Read Khiamniungan Naga 2 Ateng Chhi 14 Bible Online

2 Ateng Chhi 14 - Khiamniungan Naga bible

2 Ateng Chhi 14

¹Nokpao Abija ean naiuso apa David noknio nai nokpaohoi etam nai khanan. Apa thso Asaüh apa nokpao noikham liloum, naiuso Asa nokshing khemko shingkhannio nou pon che monglingkü nokmei nai noiküla.

²Ayamtha nou naiuso amei nou chhitsün tsangkü Asaüh apa Goa APAOU nou mongtsam-ikü noiküla.

³Apaüh gohmaohai amthang nouso naiuso paisilung amkhamthang nouso lowan, asiolung kheam nouso lothean naiuso menyiu Ashera sotsom nouso sah nou hethekü wanan.

⁴Apaüh Yihudahai khaiunia- hoi tü ngüso paosiposo Goa, APAOU nou mongchiotsün chhiau naiuso apaüh tsandetsünso si athoilut nouso angio ang-au thoilut.

⁵Paisilung amkhamthang nouso naiuso angan- nyam jahtsün Yihudahai noknio ainou apaüh lomowanphe, apa nokshing khemko goumchi nou aalo nokmei nai noiküla.

⁶Apaüh nungtaoko Yihudahai noknio nouso lomongshikü shanshi, naiuso nungko ehli tsüsungkü pon intso noiküla, tiautenai APAOU nou apa hau nokmei nou kium.

⁷Apaüh Yihuda khaiuniahoi tü ngiom, “Samüh bekhan nouso kiapkü taiuau naiuso son nou khongjeikü taiuau noknio nouso pe naiuso ehüpo shantsün mongkü shanshiko, Samüh goumchi nou thajeilo-iu, tiautenai samüh APAOU sam Goaüh mongchiotsün chhisiyakü noin. Apaüh sam kipsaniu naiuso aniokun pungkü nai samhau aalo nou kiukü noin.” Nungti ngüsoüh shanshi naiuso tsüomeikü khukü noiküla.

⁸Nokpao Asaüh Yihuda kau ainou shisilai kantsün süpaihoi khaiunia heng 300, 000 naiuso Benjamin kau ainou shisilai Uokop kantsün süpaihoi khaiunia heng 280, 000 noiküla. Nungso apem mongnyanhoi naiuso meikü monta- iukü ngetsün jije noiküla.

⁹Sudanhai tsak Zera ta niankü nou süpaihoi million tsak naiuso ehli tsamkei nai niakü li-etsün tsom 300, hakü shikü Maresha saokü komkü khukü Yihuda komhean kü noiküla.

¹⁰Nokpao Asa Zerako li-eau tsalokü khu, naiuso Naresha shimkü Zefatha Tsamei nai nemtso ai ehjiothang lokü tsalo.

¹¹Asaüh apa Goa, APAOU tü misao saokü ngiom, “O APAOU oukongting tsak lilu ni tsaosilao outsükongkün süpaihoitü lüko hachu au shiom. Lo, sam ahalo, O APAOU sam Goa, tiautenai sam nitü niolutkü noin, naiuso anianko sam nung süpaihoi asong nouko ehli au shikü noin. APAOU, ni sam Goa noin: khaiunia sauüh ni shioloau shio-e ta tsüyangji.”

¹²Tilai Asa naiuso Yihudahai süpaihoi nousoüh tsalo APAOU nou Sudanhai süpaihoi shiolowan, ngüso khulükhunan,

¹³naiuso Asa si apa süpaihoi nousoüh ngüsotü Gerar saokü komkü khu. Süpaihoi nou kamlokü ehli-au tsüshio nou shioko Sudanhai khaiunia piakü loatkü noiküla. Ngüso APAOU oukong nou naiuso süpaihoi nou shiolowan, naiuso süpaihoi nou jengtsaiu piakü yanlowan.

¹⁴Nungai ngüsoüh Gerar shimkü noitsün noknio nouso lothe- kü wanan, tiautenai nungko noitsün khaiuniahoi nouso APAOU lun hatkü noiküla. Süpaihoi nou nung noknio nouso chikü thalokü jengtsaiu piakü yanheankü noiküla.

¹⁵Ngüsoüh onnemok jimhoi saothang lüko ajantso komkü, onnemokhoi naiuso uthoi piakü thalokü khuwan. Küta ngüso Yirusalem ai laokü shishin.