Read Khiamniungan Naga 1 Ateng Chhi 14 Bible Online

1 Ateng Chhi 14 - Khiamniungan Naga bible

1 Ateng Chhi 14

¹Tair Nokpao Hiramüh David dongai chaile oule yam yamau ngiongem kantsünso hong; apaüh David hau Nokpao tsam lahsanau Cedar paitap nouso, lung langtsünso, naiuso tsamlahtsünso hong.

²Nungti Davidüh apa Israel hai nokpao iulatsün naiuso apa khaiuniaso thaiutha apa nokshing shinglükhun- itsün nung APAOU nou noin ta yangsan.

³Yirusalem nai noi nai, Davidüh tsammongnyiu piakü loshi nou thsohai melothso naiuso menyiuthso piakü chetkiu.

⁴Apa Yirusalem nai noitaoko methso nungso chetlutkü noiküla. Shammua, Shobab, Nathan, Solomon,

⁵Ibhar, Elishua, Elpelet,

⁶Noga, Nefeg, Jafia,

⁷Elishama, Beeliada, naiuso Elifelet.

⁸Tilai Filistia haiüh Israel hai goumchi apem khaiuko David nokpao au shaniu ta lula, ngüso süpaihoi apa thaloau khu. Nungtiphe David khem- lokü ngüso waoloau khu.

⁹Filistia haiüh Refaim tsamei nai shisaoküta jengtsaiu kamheau tsalom.

¹⁰Davidüh Goatü sangkü ngiom, “Ngo Filistia tü lüpuo tümo? Ni ngü hau ashiotsün kiu-emo?” APAOU nou thalakü ngiom, “Ni, lüpuo! Ngo nihau ashio nou kiu-e!”

¹¹Nungtiphe Davidüh ngüso Baal Perazim nai puokü ngüso shioloum. Apaüh ngiom, “Jü ehso asaiu khiam- the shikü kanlükhuntsün khekkü Goa nou ngü hau shiolo-in.” Nung- tiphe nung athang tü Baal Perazim ta jonji.

¹²Tilai Filistia hai khulü- khunan ngüsoüh ngüso sotsom nouso leankü noiküla naiuso Davidüh ngiokhem kiukü nungso jahwan-in.

¹³Atao laiukü mokhukü Filistia hai tsamei nai laokü shiküta jeng- tsaiu kamheau tsaloshin.

¹⁴Loüh jam Davidüh APAOU tü sangshi naiuso Goa nou thalakü ngiom, “Ngüso tü nung athang ai yaküto lapuo, lüko e-tsakai balsam pai nouso shimkü khuküta puoau lükhemlo.

¹⁵Tilai asamüh süpai hai tsakeitsün hokngam ngemli paikhaiu nai lula-e, nungai lüpuo, tiautenai ngo Filistia hai shioloau asam kha ai khukü noi-e.”

¹⁶Davidüh Goa nou ngiotsünli chhin, naiuso apaüh Gibeon ainou Gezer saokü Filistia hai komshi-an.

¹⁷David ün niansong apemai khu, naiuso APAOU nou mele apem apa lun hatkü iula-in.