Read Khiamniungan Naga 1 Ateng Chhi 9 Bible Online

1 Ateng Chhi 9 - Khiamniungan Naga bible

1 Ateng Chhi 9

¹Israel khaiunia chikü ngüso pothsolingkü sat, naiuso nung ngiongem nou Israel hai Nokpao nouso Ngiolat Thsam nai satkü taiu. Yihuda haiüh angei sunhe nou shioko Babilon nai thalokü khuwankü noiküla.

²Noknio nouso ai ngüso tengkam yamkü chongau thekü yashitsünso ongko Israel hai amkham nai mesonhoi tsühakünso, Levi hoi, naiuso amkham tsam nai chhitsünso hakü noiküla.

³Yihuda, Benjamin, Efraim, naiuso Manase mele, nouso ainou khaiuniahoi Yirusalem nai kih au khu.

⁴Yihuda mele ainou Yirusalem nai kihtsünso pothso apem nai 690 noiküla. Yihuda thso-Perez thsaosithso- soüh ngüso ahei au Omri thsao nou Ammihud thso Uttai thekü noiküla. Apa paosiposo Imri naiuso Bani mongthiokü noiküla. Yihuda thso Shela thsaosithsosoüh ngüso ahei au Asaia, sau apa pothso ko ahei noiküla apa the-i. Yihuda thso Zera thsaosithsosoüh ngüso ahei au Jeuel the-i.

⁷Benjamin kau ainou Yirusalem nai kihtsünso mepem nungso. Sallu nung Meshullam thso, thsao, Hasenua thsaoli. Ibnea nung Jeruham thso, Ela nung Uzzi thso naiuso Mikai thsao. Meshullam, nung Shefatia thso Reuel thsao, Ibnija thsaoli noiküla.

⁹Nung kau ainou nungko kihhatsün pathso 956 noiküla. Halai satkü taiutsünso khaiunia apem pothso nouko aheihoi jije noiküla.

¹⁰Yirusalem nai kihtsün meson hoiso: Jedaia, Jehoiarib, naiuso Jakin Hilkia thso Azaria (apa Amkham Tsam nai asonghoi ongko ateng) apa paosiposo ongko Meshullam, Zadok, Meraiot, naiuso Ahitub hakü noiküla. Jeroham thso Adaia, apa paosiposo ongko Pashur naiuso Malkija hakü noiküla. Adiel thso Maasai, apa paosiposo ongko Jazera, Meshullam, Meshilemit, naiuso Immer hakü noiküla.

¹³Pothso nai ateng au thekü noitsün mesonhoi apem nai mepem 1, 760 noiküla. Ngüso Amkham Tsam nai chhitsün apem ko amonting jije noiküla.

¹⁴Yirusalem nai kihtsün Levi hai nungso noiküla: Hasshub thso Shemaia apa paosiposo kau ongko Azrikam naiuso Hashabia kau nou Hashabia. Bakbakkar, Heres, naiuso Galal Mika thso Mattania-apa paosiposo Zikri naiuso Asaf mongthiokü noiküla. Shemaia thso Obadia-apa paosiposo Galal naiuso Jeduthun mongthiokü noiküla. Elkana thsao nou Asa thso Berekia-apa Netofa noksong nai kih kü noiküla.

¹⁷Yirusalem nai Amkham Tsam ehü nouso nungso kihküla: Shallum, Akkub, Talmon, naiuso Ahiman. Ngüso ongko ahei nou Shallum noiküla.

¹⁸Nung ataotü saothalutkü ngüso kau ajepek nai noitsün Nokpao bekhan dongko jin-in. Nung khako naito ngüso Levi hai saothang be- khan nouso nai ehükü jimkü noiküla.

¹⁹Abisaf thsao, Kore thso nou Shallum, Kora kau nai nou apa paiu- sihaiso ko hakü, ngüso paosiposoüh APAOU saothang tü jimao thsale lokü shitsün khekkü, APAOU nejenkhio nai naptsün bekhan jimao thsale lokü noiküla.

²⁰Eleazar thso Phineasüh atao tsak ko ngüso chhisiya thaisankü noiküla naiuso APAOU nou apako hakü noiküla.

²¹Meshelemia thso Zekaria lüko APAOU Nejenkhio ai naptsün bekhan nouko ehü tsak noiküla.

²²Anaptsün bekhan nouso tü ehükü jimao apem nai khaiunia 212 noiküla. Ngüso kihtsün nok nouso nianlingkü thio. Nungso thsale suntsün chhisiya nai Nokpao David naiuso e-po Samuel tsangkü ngüso paosipo nokpao David noiküla.

²³Ngüso si ngüso thsaosithsosoüh Amkham Tsam bekhan nouso tü tsülaokü ehü.

²⁴Aniokün pungkü bekhan tsak tsak nung pungkü ehütsün ateng tsak tsak noiküla.

²⁵Nung ehü nouso nok nai kihtsünso tsammonghoi nou hachukü noiküla, naiuso nung ehü tao nai ajekhaiu chinyatnyat pungkü noiküla.

²⁶Nung ehü ateng püle nouso Levi hai noiküla- naiuso ngüso athonting oukong sunkü noiküla. Ngüso loüh Amkham Tsam nai tsampai nouso thaiutha naiuso nungko noitsünso hau eheshiu kiutao thsale noiküla.

²⁷Ngüso Amkham Tsam dongko shimkü kih, tiautenai ahom tsütokü bekhan nouso sopankiu au naiuso ehü au ngüso chhisiya noiküla.

²⁸Amao Levi hoi nouso amkham nai kankeitsün chiusilak thaiutha thsale noiküla. Nung jengtsaiu kankeitsün pungkü ayanshi naiuso akamtaiu apemko ngüsoüh paotsangkü taiuküla.

²⁹Amao Levi nouso asio jengtsaiu, wonne, theng, olip khiam, angan nyamtsün, naiuso laoshiang nouso thaiutha thsale noiküla.

³⁰Lüko laoshiang lao-etsün thsale to mesonhoi thsale nai noiküla.

³¹Levi hai tsak, Kora kau ainou Shallum thsoyamchong nian nou Mattithia-apa chaithio themtsai shansantsün thsale noiküla.

³²Kohat kau Amkham Tsam nai Yihuda Anonyi tsütokü asio themtsai paotsangsan au thsale noiküla.

³³Levi hai tsamkhaiu ajantso amkham taoko jihang paotsangau thsale noiküla. Nung tsamkhaiu nouso ateng hoi nou ajantso amkham tsam nai kih, naiuso amao chhisiya ainou aalokü taiukiu, tiautenai ngüso anyi si asoh tsütokü chhisiya külu noian.

³⁴Nung khako Levi hai pothso nungso nian ngüso paosipoling tsangkü noiküla. Ngüso Yirusalem nai kihtsün ahei hoi noiküla.

³⁵Jeielüh Gibeon noknio tha, küta nungko kih. Apa tsammongnyiu nian Maaka noiküla.

³⁶Apa thsoyam- chong nou Abdon, naiuso amao thso melothso nouso: Zur, Kis, Baal, Ner, Nadab,

³⁷Gedor, Ahio, Zekaria, naiuso Miklot,

³⁸Miklot nung Shemea po: ngüso thsaosithsoso Yirusalem nai ngüso kau amao pothso nouso shimkü kih.

³⁹Ner-nung Kis po noiküla, naiuso Kis nung Saul po noiküla. Saul thso melothso püle ngüso: Jonathan, Malkishua, Abinadab, naiuso Esbaal noiküla.

⁴⁰Jonathan nung Meribbal po, naiuso Meribbal nung Mika po noiküla.

⁴¹Mika thso melothso püle ngüso: Pithon, Melek, Tarea, naiuso Ahaz.

⁴²Ahaz-nung Jara po noiküla, naiuso Jara thso melothso süme ngüso: Alemet, Azmavet, naiuso Zimri noiküla. Zimri nung Moza po.

⁴³Moza-nung Binea po, Binea-nung Refaia po, Refaia-nung Eleasa po, naiuso Eleasa-nung Azel po noiküla.

⁴⁴Azel thso melothso luok ngüso: Azrikam, Bokeru, Ismael, Sherria, Obadia, naiuso Hanan noiküla.