Read Khiamniungan Naga 2 Ateng Chhi 3 Bible Online

2 Ateng Chhi 3 - Khiamniungan Naga bible

2 Ateng Chhi 3

¹Nokpao David, Solomon poüh Amkham Tsam thang au shingsan taiuwankü noiküla. Nung athang nou Yirusalem nai Moria king sübao ko APAOU David dongai sungh nungko Jebus hai nou Araunaüh tsonyak nyaau kankeitsün athang tsak noiküla.

²Pon püle alei nime nouko nung tsamlah chhisiya nou tsalou.

³Solomonüh lahtsün Am- kham Tsam nung atheng nai meter kheikü chinyat naiuso atham nai meter lükao noiküla.

⁴Anapyatsün tsampai nung apon nou meter lükao naiuso atsok nai aopungokü püle meter noiküla.Tsampai among nou chaiou lakkeng asangting nou chu- jeikü noiküla.

⁵Tsampai ateng nou cedar pai nou nyingjei, naiuso nung chiai chaiou lakkeng nou chujeikü noiküla. Naiuso nungso mepai nouso lengli jipekü alengyamlut.

⁶Nokpao nou Amkham Tsam nou chaiou lung naiuso Parvaim goumchi ainou kankü shitsün chaiou lakkeng nou athapau meikü alengyamlut.

⁷Apaüh chaiou lakkeng, kheam nouso, kou nouso apem chiai chaiou lakkeng nou chujeikü taiu. Achhitsünsoüh dioai nouta akoipotsün thainian nouso shanlut.

⁸Akheiting tsampai sübaotü Thatü Asio Thang ta jonji, nung Amkham Tsam athat tongtü nai ateng meter lükao naiuso atham nai lüko meter lükao noiküla. Thatü Asio Thang dioai nou chujeiau chaiou lakkeng metrik ton khei khengai thekü noiküla;

⁹sonla shanau chaiou lakkeng gram 570. the, naiuso asungthun tsampai dioai nouso lüko chaiou lakkeng noulu chujeikü noiküla.

¹⁰Nokpao nou apa chhisiyatsünso tü son nou akoi nime potsün thainian nime chaiou lakkeng nou chujeikü shanküta nungso Thatü Asio Thang nai taiuau ngiokhem kium,

¹¹nungko ngüso anaptsün yam- khan ta sheilutkü etsakai si etsakai ta tsakü noiküla. Nung thainian pungkütü akoi nime pokü noiküla, akoi tsak nou atheng nai meter 2:2 noiküla, nungüh awem tsampai nai dioai nungthso tü thankü nung akoi meter lükao nou athum khong- pengkü tsampai khütha nai noiküla.

¹⁴Thatü Asio Thang nou khongjeiau akhongjeitsün ne tsak ashethop ne naiuso amao in nou shan, nungtü asangnya lung, anyakhao, naiuso aseng, nou akoi potsün thainian nouso nung chiai chhisiyakü noitsün alengyam shanlut.

¹⁵Nokpao nou kheam nime shan, nung kheam nime nou meter 151/2 tsokkü shanküta nung Amkham Tsam khako kikü taiu. Nung kheam pungkü chiai alengyamlutkü nou lung meter 2:2 atsok thekü shankü taiu.

¹⁶Kheam khaiu nouso sonkheangekü alengyamlut naiuso nungko Sasashep taoson tsom tsak noiküla.

¹⁷Nung kheam nouso amkham tsamai naptsün nai ingkü kitaiu. Ajepekki nai kitaiutsün kheam nian nou Jakin, naiuso ajenapki nai kitaiutsün kheam nian nou Boaz noiküla.