Read Khiamniungan Naga 2 Ateng Chhi 30 Bible Online

2 Ateng Chhi 30 - Khiamniungan Naga bible

2 Ateng Chhi 30

¹Khaiuniahoi nou Aasan Sümai chongting alei nouko atao tongtü nai saoheau tsüshiokü noiküla, tiautenai donyamko meson- hoi nouso siokü noitsün saiukü tsünoi naiuso Yirusalem nai lüko khaiunia piakü moshikamkü noiküla. Nungtiphe Nokpao Hezekia, naiuso apa khemko asonghoi nouso, naiuso Yirusalem nai noitsün khaiunia nousoüh alei nime nouko saoheau mongchio, naiuso nokpao nou Israel khaiunia si Yihuda khaiunia chikü dongai ngio hong. Apaüh Efraim si Manase kau nouso nung Sümai nouko Yirusalem Amkham Tsam nai shiküta APAOU Israel Goa lomsankü Aasan Sümai saoheau thsamsat nouso hongnai mothikü apaotsang thsale lokü noiküla.

⁴Nokpao naiuso khaiuniahoi nouso ngüso ayang thaiutha monglengkü noiküla,

⁵nungtiphe ngüsoüh Israelhai Dan ainou Bersheba saokü ainou Ngiokhem tsangkü Yirusalem ai kamshikü Aasan Sümai saoheau jonkam, nai nung khako kamshitsün haove chiai shikü noiküla.

⁶Ngiongem kantsünso nokpao athoilut tsangkü pengkü khu naiuso apa asonghoiso Yihuda si Israel thapekkü nai nung ajontsün kankü khu: “Israel khaiuniahoiso, asam Asiriahaiüh goumchi shilowantsün ainou thakhu-iu. Nungtiphe lo APAOU Abraham Goa, Isak Goa, naiuso Yokob Goa dongai laokü ashi, naiuso apa asam dongai laokü shi-e.

⁷Asam paosiposo khekküto lathe naiuso asam paiusihai Israelhai sauhai APAOU ngüso Goa tü mongtsülam nungsolito lathe. Nung asamüh epji, apaüh ngüso thsüokü angjakium.

⁸Ngüsoli mongkongkü lanoi, lüko APAOU ngio lü-ang. Sübao APAOU asam Goaüh athontsüyangkü thaiu- tha losiokü taium nung Yirusalem Amkham Tsam nai ashi, küta apa lü-amkham nungaito apa asamko mongmatkü tsünoi shi-e.

⁹Asam APAOU dongai phoklekü shinaito, sauhaiüh asam tsammongso akho- thiotsün nai kankü khuwan ngüsoüh ngüso chiai atsüojinyang noi-e, naiuso ngüso laokü shi-ishi-e.APAOU asam Goa atsüojinyang naiuso ayangkiutsün noin, naiuso asam apa dongai laokü shinaito, apaüh asam lou-e.

¹⁰Ngiongem kantsünso Efraim si Manasehai goumchi noknio pungkü khu, naiuso ajepekki goumchi mele Zebulunhai saokü khu, lüko khaiuniahoi nouso ngüsotü nyailut naiuso ngüso lochi lotsao!

¹¹Nungti lüko Asher kau, Manase kau, naiuso Zebulun kau nouso ainou Yirusalem ai shi au ajantsolu mongchiokü noiküla.

¹²Yihuda nai Goa nou lüko chhi nou chhiküta khaiuniahoi nou apa mongchiotsün ta angio angkü theau mongsongkü nokpao naiuso apa asonghoi nousoüh thoiluttsün tü hoilutau mongchiokü noiküla.

¹³Alei nime nouko nai phoplao tsüthiokün Themtsai Sümai saoheau khaiuniahoi piakü Yirusalem nai kamshin.

¹⁴Aloat chaithio thang naiuso angannyam jahtsün amthang nouso sübao Yirusalem nai ngüsoüh kankeikü noiküla nungso Kidron tsamei nai yathiowan.

¹⁵Naiuso alei nai ajekhaiu chekü pülenyi nouko ngüsoüh onnemoktso nouso Aasan chaithio thaiutha loatkü noiküla. Meson nouso naiuso Levi nouso sauhai don yamko tsüsiokü noiküla ngüso amiam epküta ngüsoüh APAOU hau chija thumkü kiukü losiolo, naiuso lo ngüsoüh ajahtsün chaithio Amkham Tsamai kiuau shiokü noiküla.

¹⁶Goa ün khaiunia Mosa Ngiokhem nai ayamhantsün tsangkü ngüsoüh Amkham Tsam nai ngüso athang nouso loum. Levihoi nou aloat chaithio ainou she nou meson nouso hau kiuküta ngüsoüh nung amthang noutü satlut.

¹⁷Tiautenai khaiunia piakü don yamko siokü tsünoiphe, ngüsoüh Aasan Sümai thaiutha on- nemoktso loatau tsüshiokü noiküla, nungtiphe Levihaiüh ngüso thaiutha chhikium, naiuso onnemoktso nouso APAOU hau thumkü losiokü kiu.

¹⁸Nungko hakü, Efraim, kau Manase kau, Isakar kau, naiuso Zebulun kau ainou sauhai shikü noiküla, ngüsoüh don yam nai alosio chhisiya nou tsüshan, nungtiphe ngüsoüh nung Aasan Sümai ayam tsüthakünai yangsanhakü noiküla. Nokpao Hezekiaüh ngüso thaiutha ko nung misao saokium:

¹⁹“O APAOU, sam paosiposo Goa, ngüso don yamko siokü tsünoi lüko, ngüso mong apem nou ni amkhamkü noi naito ni angei nou ngüso hau awan lükiu.”

²⁰APAOU nou Hezekia misao thalakü apaüh khaiuniahoi nouso hau wankiu naiuso ngüso tü titso tsütawai.

²¹Ajekhaiu chinyatnyi khaiuniahoi sauhai Yirusalem nai kamshikü noiküla ngüsoüh Phoplao Tsüthiokün Themtsai Sümai thatü monglingkü saohen, naiuso ajekhaiu tsütokü Levihoi si mesonhoi nousoüh ngüso oukong chikü nou APAOU lomsankü noiküla.

²²Hezekiaüh Levihai hau APAOU amkham kiutsün yamko ngüso ange amoun thaiutha nianlom kiukü noiküla. Ngüsoüh aloat chaithio kiukü APAOU ngüso paosiposo Goa lom- sankü noitsün ajekhaiu chinyat phiai,

²³ngüso chikü nou loüh aje- khaiu chinyatnyi sümai saohe shiau thatloshin. Nungti ngüsoüh among- ling nai sümai saohekü noiküla.

²⁴Nokpao Hezekiaüh jangtsopong heng tsak naiuso onnemok heng chinyat khaiuniahoi nou loatkü heau kium, naiuso asonghoi nousoüh loüh amao jangtsopong heng tsak naiuso onnemok heng che ta kium. Mesonhoi haove piakü donyamko losiokü noi- küla.

²⁵Nungti Yihuda khaiuniahoi, mesonhoi, Levihoi, ajepekki ainou shitsün khaiuniahoi, naiuso Israel si Yihuda nai gohmao khaiunia sauhai asaita hau kihakü noiküla nungso khaiunia pungkü monglingkü noi- küla.

²⁶Yirusalem noknio amongling nou meanküla, tiautenai David thso Nokpao Solomon taoko aita tilaitso nungti tsüthawaodekü noiküla.

²⁷Mesonhoi naiuso Levihoi nou khaiuniahoi khako APAOU ün ouk saothiokiu. Aün nai apa tsam ainou Goa nou ngüso misao lula küta nung thashikü noiküla.