Read Khiamniungan Naga 2 Ateng Chhi 11 Bible Online

2 Ateng Chhi 11 - Khiamniungan Naga bible

2 Ateng Chhi 11

¹Tilai Nokpao Rehoboam Yirusalem nai shisaom, apaüh Benjamin si Yihuda kau ainou süpai ameiting nouso heng 180, 000 jonkamkü noiküla. Nungko apaüh Israelhai ajenapki mele nouso shio- loküta apa ngiokhem khemko taiukü hau ehli khuau ayang noiküla.

²Lüko APAOU nou e-po Shemia tü,

³Nokpao Rehoboam naiuso Yihuda si Benjamin kau khaiunia chikü hau nung ngiongem lüchite ta ngiokü noiküla:

⁴“Asam deisinio Israel hai komau asam lakhu. Asam chikü momo tsamai laokü lükhuwan. Ti thawaokü shikü noin nung jümongchio nou noiküla.” Ngüsoüh APAOU ün athoilut angio angkü Jeroboam ko ehli au tsükhu.

⁵Rehoboam Yirusalem nai noikü Yihuda si Benjamin hai noknio nung so lomongkü shanshi.

⁶Betlehem noknio, Etam noknio, Tekoa noknio,

⁷Betzur noknio, Soko noknio, Adul- lam noknio,

⁸Gat noknio, Maresha noknio, Zif noknio,

⁹Adoraim noknio, Lakis noknio, Azeka noknio,

¹⁰Zora noknio, Aijalon noknio naiuso He- bron noknio.

¹¹Apaüh nung noknio nouso mongkü shanshiküta nungso pungkü nouko süpai ahei tsak tsak taiukiu, naiuso nungso pungkü hau apaüh chihsikhiam, Olip khiam, naiuso theng,

¹²naiuso loüh shisilai nouso lüko kiukü noiküla. Nungti apaüh Yihuda si Benjamin goumchi nouso apa ngiokhemko taiukü noiküla.

¹³Israel goumchi chikü ainou mesonhoi si Levihoi nouso ajepekki ainou Yihuda nai shin.

¹⁴Levihoi nou ngüso goh amei nouso naiuso amao goh nouso wankü Yihuda naiuso Yirusalem nai khuwan, tiautenai Israelhai Nokpao Jeroboam si apa lilotsünsoüh ngüso hau APAOU meson chhisiya nou tsüyathsüo-ikü noiküla.

¹⁵Jeroboamüh paisilung amkham athang nouso ai biya nouso naiuso jangtsopongthso khekkü apaüh shantsün sotsom nousotü amkham kiukü yathsüoau mele chija meson nouso chosan.

¹⁶APAOU Israel Goa amkhamau saitha mongchiotsünso Israel khaiuniahoi kau chikü ainou Yirusalem ai Levihoi nouso phiai hoilut, nungti ngüsoüh ngüso paosipo Goa APAOU hau aloat chaithio nouso kiuau shiokü noiküla.

¹⁷Nung tsangkü ngüsoüh Yihuda nokshing mongkü iula-i, naiuso pon süme ngüsoüh Solomon thso Rehoboam tü jungkü noiküla naiuso ngüso Nokpao David si Nokpao Solomon ne nokshingtao khemko noikü shitsünli noiküla.

¹⁸Rehoboamüh David thso Jerimot ün menyiuthso Mahalat tsamsigoh yang, naiuso apa Jese thsao Eliab menyuthso Abihail thso noiküla.

¹⁹Ngüso tü melothso süme chelut, ngüso: Jeus, Shemaria, naiuso Zaham.

²⁰Aphiai apaüh Absalom ün menyiuthso Maka tsamsigoh yang, naiuso ngüsotü melothso püle chet- lut, ngüso: Abija, Attai, Ziza, naiuso Shelomit.

²¹Rehoboam tsammong- nyiu apem kamkünai chekü püjei naiuso nyiu-ib taiutsün tsammong- nyiu aoluok, naiuso apa melothso kheikü pejei naiuso menyiuthso aoluok po tsak noiküla. Apa tsam- mongnyiuso naiuso nyiu-ib taiutsün menyiu apem ongko apaüh Maka tü phopkü tsüojin,

²²naiuso apa thsoso apem khaiuko apaüh Ahija tsüojin, nungtiphe apa nokpao noikham liloau apa chosan.

²³Rehoboamüh apa thsoso hau chhisiya thsale meikü sonkiu, küta lomongshikü taiutsün noknio nouso Yihuda si Benjamin goumchi apemai sunkiukü noi-i. Naiuso apaüh ngüso hau ehesishiu kium, naiuso ngüso thaiutha tsammongnyiuso kium.