Read Khiamniungan Naga 2 Ateng Chhi 27 Bible Online

2 Ateng Chhi 27 - Khiamniungan Naga bible

2 Ateng Chhi 27

¹Jotham nokpao tsalo taoko nai apa achetpon kheikü pungo noiküla, naiuso apaüh Yirusalem nai pon chekü luok nokshing shing. Apa nyiu Jerusha, Zadok menyiuthso noiküla.

²Apa po chhisiya khekkü apaüh APAOU khako ti ayam atha noin nung chhisiyakü noiküla, lüko Amkham Tsam nai apa poüh chhi- siyatsün lito apaüh angannyamtsün tsüjah. Lüko khaiunia hoi nou angei suntsün tsülaokü noi.

³Amkham tsam nai Ajepekki bekhan naiuso Yirusalem ai Ofel ta jontsün athang nai noknio pe chhisiya asong shan- tsün nung Jotham noiküla.

⁴Yihuda goumchi king nouso nai apaüh noknio nouso shan, naiuso liutsa nouso nai ehü puo nouso si koilop nouso shan.

⁵Apaüh Ammonhai nokpao thako ehli naiuso apa süpaihoiüh ngüso shiolowan. Nungai apaüh Ammonhaitü pon pungkü pon süme thaiutha: tangkason tsoi heng 3, 400, Wheattso metrik ton 1, 000, naiuso barlitso metrik ton 1, 000, ta liukim apa hau kiuau kojakü thoilut.

⁶Jotham nokshing oukongkü iula tiautenai apaüh APAOU apa Goa mongkiukü thumkü angio angkü noiküla.

⁷Jotham nokshing chhisiya amao nouso, apa ehli nouso, naiuso apa mongthat nouso chikü Israel si Yihudahai Nokpaohoi Ngiolat Thsam nai satkü noin.

⁸Tilai apa nokpao tsalo, Jotham achetpon kheikü pungo noiküla, naiuso apaüh Yirusalem nai pon chekü luok nokshing shing.

⁹Apa ean naiuso David Noknio nai khanan, naiuso apa thso Ahazüh apa nokpao lilokü noiküla.