Read Khiamniungan Naga 2 Ateng Chhi 26 Bible Online

2 Ateng Chhi 26 - Khiamniungan Naga bible

2 Ateng Chhi 26

¹Yihudahai khaiunia chikü nou Amazia thso achetpon chekü luok nou Uzzia apa po nokpao liloau chosan.

²(Nung Amazia eanphiai Uzziaüh Elat Noknio müjam komhekü thaloshi küta apaüh noknio nou shanshin.)

³Uzzia nokpao tsalotsün taoko apa achetpon chekü luok noiküla, naiuso apaüh Yirusalem nai pon aopungokü nime nokshing shing. Apa nyiu nian Jekolia, apa Yirusalem ainou noiküla.

⁴Apa po alat tü hoilutkü, apaüh APAOU khako ayam thanou chhisi- yakü noiküla.

⁵Apahau don yamai lotsüotsün, Zekaria aakihtsün lektso, apaüh APAOU nou mongkiukü yathsüo, naiuso Goa nou apa ouk kiukü shin.

⁶Uzzia, Filistiahai thako ehli au khu. Apaüh Gat noknio, Jamnia noknio naiuso Asdod noknio pe nouso laopengküta Asdod shimkü noknio nouso shanshin naiuso Filistiahai goh amao nai lüko shanshin.

⁷Goa nou Filistiahai, Arabhai sauhai Gurbal nai kiji nungso naiuso Meunhai shioloau apa hachu.

⁸Anmonhaiüh Uzzia hau liukim kiu, naiuso apa oukong thsüokü iulakü apa niansong nou Ijip goumchi saokü pengkü khu.

⁹Uzziaüh ehü koilop nouso Aniokun Bekhan nai, Tsamei Bekhan nai, naiuso pe kianglotsün nai lah- tsün tsangko Yirusalem lomongshikü noiküla.

¹⁰Apaüh loüh kengpun nai ehü koilop nouso lahsan naiuso khiam temkhao piakü thaio, tiautenai apaüh tsam thainian naiuso jangtsohoi aje- nap kenghok nouso ai naiuso tsamei nouso ai piakü niotaiukü noiküla. Apa eiu-a tsüojintsün tsak noiküla nungtiphe apaüh khaiuniahoi nouta kenghok nouso ai sainaoshep iua ao naiuso tsamei gohmei nouso nai eiu a-ao lotsüokiukü noiküla.

¹¹Apaüh ehli au thaiuthako süpaihoi piakü khemtaiukü noiküla. Nungso chhisiya nouso apa ün sahoi Jeiel naiuso Maseia soüh khemtaiu naiuso nung apem nokpao ün asonghoi ongko mepem tsak nou Hanania apaotsang khemko taiukiu.

¹²Süpaihoi nouso ahei heng 2, 6000, khemko noiküla.

¹³Ngüso khemko süpaihoi 307, 500, nouso nokpao thako shitsün ehoi ko thameikü ehli au montsünso noiküla.

¹⁴Uzziaüh süpaihoi au Shisilai, sonshikhao, kongwoi phakhut, Uokopchon, naiuso asatau lung nouso sonkiukü noiküla.

¹⁵Yirusalem nai apaüh yamsantsün jengtsaiu nou uokop thaiutha chon naiuso noknio pe aniokun naiuso tsamson ai noiküta yak kau lung nouso shankü noiküla. Apa niansong alumai pengkü khu, naiuso apa thatü oukongkü iula tiautenai apaüh Goa ainou ahachu epkü noiküla.

¹⁶Lüko tilai Nokpao Uzzia oukong mongkü iula, apa meshen mowanau thaiutha bülomkü iula, naiuso nung tsangkü apa nokshing loiantsün noiküla. Apa angannyamtsün janau angannyam jahtsün amthang Am- kham Tsam nai khutsün tsangkü apa Goa APAOU nou lochinyankü noiküla.

¹⁷Meson Azariako amao mongnyan mesonhoi aopüjei nouso apa lolaoau nokpao ko hoilut.

¹⁸Ngüsoüh ngiom, “Uzzia! Ni APAOU hau angan- nyamtsün jahkü au ayam tsünoi. Anon ainou chetsinyimsantsün sauhai meson nouso noin nung solu nung chhisiya au losiokü taim. Nung asiothang nouko nou asoi-an. Ni APAOU Goa nou mongmati-iu, naiuso loto ni apa ouk tsütaiushi.”

¹⁹Uzzia angannyam jahtsün amthang phiko angan nyam jahtsün semkü Amkham Tsam nai tsakü noiküla. Apa mesonhoi nouso tü mongmat, naiuso alekta apa kha- khengai jekia nou sungkü noiküla.

²⁰Amazia naiuso amao meson nousoüh nokpao ün khakheng nai lekkatkü thap, küta apatü Amkham Tsam nou wankü khuwanau koja. Apa nungko nou liukü khuwanau kowe, tiautenai APAOU nou apa angja kiukü noiküla.

²¹Apa akia suntsün shioko Nok- pao Uzzia apa aakihlaiu thathonkü amkham yamko tsüyanthsüokü noiküla. Loto Amkham Tsamai napshiau tsüshioshi, chhisiya apem ko aalokü apa meshen tengkhaiu tsam nai kih, nungtaoko apa thso Jothamüh goumchi nou ta nokshing shingkü noiküla.

²²Nokpao Uzzia, apa nokshing taoko chhisiyatsün naiuso amao chhisiya apem Amoz thso e-po Isaiaüh satkü taim.

²³Uzzia ean naiuso apa nokpaohoi khantsün-goh nai khan, lüko apa tü chaikia suntsün shioko apa nokpaohoi etam nai tsükhanha. Apa thso Jothamüh apa nokpao noikham liloum.