Read Khiamniungan Naga 2 Ateng Chhi 31 Bible Online

2 Ateng Chhi 31 - Khiamniungan Naga bible

2 Ateng Chhi 31

¹Nung sümai khemkü phiai, Israel khaiunia chikü Yihuda nai momo noknio pungkü nai peng- punküta lungkheam nouso longek, menyiu Ashera sotsom nouso hehong, naiuso amthang nouso naiuso paisi- lung amtsün athang nouso lothean. Ngüsoüh Yihuda goumchi apoi nouso thapekkü naiuso Benjaminhai Efraimhai, naiuso Manasehai goh ai chhisiya küta ngüso chikü tsamai laokü shin.

²Nokpao Hezekiaüh mesonhoi si Levihoi loüh yathsüoshin, nung khemko ngüso pungkü hau momo chhisiya kiukü noiküla. Nung mongko ajah chaithio, aalo chaithio, amkham tsam nai amkham tao haoson lotsün, naiuso Amkham Tsam chhisiya nai in pungkü nouko nianlom kiutsün mongkü noiküla.

³Apa ün tengkhaiu jangtsohoi naiuso thainianhoi ainou apaüh ahom si asham tsütokü ajahtsün chaithio au kium, naiuso Yihuda Anonyi chaithio au Alei Yan Sümai nouko, naiuso amao sümai nouso sübao APAOU Ngiokhem tsangkü pokü noiküla nungsoko kium.

⁴Nungko hakü, nokpao nou Yirusalem khaiunia nouso tü meson nouso si Levihoiüh epau ayam sübao noin nung chaithio nouso kankü shiau ngiom, nungaito ngüsoüh atao chikü APAOU ün Ngiokhem nou potsünli kiuau shiokü noiküla.

⁵Ngiokhem nou kiupengkü thunkü, Israelhai khaiuniaüh khülam amei- ting, theng, olip khiam, liukhiam, naiuso amao eiuai sungtsün paopei nouso kankü shin, naiuso loüh ngüsoüh taiutsün ainou ekve nouso kankü shin.

⁶Yihuda noknio nouso nai kihtsün khaiunia chikü nou ngüso jangtsohoi si onnemokhoi ainou ekve kankü shin, naiuso paopei lüko piakü kankü shin nung ngüsoüh APAOU ngüso Goa hau thumkü lo- siokü kiuwan.

⁷Nung paopei shitsün alei süme nouko yalo nou nungthan alei püle tü thalutkü phansankü shikü noiküla.

⁸Tilai Nokpao Heze- kia si apa asonghoi nousoüh ngüsoüh kiutsün ep, ngüsoüh APAOU naiuso apa khaiunia Israelhai nianlom kiukü noiküla.

⁹Nokpao nou nung paopei nouso thaiutha mesonhoi si Levihoi tü chite,

¹⁰nungai Zadok thsaosithso Akhengteng Meson Azariaüh apatü ngiom, “Khaiuniahoi nou ngüso paopei Amkham Tsamai kankü shiau tsalophe, nungko eheau saiukü loüh apia poishikü noiküla. Samüh nung apem taium tiautenai APAOU nou apa khaiuniaso ouk kiukü noin.”

¹¹Nokpao ngiokhem nai ngüsoüh Amkham Tsam khengko jengtsaiu taiu tsam nou khemsan,

¹²küta paopei si ekve chikü atsangsanau thaiutha nungko taiu. Ngüsoüh nungtü paotsangau Levihoi tsak nian nou Konania taiukiu naiuso apa dei Shimai apa tü hachuau shankiu.

¹³Ngüne khemko Levihai nungso che: Jehiel, Azeria, Nahat, Asahel, Jerimot, Jozabad, Eliel, Immakia, Mahat, naiuso Benaia ngüsoüh chhisiya au haoson sonlutkü noiküla. Nung chhisiya chikü Nokpao Hezekia naiuso Akhengteng Meson Azaria ne oukong khemko chhisiyakü noiküla.

¹⁴Levihai tsak Imna thso Kore sau Amkham Tsam Ajepek Bekhan nai ateng ehü noiküla, apa APAOU hau kiutsün paopei nouso luloaü naiuso nungso sonkiuau chhisiya haoson noiküla,

¹⁵Mesonhoi kihtsün amao noknio nouso nai apatü nung chhisiya nai amao Levihaiüh hachukiukü noiküla: Ngüso chhi- siyati noiküla nung tsangkü ngüsoüh meshen Levi paiusihai hau eheshiu vekü sonwaokü noiküla,

¹⁶naiuso nung kauling nai tsüdekü noiküla. Achetpon aosam tsüdekünai nung khengai nouso melo chikü hau ngü- soüh haoson nou kium, nung sauhai Amkham Tsamnai ngüso chhisiya tsangkü asaita thsale nai sonkiu.

¹⁷Meson nouso ngüso chhisiya kau tsangkü nai sonkiu, naiuso Levihoi achetpon khei si nung khengai nouso hau hoikam chhisiya tsangkü sonkiu.

¹⁸Ngüso chikü ngüso tsammong- nyiuso, methsohoi nouso, naiuso amao amonglamhoi nouso chikü satlo; tiautenai ti taoko lünou ngüso ainou asio chhisiya chhisanau apotsün khemlokü noiau noiküla.

¹⁹Mesonhoi ongko sauhai noknio nai kihkü noila nung Aron thsaosithsoso hau thoilut, tsüdekünai nung noknio nouso kotha ainou thsanyan goh nouso, nungko meson tsamkhaiu nai melo chikü hau sonkiutsün khaiunia ajantso ateng noiküla, naiuso sauhai Levihoi nai vethiohakü noin nungso apem dongai.

²⁰Yihuda apem nai, Nokpao He- zekiaüh ayamtha nou naiuso APAOU apa Goa mongchiotsün chhisiyakü noiküla.

²¹Apa ashio eptsün tsak noin, tiautenai Amkham Tsam thaiutha apaüh chhitsün alum tsüdekünai Ngiokhem kankeitsünko apaüh APAOU tü thumkü ngiotsüo nai naiuso apa Goa tü thumkü kiukü chhisiyakü noiküla.