Read Khiamniungan Naga 2 Ateng Chhi 8 Bible Online

2 Ateng Chhi 8 - Khiamniungan Naga bible

2 Ateng Chhi 8

¹Amkham Tsam naiuso nokpao tsam lahsanau Solomonüh pon khei loukü noiküla.

²Apaüh loüh Nokpao Hiramüh apahau kiutsün noknio nouso ayan shanshi, küta Israel hai nungko kihlo-ikü noiküla.

³Apaüh Hamat naiuso Zoba hai goh thalo

⁴küta liutsa nai apaüh Palmira noknio shan. Apaüh Hamat hai goumchi nai noitsün noknio apem shanshi, naiuso nungso ehesishiu kamtaiutsün athang nouso noiküla.

⁵Loüh Solomonüh nung noknio nouso lüko shanshikü noiküla: Ha Bet Horon noknio naiuso He Bet Horon noknio (ape naiuso bekoukhan loüh sonkhiang auo nou pejeikü wan,)

⁶Baalathai noknio, apaüh ehesishiu kamtaiutsün noknio nouso, naiuso apa mokthso si mokthso nou niakeitsün ehli tsamkei nouso shan- shi. Apa tsamla-au yangtaiutsün nung chikü Yirusalem nai, naiuso Lebanon nai, naiuso apaüh nok- shingtsün goumchi thapekkü chhikü khu.

⁷Solomonüh Kanan thsaosi- thsoso sauhai Israel haiüh ngüso goumchi tengkam lo taoko tsüloat hakü poikü noiküla nung khaiunia nouso apem chhisiya nai thiokü chhin. Nung mongko lonyi shisaokü ngüso ahei Hit hai, Amor hai, Periz hai, Hiv hai, naiuso Jebus hai thsao- sithsoso noin.

⁹Israel hai khaiunia to pha chhisiya chhiyam nai tsükiuha lüko süpai au, asonghoi au ehli tsamkei ahei au, naiuso mokthso tü paotsangau ayathsüotsün nai chhin.

¹⁰Tsamla in amomo nai chhisiyatsünsoko achhitsünso khako paotsangau asonghoi 250 noiküla.

¹¹Solomonüh apa tsammongnyiu, Ijip nokpao Farao ün menyiuthso, David ün Noknio ainou apaüh apa thaiutha lahtaiutsün tsam nai soikü khukü noi-i. Apaüh ngiom, “Israel hai Nokpao David ün nokpao tsamai apa kih au tsünoi, tiautenai ti athang ko lünou Athalou-e Ngiokhem Paidan noiküla nung asio noin.”

¹²Solomonüh amthang sübao apaüh Amkham Tsam khako lah- sankü taiuküla nungko APAOU hau aloat chaithio nouso kium.

¹³Asio ajekhaiu pungkü thaiutha Mosa Ngiokhem nai ngiotaiutsün tsangkü apaüh ajahtsün chaithio nouso kium; nungso ajekhaiu nouso: Yihuda hai Anuo, Alei Yan Sümai nouso, naiuso pon pungkü sümai süme nouso- phoplao tsüthiokün Themtsai Sümai, Be-eiuyam Sümai, naiuso Asolotsün Sümai nousoko thiom.

¹⁴Apa po Davidüh shantaiutsün ayam noutü thaiukü, apaüh meson nouso hau ajekhaiu pungkü chhisiya au nou lothakiu naiuso mesonhoi jihang taoko hachutsün Levihai hau chhisiya lothakiukü noiküla. Apaüh loüh Goa khaiunia David ün athoi- luttaiutsün tsangkü amkham tsam bekhan nousotü ehü au ahoi ahoi ta ngüso hau ajekhaiu pungkü chhisiya au chhiyam janthatkü taiukiu.

¹⁵Davidüh jengtsaiu taiutsün tsampai nouso thaiutha naiuso amao chhisiya nouso thaiutha mesonhoi naiuso hoi naiuso Levi hai hau ayamhan taiutsün apem kankü khu.

¹⁶Solomon ün chhisiya apem nung taoko nai khemkü shin. APAOU ün Amkham Tsam athanyalotsün aje- khaiu ainou chhisiya akhemlotsün saokü nouko chhisiya apem ashio-epkü shin.

¹⁷Nungai Solomon Edom hai goumchi nai, Agada khiamnok sai nai kheng noitsün Eziongeber naiuso Elat ai khu.

¹⁸Nungko Nokpao Hiramüh apa dongai apa ün asonghoi apaotsang khemko kheng nouso naiuso khiamnok thaiutha ngetsün ayathsüotsünso hakü hong. Ngüso Solomon ün asonghoi ko hakü Ofir hai goumchi ai kheng mongko noikü khuküta nung ainou chaiou lakkeng tsoi chekü pungo khengai lokü Solomon dongai kankü shin.