Read Khiamniungan Naga Ezra 10 Bible Online

Ezra 10 - Khiamniungan Naga bible

Ezra 10

¹Tilai Ezraüh Amkham Tsam khako nungso angei shapkü shanankü kauthiokü misaokü noila, Israelhai hoi asong tsak — melo, menyiu, naiuso methsohoi thatü thsüokü shapshapkü apa lemkü kamshin.

²Nungai Jehiel thso Shikania, Elam pothso ainou apa tü ngiom, “Samüh gohmao menyiu tsamsigoh yangtsün tsangkü Goako amonglam lotheaniu, lüko nungti lüko Israel thaiutha loüh ayang noishin.

³Samüh nung menyiu nouso naiuso ngüso thsoso honganau, sam Goako ngiomongshinge tsak shanau noin. Ni naiuso amao sauhaiüh Goa ün athoilut nouso sam hau chhi-iau ayamhan nouso asuhatji, samüh chhi-e. Goa ün Ngiokhem nou ti saoji nung samüh chhi-e.

⁴Nung chhisiyakü khuau athsale noin. Sam niko patko noin nungtiphe khaai khukü nung chhisiya nou lükheman.”

⁵Nungtiphe Ezraüh meson ahei nouso, Levihoi ahei nouso, naiuso khaiunia amao apoi nouso hau ti Shekaniaüh thatlusan nung ngiomongshinge tsak shanau tsalo.

⁶Nungai apa Amkham Tsam kha ainou khuküta, Eliashib thso Jehohanan ün akihtsamai nap, küta thaloukü khuwantsünso tsümonglamkün epkü apa mong lothekü apaüh titso tsühe tsüdekünai tsüshiukü noiküla.

⁷Khaiuniahoi ahei nouso ngio- khem tsangkü thaloukü khuwan- tsünso ainou sauhai laokü yashin nungso chikü Yirusalem nai pheteau Yirusalem naiuso Yihuda thapekkü ngiongem tsak hongkü noiküla.

⁸Khaiunia ajantso ajekhaiu samnyi mongko tsüshikü naito, apa jengtsaiu chikü lowane naiuso apa ün nung hoikam ainou haove tsak paopong nou mowane.

⁹Samnyi mongko, alei lükao ajekhaiu eknime nouko nai Yihuda si Benjamin goh ai kihtsün khaiunia chikü Yirusalem ai shiküta amkham tsam kengpun nai kamshikü noiküla. Nung atao nouko nai ah-nou thsüokü ou kü noiküla, nung ah tao naiuso atengting akam- shitsün tsak nou shioko khaiunia pungkü ngaongaokü noiküla.

¹⁰Meson Ezra tsaküta ngüso tü ngiom, “asam amonglam tsünoikü gohmao hai menyiu tsamsigoh yangtsün tsangkü Israel thako aphio nou kankü shin.

¹¹Nungtiphe lo, asam paosiposo Goa, APAOU khako angei lüphekkan, küta apaüh ti mongchioji nung lüchhi. Sam goum- chi ko kihtsün gohmao khaiuniahoi ainou asam chija mothikü lünoi naiuso asam ün gohmao tsammong- nyiu nouso lüwanan.”

¹²Khaiuniahoi nou sangh songkü thalakü ngiom, “Ni tilüsong ngioji nung samüh chhi-e.”

¹³Lüko ngü- soüh ngioshin, “Hoi nou kamshitsün asong tsak noin, naiuso ah ou thsüokü uoji. Sam nungti kengpun nai tsakü noi au tsüshio. Nung nyitso tsüdekünai nenyiko chhikhemau nou chhisiya tsüde, tiautenai nung angei nouko sam piakü hakü noin.

¹⁴Sam asonghoi nouso Yirusalem nailu noiküta nung chhisiya nou ta achhisan. Küta sauüh gohmaohai menyiu tsamsigoh yangkü noin nung ataothat tsak ko ashi-i, apako ahei- hoi naiuso apa noknio nai mikhemhoi nouso kankü ashi-i. Nungyamko Goa ün amongmat nung aküo khako nou laokü khuwane.”

¹⁵Mehulban naiuso Levihai nou Shabbethai neüh jungtsün Asahel thso Jonathan si Tikva thso Jahzia netü simkü nung ayang kiutsün tü khaiunia tsakühtso akshikü tsünoiküla.

¹⁶Thaloukü khuwantsün ainou laokü yashitsünsoüh nung ayang mongchiokü loum, nungtiphe meson Ezraüh pothso nouso ainou ateng nouso khaiuniahoi chhisiya nai thio naiuso ngüso nian satlokü noiküla. Alei che nouko chongting ajekhaiu nai ngüsoüh nung chhisiya tü thai- sanau tsaloum,

¹⁷naiuso nungthan alei süme mongko ngüsoüh khaiunia sauhaiüh gohmaohoi tsammongnyiu tsamsigoh yangkü noin nung apem yanthsüokü noiküla.

¹⁸Gohmaohai Tsammongnyiu tsamsigoh yangtsün khaiuniahoi nianling nungti noin: Mesonhoi, Pothso lingkü sattaiutsün: Jehozadok thsoso: Yihusua naiuso apa deisinioso pothso ko; Maaseia, Eliezer, Jarib, naiuso Gedalia.

¹⁹Ngüsoüh ngüso tsammongnyiuso ko pungeanau thaloum, naiuso ngüsoüh ngüso angei thaiutha aloat chaithio onnemokpong tsak thiom.

²⁰Immer pothso ko: Hanani naiuso Zebadia.

²¹Harim pothso ko: Maaseia, Elija, Shemaia, Jehiel, naiuso Uzzia.

²²Pashur pothso ko: Elioenai, Maaseia, Ismael, Nethane, Jozabad, naiuso Elasa.

²³Levi hai ongko: Jozabad, Shimei, Kelaia, (Kelita ta lüko jonji,) Pethahia, Yihuda, naiuso Eliezer.

²⁴Jihanghhoi ongko: Eliashib. Amkham Tsam Ehühoi ongko: Shallun, Telun, naiuso Uri.

²⁵Amaohai ongko: Paros pothso ko: Ramia, Izzia, Malkija, Mijamin, Eleazer, Malkija, naiuso Benaia.

²⁶Elam pothso ko: Mattania Zekaria, Jehiel, Abdi, Jeremot, naiuso Elija.

²⁷Zatter pothso ko: Elioenai Eliashib, Mattania, Jeremot, Zabad naiuso Aziza.

²⁸Bebai pothso ko: Jehohanan, Hanania, Zabbai, naiuso Adlai.

²⁹Bani pothso ko: Meshullam, Malluk, Adaia, Jashub, Sheal, naiuso Jeremot.

³⁰Pohat Moab pothso ko: Adna, Kelal Benaia, Maaseia, Mattania, Bezald, Binnui naiuso Manase.

³¹Harim pothso ko: Eliezer, Isshija, Malkija, Shemaia, Shimeon, Benjamin Malluk, naiuso Shemaria.

³³Hashum pothso ko: Mattenai, Mattata, Zabad, Elifelet, Jeremai, Manase, naiuso Shimei.

³⁴Bani pothso ko: Maadai, Amram, Uel, Benaia, Bedeia, Keluhi, Vania, Meremot, Eliashib, Mattania, Mattenai naiuso Jaasu.

³⁸Benui pothso ko: Shimei, She- lemia, Nathan, Adaia, Maknadebai, Shashai, Sharai, Azarel, Shelemia, Shemaria, Shallun, Amaria, naiuso Yosep.

⁴³Nebo pothso ko: Jeiel, Mattithia, Zabad, Zebina, Jaddai, Yoel, naiuso Benaia.

⁴⁴Nungso khaiunia chikü ün gohmao tsammongnyiu noiküla. Ngüsoüh nung menyiu nousoko ngüso thsoso hakü pungekü hongan.