei ao shithe, lüko apa, “Süme Nouso,” to tsüthayap.

²²Kabzeel ainou Jehoiada thso Benaia süpai ateng tsak noiküla; mongnyan chhisiya piakü chhitsün ongko Moab hai lengsiya nime loattsün hakü noiküla. Apa jam nyinsao ajekhaiu tsak ko tsongkhan nai saokü chongkhao tsak loat.

²³Apaüh Ijip hai tsak kunsitheng meter nime chiai laiukü lai songkü kankü noitsün lüko loat. Benaiaüh pailai nou semkü apatü pha puo naiuso Ijip hai nou pha ainou lai nou aploküta nungüh apa loat.

²⁴Nung- so, “Aosam Nouso,” ongko hatsün Benaia ün mongnyan chhisiya so noiküla.

²⁵Apa “Aosam Nouso,” ongkoto avesan tsak, lüko “Süme Nouso” tsüthayap Davidüh apa tengkhaiu ehü ongko ahei au the-in.

²⁶Nungso vesankü noitsün süpai nouso noiküla. Joab dei Asahel Betlehem ainou Dodo thso Elhanan Harod ainou Shammot Pelet ainou Helez Tekoa ainou Ikkes thso Ira Anathot ainou Abiezer Husha ainou Sibbekai Aho ainou Ilai Netofa ainou Maharai Netofa ainou Baana thso Heled Benjamin goh Gibea ainou Ribai thso Ithai Pirathon ainou Benaia Gaas shimkü tsamei nouso ainou Hurai Arba ainou Abiel Bahurum ainou Azmavet Shaalbon ainou Eliaba Gizon ainou Hashem Harar ainou Shagee thso Jonathan Harar ainou Sakar thso Ahiam Ur thso Elifal Mekera ainou Hefer Pelon ainou Ahija Karmel ainou Hezro Ezbai thso Naarai Nathan dei Yoel Hagri thso Mibhar Ammon ainou Zelek Beerot ainou Joab dun semkiutsün Naharai Jattir ainou Ira naiuso Gareb Hit hai nou Uria Ahlai thso Zabad Shiza thso Adina (Reuben kau mongko ahei tsak, naiuso apa meshen süpai aosam hakü noiküla.) Maaka thso Hanan(...)