Read Khiamniungan Naga 2 Ateng Chhi 34 Bible Online

2 Ateng Chhi 34 - Khiamniungan Naga bible

2 Ateng Chhi 34

¹Tilai Josia Yihudahai nokpao au tsalo apa achetpon petjei noiküla, naiuso apaüh Yirusalem ai pon aosamkü tsak nokshing.

²Apaüh APAOU khako chhi amei nou chhin; Apaüh apa paosipo Nokpao David, hokngam tü thaiokü Goa ngiokhem nouso chikü tsüphiokü angio angkü noiküla.

³Josia nokshing pon petjei nouko nai loüh apa methsoting taoko, apaüh apa paosipo Nokpao David ün Goa tü amkham au yalo. Pon püle noiküta apaüh paisilung amkham athang nouso lotheanau tsalo, nung- ko menyiu Ashera sotsom naiuso amao sotsom nouso chikü wanan.

⁴Apa ayamhan tsangko apa khaiuniasoüh Baal amkham kiutsün amthang nouso thiopekü wan naiuso nungso hau angannyam jahkiutsün amthang nouso thiopekkü wan. Ngü- soüh menyiu Ashera sotsom nouso naiuso amao sotsom nouso pukhaokü thiopekkü wanküta nung pukhao nouso nungtü amkham küta eantsün khaiuniahoi etam khütha nai sukpengkü wan.

⁵Apaüh paisilung amkham meson nouso uo ngüsoüh amkham kiutsün amthang nai jah- wan, Nung chhitsün tsangko, apaüh Yihuda naiuso Yirusalem amkham yamko loüh jam yamchukü shanshin.

⁶Apaüh noknio nouso si Manase, Efraim, naiuso Simeon, naiuso Nap- thali goumchi saokü athang nouso ai wekülu chhisiyakü shin.

⁷Ajepekki Nokshing goumchi nouso thapekkü wan, naiuso angannyam jahtsün amthang nouso nelangkü thiopekkü wan. Küta apa Yirusalem si laokü shin.

⁸Apa nokshing pon chikü petjei nouko, apaüh paisilung amkham thunlotsün tsangkü goumchi naiuso Amkham Tsam nou losiokütün phiai, Nokpao Josiaüh APAOU Goa Amkham Tsam lomeishiau khaiunia süme hong: ngüso Azaria thso Shafan, Yirusalem ainou nokshingpaou Maa- sea, naiuso asonghai tsak Joahaz thso Joa noiküla.

⁹Levi ehühoi nou- soüh Amkham Tsamai shisantsün chih nou Akhengting meson Hilkia hau kiuwan. (Nung chai nou Efraim- hai si Manasehai naiuso Ajepekki goumchi nokshing nouso, naiuso Yihuda khaiuniahoi ainou, Benja- minhai naiuso Yirusalemhai ainou noiküla)

¹⁰Nung chai nou loüh Amkham Tsam shanshiau apaotsang süme nouso hau lethioküta ngüsoüh nung

¹¹waimonhoi si tsamlahoi lung nouso tuh au naiuso Yihudahai nokpao nousoüh wonanitsün alinsan pai nouso sübao tsamla au kankeikü noiküla nung tuhau kiuwan.

¹²Achhitsün khaiunia nouso thumkü ngiotsüohoi noiküla. Ngüso tü Levihai khaiunia püle nou paotsangkü noiküla, ngüso Merari kau ainou Johat naiuso Obadia, naiuso Kohat kau ainou Zekaria naiuso Meshulam. (Levihoi nouso to apem jihang moun- tsünso noiküla.)

¹³Amao Levihoi nouso jengtsaiu kankeiau naiuso chhisiya in amomo nai achhitsünso tü paotsangau, naiuso amao ajan- tsoüh sattaiu tsüdekünai ehü chhi nai yathsüokü noiküla.

¹⁴Tilai jengtsaiu taiutsün tsampai ainou chai nouso loshikü noiküla, Hilkiaüh APAOU Ngiokhem Thsam nou epsan, nung Goa nou Mosa hau kiutsün Ngiokhem noiküla.

¹⁵Apaüh Shafan tü ngiom, “Ngo Ngiokhem Thsam nou nungko nung Amkham Tsam nouko epiu.” Apaüh Shafan hau nung thsam nou kium,

¹⁶naiuso Shafanüh nung nokpao dongai kankü khukü ngiom, “ni thoiluttsün alum samüh chhianiu.

¹⁷Samüh Amkham Tsam nai taiutsün chai nou losanküta achhitsünso naiuso ngüso tü paotsangtsünso hau lethiowaniu.”

¹⁸Naiuso apaüh ngioshin, “Ngo nungko thsam tsak Hilkiaüh ngü hau kiutsün taium.” Naiuso apaüh nung thsam nou nokpao hau sang songkü veten.

¹⁹Tilai nokpao nou nung thsam vetsün lula, apaüh lekkatkü apa neshe chipekkan

²⁰naiuso ngiokhem nungso Hilkia hau, Shafan thso Ahikam hau, Mikaia thso Abdon hau, mikhem noikham nai asat thetsün Shafan hau, naiuso nokpao ün ahachutsün Asaia hau:

²¹“Khukü jü thaiutha naiuso khaiuniahoi sauhai losaokü Israel naiuso Yihuda nai noin nungso thaiutha APAOU tü asangkiu. Nung thsam nouko tsan- detsünso thaiutha alat nou ayamsan. APAOU samko mongmatkü noin tiautenai sam paosiposoüh APAOU ngio nou angio tsü ang naiuso nung thsam nou ti chhiau noin ta ngioji nung chhikü tsünoi.”

²²Nokpao nou thoiluttsünko, Hilkia naiuso amao nouso e-nyiu tsak nian Hulda sau Yirusalem suntam ayan nai kihküla apa dongai asanglükhun. (Nung nyiuhai nou tsammongpo Shallum, apa Harhas thsao nou Tikva thso noiküla. Apa lüko amkham tsam nai phakhut alaiu nou ta paotsangtsün tsak noiküla.) Ngüsoüh nung nyiuhai hau tilüsong thawao nung chiten,

²³naiuso nung nyiuhai nou ngüsotü nokpao dongai laokü khushiau ngiom küta nung.

²⁴APAOU ainou ngiongem apa hau kiuau ngiom: “Ngü Yiru- salem hau angja kiuau noin naiuso nokpao hau vetetsün nung thsam nouko athesan nousoüh khaiuniahoi angja kiu-e.

²⁵Ngüsoüh ngü lean küta aloat chaithio nouso amao goa nouso hau kium, naiuso nungüh ngüso chhisiya chikü nou jü among- mat losan-in. Jü amongmat Yiru- salem thako sunganiu, naiuso nung tangkü tsüshi-e.

²⁶Nokpao pem apa thaiutha lüko, nung ngo, APAOU Israel Goa nou ngioji: Thsam nai ti satkü noin nungtü ni lü anglu,

²⁷naiuso ni mongphokle, aneshe chi- pekkü, naiuso shapkü tilai asamüh ngo titi lohat naiuso nungko noitsün khaiuniahoi nouso titi lohat. Ngo asam misao lula-iu,

²⁸küta sübao Yirusalem khako angja kankü shiau noin nung ni wanküta phiai üh tsüshi-e. Ngo ni aalo nai ean-i-e.” Khaiunia nouso nung ngiongem kankü Nokpao Josia dongai laokü shishin.

²⁹Nokpao Josiaüh Yihuda naiuso Yirusalemhai ahei nouso chikü jonkam,

³⁰küta ngüso kamlokü meson nouso naiuso Levihoi nouso naiuso khaiunia chikü hakü ngüso amkham Tsamai khukü noiküla. Ngüso chikü khako, nokpao nou Amkham Tsam nai epsantsün athalou-e ngiokhem thsam athom nou sang asong nou vekü noiküla.

³¹Apa nokpao nouso kheam dongko tsakküta APAOU ko apa ngio angkü theau athalou-e tsak shan, nungko thsam nai satkü taiutsünli, apa ngiokhem naiuso athoiluttsünso apa mong si onthso apem nou kankeiau, naiuso nung athalou-e ngiokhemko nouko ti chhiau saoji nung chhisiya nai hankü theau thaloukü noiküla.

³²Apaüh Benjamin khaiuniahoi nouso naiuso Yirusalem nai noitsün khaiunia pungkü hau apa ün athalou-e taiuau lotsüokü noiküla. Naiuso nungti Yirusalem nai noitsün khaiuniahoi nousoüh ngüso paosiposo Goa tü thaloukü shitsünli ngiokhem nai saotsün angio ang-ikü shitsünli noi.

³³Nokpao Josiaüh Israel khaiu- niahoi ün goumchi nousokü achinyan sotsom nouso apem lothean, naiuso apa aakihtsün lektso apaüh khaiuniahoi nouso ta APAOU ngüso paosiposo Goa yathsüoau kojakü noiküla.