Read Khiamniungan Naga 2 Ateng Chhi 4 Bible Online

2 Ateng Chhi 4 - Khiamniungan Naga bible

2 Ateng Chhi 4

¹Nokpao Solomonüh taoson amthang tsak shan, nung atheng atham meter lükao naiuso atsok nou meter püle apai ta noiküla.

²Apaüh loüh taoson nou a-au nai meter 2:2, awem ainou ajete meter 4:4, naiuso akuk nou meter 13:2 ta khiamdan tsak shan.

³Nung khiamdan achikuk lemkü aleng tsak chiai aleng tsak ta alengyamlutkü shan. Nung aleng- yamlut nou jangtsopong nouso sotsom khekkü nungüh khiamdan apem sojeikü taiuküla.

⁴Nung khiamdan taoson nou shantsün jangtsopong chekü nime nouso akha süme metü sheilutkü noiküla.

⁵Khiamdan ateitham nai milimeter 75 noiküla. Nung akok nou taopun lengli thengkam kuk tsak khekkü noiküla. Nung khiamdan nou liter luok thatso chomlokü noiküla.

⁶Loüh ngüsoüh chiukau che shan, küta chiukau pungo ajepekki nai naiuso pungo nou ajenapki nai ta Amkham Tsam nai taiu. Nung chiukau nouso aloat chaithio in nai jahkü thiotsün taoko thainian oujei nouso tsaoyanau taiuküla. Khiamdan asong nai taiutsün khiam nouto meson hoi penganau thaiutha noiküla.

⁷Ngüsoüh saisile kankeikü noitsünlilu chaiou lakkeng nou shantsün tson taiutsün apun che naiuso puo che ta shan, naiuso nungso Amkham Tsam atengtsam pai nouko etsai kai pungo ta taiukiu. Ngüsoüh loüh chaiou lakkeng nou shantsün chiutso tsom tsak shan.

⁹Ngüsoüh mesonhoi thaiutha tsamso tsammongai tsak naiuso kengchiai tsak ta shan. Nung tsakso ajet nouko bekhan kuo nouso taoson leng nou chomjeikü shan.

¹⁰Khiamdan nou ajepekki si ajenap- ki Amkham Tsam aniokun shimkü taiuküla.

¹¹Chiutso nouso lüko shan. Nokpao Solomon tü Amkham Tsam thaiutha apaüh thalotaiutsün jeng- tsaiu apem apaüh khemsan: Kheam nime Kheam khaiuting nai chiu nime khekkü alengyamlut kü taiutsün Nung lung pungkü chiai sonkhiang jeekü outsün aleng nouso Aleng yamlutkü taiutsün lung lemkü ingkü nime nouta Sasashep nou shantsün taoson tsom püle Jangtso nou tenkeitsün tsamkei che Chiu nouso che Khiamdan tü thengsantsün jangtsopong chekü nime Pulak, chap naiuso chonsiang nouso Waiyang nai ange amoun khaiunia Huramüh APAOU ün Amkham Tsam nai kankei au Nokpao Solomonüh thoiluttsün taoson nou chukü nung jengtsaiu nouso apem shansan.

¹⁷Nokpao nou Sukot si Zereda ne jetko Yordan tsamei nai nungso apem sonchiukü langtsün nai thio.

¹⁸Nungtiphe jengtsaiu piakü shan nou shioko khaiunia sauüh nung taoson nou shantsün athatlu au tsüshiokü noiküla.

¹⁹Nokpao Solomonüh loüh Am- kham Tsam thaiutha chaiou lakkeng nou chukü shan: Amthang naiuso puo nouso Goa hau chaithio kiutsün themtsai thaiutha shankü noiküla;

²⁰athat taiutsün tsangkü Thatü Asio Thang nou khako tson taiutsün naiuso chaiou ameiting nou shantsün tson nouso jah au noiküla;

²¹taopun alengyam nouso, tson nouso, akhaiuloau jengtsaiu;

²²tson lonyattsün, chiu nouso, angannyam jahtsün thaiutha chiu nouso, inkaiu jekchai nouso, Amkham Tsam kengchi kou nouso si Thatü Asio Thang noutü kiaptsün kuo nouso chaiou lakkeng nou chiujeikü noiküla.