Read Khiamniungan Naga 1 Ateng Chhi 18 Bible Online

1 Ateng Chhi 18 - Khiamniungan Naga bible

1 Ateng Chhi 18

¹Atao intso noiküta Nokpao Davidüh Filistia hai loüh kumshikü ngüso shiolo. Apaüh Gat noknio naiuso nung lemkü noitsün nok nouso Filistia oukong ainou thalou.

²Apaüh Moab hai lüko shiolo, küta ngüso apahau liukim kiukü iula.

³Nungthanko, Davidüh Hamat goh shimkü noitsün Siria hai Nokpao Hadadezer tü puo, tiautenai nokpao Hadadezerüh Eufrates haiu khengai noitsün goumchi shioloküta apa oukong khemai taiuau kowekü noiküla.

⁴Davidüh apa ehli tsamkei heng 1000, mokthso chiai noikü ehlitsün süpai heng 7, 000, naiuso hokko keikü litsün süpai heng 20, 000 thalou. Apaüh mokthso nouso tsamkei 100 thaiutha saiukü singtaiu loküta apoi nouso ahok longekkü taiukiu.

⁵Tilai Damaska nai noitsün Seria haiüh Nokpao Hadadezer hachuau süpaihoi tsak hongküla, nungko David nungso tü pokü heng 22, 000 loat.

⁶Nungai apaüh ngüso goumchi nai süpaihoi saothang nouso shan, naiuso ngüso apa khemko noikü apa hau liukim kiu. APAOU nou David hau alumai ashiolotsün kium.

⁷Davidüh Hadadezer süpaihoi asong nou kankü noitsün chaiou lakkeng shih nouso thalouküta Yirusalem ai kankü khu.

⁸Apaüh Hadadezer nokshing khemko Tibhat naiuso Kun noknio ainou taoson piakü lüko thalouwan. (Phikü Solomonüh nung taoson nou khiamdan, tsam kheam nouso naiuso Amkham Tsam ai kankeitsün chiusilak hau shankü kankei.)

⁹Hamat hai Nokpao Toiüh Davidüh Hadadezer süpaihoi athum shiolowaniu ta lula.

¹⁰Toi piaküjam li-ekü shitsün Hadadezer khako ashio-eptsün thaiutha Nokpao David dongai amongling salam ngio kankü apa thso Joram hongkü noiküla. Joramüh David hau chaiou lakkeng, tangkason, naiuso taoson nou shantsün paopei nouso kankü shin.

¹¹Nokpao Davidüh apaüh nungso jengtsaiu nouso naiuso shiolokü shitsün Edom, Moab, Ammon, Filistia, naiuso Amalek goumchi ainou kanküshitsün chaiou lakkeng, tangkason nouso amkham taoko kankeiau losiokü wan.

¹²Zemia thso Abishaiüh, Jem Tsamei ta jontsün athang nai Edom hai heng 18, 000 loatkü wan.

¹³Apaüh Edom hai goh apemai süpaihoi saothang shan, naiuso nung khaiuniahoi nouso Nokpao David nokshing khemai nap-an. APAOU nou David hau apemai shiolotsün kium.

¹⁴Davidüh Israel apem khako phaphi phamong tsüyangkü ngiotsüo nai nokshingkü shin.

¹⁵Joab dei Abishai-nung süpai ahei noiküla; Ahilud thso Jehoshafat nung asat noiküla;

¹⁶Ahitub thso Zadok naiuso Abiathar thso Ahimelek ne meson noiküla; Seraia-nung mikhem tsam nai asat;

¹⁷Jehoiada thso Benaia- nung David ehü chhi haothatau thsale noiküla; naiuso Nokpao David thsosoüh apa nokshing khemko atsok noikham nai noikü yathsüo.