Read Khiamniungan Naga 2 Ateng Chhi 1 Bible Online

2 Ateng Chhi 1 - Khiamniungan Naga bible

2 Ateng Chhi 1

¹Nokpao David thso Solomonüh Israel hai nokshing thatü mongkü shinglo, naiuso APAOU apa Goaüh apa oukkiu küta apa oukongting tsak iula-i.

²Nokpao Solomonüh apa khemko heng khako asonghoi, tsom khako asonghoi, nokshing nai asonghoi, tsammong nai ashehoi, naiuso khaiunia nouso apemtü ngiokhem kiukü,

³Gibeon amkham thang nai apako hakü khuau ngüsotü thoilutkü ngiom. Ngüso nungai khu tiautenai APAOU yathsüotsün Mosa tü Goa nou liutsa nai tsakei taoko shankiutsün APAOU Nejenkhio nou nungko noiküla.

⁴(Athalou-e Ngiokhem Paidan, nung Yirusalem nai, Nokpao Davidüh Kiriat Jearim ainou kankü shikü nung taiuau nejenkhio sübao shan nungko taiukei.)

⁵Hur thsao Uri thso Bazalel tsangkü shantsün taoson amthang nou lüko Gibeon nai APAOU Nejenkhio khako taiuküla. Nokpao Solomon naiuso khaiunia chikü nou APAOU nungko amkhamkü noiküla.

⁶Nejenkhio khako nokpao nou taoson amthang chiai aa aloat chaithio nouso kiukü APAOU nou amkham; apaüh nung amthang chiai thainian heng ngoikü loatküta apem jahkü noiküla.

⁷Nungsoh nai Solomon dongai Goa atsangshei sungküta sangkü ngiom, “Ngü nihau ti akiuta mongchioji?”

⁸Solomonüh thalakü ngiom, “Ni jüpo David hau atsüojin asong asaita hankü shin, naiuso lo ni ngühau apa nokpao lilo-iji.

⁹O APAOU Goa, jüpotü ni athalou shantaiu nou athawao-i. Ni ngo aveau tsüshiokün khaiunia- hoi khako nokpao theau shankium

¹⁰nungtiphe ngo ngüso khako nok- shingau ngü hau mongthat mongsai naiuso ange nou akiu. Tsüdekünaito, akhaiuniaso nungti hoi asong ngo titi thekü nokshingau shio-e?”

¹¹Goa nou Solomon tü thalakü ngiom, “Ni ayamtha nou cholo-iu. Memei, jengtsaiu, niansong, tsüde- künai a-ehoiso mowan-iau tsüdekü- nai athaiutha aakihlaiu liko ngo ni nokpao shankiutsün jü khaiuniaso khako nokshing monau ni ngütü mongthat mongsai naiuso ange nou tü sang.

¹²Ngo ni hau mongthat mongsai naiuso ange nou kiu-e. Naiuso nungko hakü, ngo nihau jengtsaiu piakü kiu-e, memei nou, naiuso niansong nou sau nokpao akhako naiuso nungphiai lüko tsünoishiau nou kiu-e.”

¹³Nungtiphe Solomonüh APAOU Nejenkhio taiutsün Gibeon nai am- khamthang nou wankü, Yirusalemai laokü shin. Nungko apaüh Israel hai khako nokshing shing.

¹⁴Apaüh ehli tsamkei heng tsak tsom püle naiuso mokthso chiai noikü ehlitsün heng chekü nime niakam. Ngüso ajantso apaüh Yirusalem ai taiuküta apoi nouso amao noknio nouso nai taiukiu.

¹⁵Apa nokshing taoko Yiru- salemai tangkason naiuso chaiou lakkeng nung sonkeng nai noitsün lungli, naiuso Cedar pai nouso athatha eptsün phiupai nousoli noi- küla.

¹⁶Nokpao hong nousoüh Musri naiuso Kilikia ainou mokthso nousoüh kankü shitsün kiapan,

¹⁷naiuso Ijip ainou lüko hakü noiküla. Ngüsoüh mokthso nousoko ehli tsamkei nouso hakü ehli tsamkei nouso pungkü nai tangkason tsom luok naiuso mokthso nouso pungkü nai tangkason tsomtsak aopungo he Hit hai si Siria hai nokpaohoi hau kiuwan.