Read Khiamniungan Naga 1 Ateng Chhi 24 Bible Online

1 Ateng Chhi 24 - Khiamniungan Naga bible

1 Ateng Chhi 24

¹Aron thsaosithsoso mongko janthattsün hoi nungti noiküla. Aron thso melothso püle, ngüso: Nadab, Abihu, Eleazar, naiuso Ithamar noiküla.

²Nadab naiuso Abihu ne chong ngüso po khako ean küta thsaosithso tsaktso tsünoiphe ngüne dei Eleazar naiuso Ithamar ne meson tsalo.

³Eleazar thsaosithso Zadok naiuso Ithamar thsaosithso Ahimeleküh hachukü Nokpao Davidüh ngüso chhisiya lingkü Aron thsaosithsoso singtha kiu.

⁴Eleazar thsaosithsoso ahoi chekü luok au lingtha, naiuso Ithamar thsaosi- thsoso ahoi petjei au thekü lingtha; nung chhitsün tiautenai Eleazar thsaosithsoso mongko tsamkhaiu nouso ahei nai melo piakü noiküla.

⁵Eleazar si Ithamar thsaosithsoso ongko amkham tsam nai asonghoi naiuso onthso yamko aheihoi noiphe, chhisiya haoson janetsün nung phongde tsangkü janthat. Küta ngü- so Levi hai asat tsak nou Nethanel thso Shemaia tsangkü nian satlokü noiküla. Nung thaiutha nokpao, apa khemko asonghoi, meson Zadok, Abiathar thso Ahimelek, Levi hai lothso ko meson ahei nouso apem mitha noin.

⁶Eleazar naiuso Ithamar ne thsaosithsosoüh ajantsoüh jam ajantsoüh jam ta phongde. Küta ngüsoüh Nethanel thso nou Shemaia nung Levi hai asat au chothio. Nung thaiutha Nokpao, apa khemko asonghoi, meson Zadok, Abiathar thso Ahimelek, meson kau tsammong nai ahei nouso, Levi hai tsam- monghoi nouso apem mitha noin.

⁷Tsammong ahoi kheikü püle nouso hau chhisiya janthatkü kiutsün nungti noiküla: 1. Jehoiarib 2. Jedaia 3. Harim 4. Seorim 5. Malkija 6. Mijamin 7. Hakkoz 8. Abija 9. Jeshua 10. Shekania 11. Eliashib 12. Jakim 13. Huppa 14. Jeshebeab 15. Bilga 16. Immer 17. Hezir 18. Happizzez 19. Pethahia 20. Jehezkel 21. Jakin 22. Gamul 23. Delaia 24. Maazia

¹⁹APAOU Israel Goa nou thoilut- tsün angio angkü Aron thsaosi- thsosoüh Amkham Tsamai khukü chhi chhiau ngüso chhi haoson tsangkü nai nung khaiunia nouso satthiokü taim.

²⁰Levi ainou thsaosithso pothso ahei amao nouso nungso noin: Jedeia, nung Shebuel ainou Amram thsaosithso noin.

²¹Rehabia thsaosithso-Ishia;

²²Shelomit ainou Izhar thsaosithso Jahat;

²³Hebron thsoso-petche methso lingkü nai- Jeria, Amaria, Jehaziel, naiuso Jekameam;

²⁴Mika ainou Uzziel thsaosithso- Shamir;

²⁵Mika dei Jeshia ainou Uzziel thsaosithsoso Zekaria.

²⁶Merari thsaosithso-Mahli, Mushi, naiuso Jazia,

²⁷Jazia thso melothso süme: Shoham, Zakkur, naiuso Ibri.

²⁸Mahli thso melothso nime: Eleazar naiuso Kis. Eleazar thso tsüha, lüko Kis tü melothso tsak Jerameel ta niankü chetlut.

³⁰Mushi thso melothso süme: Mahli, Eder, naiuso Jeremot. Nung Levi hai pothso nouso noiküla:

³¹David nokpao, meson Zadok Ahimelek naiuso mesonhoi si Levihoi, pothso nai ahei nouso khako Aron thsaosithsoso naiuso deisinio- soüh chhitsünli ngüsoüh lüko phong dekü noiküla.