Read Khiamniungan Naga 1 Ateng Chhi 15 Bible Online

1 Ateng Chhi 15 - Khiamniungan Naga bible

1 Ateng Chhi 15

¹Davidüh meshen kih au, Noknio nai tsam nouso lah- san. Apaüh loüh Goa ün Ngiokhem Paidan thaiutha athang tsak khemtaiu küta nejenkhio tsak lah.

²Küta apaüh ngiom, “Athalou-e Ngiokhem Paidan nung Levi haiüh lu pi-au noin, tiautenai nung pi-au naiuso Apa asaichi yathsüoau APAOU nou ngüso chosan.”

³Nungtiphe Ngiokhem Paidan nou akhemtaiu- tsün athang ai kankü shiau Davidüh Israel hai apem Yirusalem ai jonkam.

⁴Nungthanko apaüh Aron thsao- sithsoso naiuso Levi hai jonkam.

⁵Levi hai Kohat kau ainou mepem 120 khaiuko ahei thetsün Uriel shin;

⁶Merari kau ainou mepem 220 khaiuko ahei thetsün Asaia shin;

⁷Gershon kau ainou mepem 130 khaiuko ahei thetsün Yoel shin;

⁸Elizafan kau ainou mepem 200 khaiuko ahei thetsün Shemaia shin;

⁹Hebron kau ainou mepem 80 khaiuko ahei thetsün Eliel shin,

¹⁰Uzziel kau ainou mepem 112 khaiuko ahei thetsün Amminadab shikü noiküla.

¹¹Davidüh meson hoi Zadok naiuso Abiathar naiuso Levi hoi luok-Uriel, Asaia, Yoel, Shemaia, Eliel, naiuso Amminadab jonkam.

¹²Apaüh Levi haitü ngiom, “Asam Levi kau nousoko ahei hoi noin. Asamüh Israel Goa APAOU ün Athalou-e Ngiokhem Paidan nou ngo khemtaiutsün athang nai kankü shiau asam pem naiuso asam paiusihai Levi hoi lülosiolo.

¹³Tiautenai nung khako naito Paidan pi-au asam tsünoiküla, samaüh apatü amkhamau ayam noitsünli tsüamkhamphe, APAOU sam Goaüh sam hau angja kium,”

¹⁴Nungai Israel hai Goa APAOU ün Athalou-e Ngiokhem Paidan pi-loau thaiuthako meson hoi naiuso Levi hoi nou ngüso pem losiolokü noiküla.

¹⁵APAOU nou Mosa tü thoiluttsünli, Levi haiüh Paidan ngiokhem tü a-ang nai pai tsatthiokü pih.

¹⁶Davidüh Levi hai ahei nouso hau, amao Levi hoi nouso tü amongling jih hangau, poipoi mattau, naiuso lakho- ekü hangau chhi sonlutkü taiu.

¹⁷Jihanghoi kau ainou ngüsoüh lah kho-ekü ngiokhem kiukü hangau nungso chosankü noiküla: Yoel thso Heman, apa tsammong Berekia thso Asaf, Merari kau ainou Kusaia thso Ethan. Ngüso hachu au Levi kau mong ainou kokiang sang atsok nai khongau nungso chosan: Zekaria, Jaaziel, Shemiramot Jehiel, Unni, Eliab, Maaseia, naiuso Benaia. Sang anyap nai kokiang khongau ngüsoüh Levi hai nungso singloum: Matithia, Elifel ehü, Mikneia, Azazia, naiuso amkham tsam ehü hoi Obed Edom, naiuso Jeiel.

²²Jihang nai montsün shioko Kenania, Levi hai jihang hoi ahei au chosan.

²³Berekia, Elkana, ne Obed Edom si Jehia neko aikü Athalou-e Ngiokhem Paidan tü ehü au chosan. Mesonhoi nouso: She- bania, Joshafat, Nethanel, Amasai, Zekaria, Benaia, naiuso Eliezerso Athalou-e Ngiokhem Paidan khako jangong matau chosan.

²⁵Nungtiphe Nokpao David Israel hai ahei nouso, naiuso süpai aniakeihoi nouso, Athalou-e Ngiokhem Paidan loau Obed-Edom tsamai khu, naiuso ngüsoüh nungko sümai thatü mongling-ekü saohe.

²⁶Naiuso Athalou-e Ngiokhem Paidan kankü khunai Levi haitü Goa nou hachu nou shioko ngüsoüh jangtsopong chinyat naiuso onnemok chinyat aloat chaithio kiu.

²⁷Davidüh ne ashethop nou shankü phalaiu phakhut thokü noiküla nungli jihanghoi, naiuso ngüso ahei Kennania, naiuso Paidan pitsün Levi hoi nou lüko thokü noiküla. Davidüh loüh ne ashethop nou shankü kongwoi woikü noiküla.

²⁸Nungtiphe Israel hai apem amongling nou vekü, jangong naiuso poipoi matkü lakho-kü, kokiang khongkü jihangkü Athalou-e Ngiokhem Pidan phi hoilutkü Yirusalem saokü khu.

²⁹Athalou-e Ngikhem Paidan nou noknio nai kankü shitaoko, Saul thso menyiuthso Maikalüh koukhantso nouko thapshinai apaüh Nokpao David amongling jih hamkü hangtsün ep, naiuso apaüh David tü thsülukü noiküla.