Read Khiamniungan Naga 1 Ateng Chhi 20 Bible Online

1 Ateng Chhi 20 - Khiamniungan Naga bible

1 Ateng Chhi 20

¹Pon nouko asaita nokpaohoi ehli iutsün thsanyan nyim taoko Joabüh süpahoi niakü Am- monhai komao khu. Ngüsoüh Rabba noknio tü puokü nung lothekü wan, lüko David nokpao to Yirusalem ai noian.

²Ammonhai sotsom Molek hau chaiou lakkeng tsoi aosamkü püle lekü nokpao kandio shankü noiküla, nung mongko chaiou lung napkü noitsün, loküta Davidüh apa kandio tü lolutan. Apaüh loüh noknio ainou jengtsaiu piakü kamhe-an.

³Apaüh noknio ainou khaiuniahoi nouso nialokü shiküta pailinsah, son, chap, naiuso O nouso, kankeikü chhitsün nai wanan Apaüh Ammon- hai naiuso amao noknio khaiuniahoi hau lüko nunglilu chhi-in. Küta David naiuso apa khaiuniaso Yirusalem ai laokü shin.

⁴Nungphiai Filistiahaiko Gezer nai ehli sungshin. Nung taonai Husha hainou Shibbekaiüh khaiunia nio tsak Sippai ta niankü loatkü Filistiahai shiolo.

⁵Loüh Filistiahaiko ehli tsak sungshin, naiuso Jair thso Elha- nanüh nelathsan Gai paili tithankü lai semkü noitsün, ainou Goliat dei Lahmi loat,.

⁶Loüh Gat nai ehli tsak sunghin, nungko khaiunia nio tsak phakha hokkhathso luok pokü noiküla. Apa akeng khaiunia nio nouso thsaosithsoso tsak noiküla.

⁷Apaüh Israelhai lochilotsao, naiuso apa David dei Shamma thso Jonathanüh loatkü wan.

⁸Nung David naiuso apa khaiuniasoüh loattsün süme nouso Gat nai noitsün khaiunia nio nou thsaosithsoso noiküla.