Read Khiamniungan Naga Ezra 4 Bible Online

Ezra 4 - Khiamniungan Naga bible

Ezra 4

¹Yihuda naiuso Benjaminhai tü tsaotsün ehoi nou thaloukü khu- wantsün ainou laokü yashitsünsoüh Israelhai Goa APAOU Amkham Tsam lahshiji ta lula.

²Nungtiphe ngüso Zerubabel naiuso pothso nouso aheihoi pheteau khuküta ngiom, “Amkham Tsamlahtsün nai sam asamko halute. Asamüh amtsün Goa tülu samüh lüko amji, naiuso sam nungko kih au Asiriahai Nokpao Esarhaddonüh hongshitsün atao ainou samüh apa hau aloat chaithio nouso kiukü shin.”

³Nungai Zerubabel, naiuso Yihu- sua si pothso nai aheihoi nousoüh ngüso tü ngiom, “Sam Goa, APAOU amkham tsam tsak laau samüh asam ahachu pohkü tsünoi. Persiahai nokpao Sairusüh sam hau ayam sopkiutsünli, nung samüh sam chija lalo-e.”

⁴Nungai nungko kihtsün khaiuniahoi nousoüh Yihudahai tü chhi ainou ngüso mong lohenkiukü naiuso lohatkü noiküla.

⁵Ngüsoüh Persia hai asonghoi nouso hau Yihudahai hau chhi tsüchhi-iau nekhem paopei kiu. Lüko ngüsoüh Sairus nokshing ainou Darius nokshing tü thalutkü chhisiya tsülaokü chhin.

⁶Nokpao Artaksasta nokshing atsaloyatao nai, Yihuda si Yirusalem nai kihtsün ehoi nousoüh ngüso thako aphio kiutsün thsamsat kankü shin.

⁷Loüh, Persiahai nokpao Artaksasta nokshing taoko, Bislam, Midredad, si Tabeel, naiuso ngüso haisoüh nokpao dongai thsamsat tsak satkü noiküla. Nung thsamsat nou Aramaik ngioko satkü naiuso nung tilai welu-e nungai ngio phokleküta weau noiküla.

⁸Loüh nokshingpaou Rehum, naiuso nung goumchi khiamkhan tsak ko asat thetsün Shimshaiüh nokpao Artaksasta dongai Yirusalem thaiutha thsamsat nouso satshi:

⁹“Nokshingpaou Rehum, asat- tsün Shimshai, naiuso apa hai asong nouso, mikhemhoi nouso, Elam goumchi nai Susa, Babilon, naiuso Erek ai noitsün asonghoi apem ainou-

¹⁰sübao asong naiuso oukong Ashurbanipal tü heikü ngüso amao khaiunia nou- soko ngüso tsam ainou Samaria si Ajenap Eufrates khiamkhan pemai noknio nai kihlokü khu.”

¹¹Thsamsat nou nungti sattaiukü noiküla: “Ajenap Eufrates apa yathsüotsün khaiuniahoi ainou nokpao Artak- sasta dongai

¹²Asuhatkü noitsün Nokpao, samüh Yihudahai sauhai nungko amao khiamkhan ainou shiküta Yirusalem nai kihlo-in ngüsoüh achinyan si akhengshitsün noknio shanshiji nung ngeha-iau mongchioji. Ngüsoüh lungpe nouso peau tsalo-iu naiuso nungso shakta khemanau noin.

¹³Asuhatkü noitsün Nokpao, nung noknio si lungpe nouso khem naito, khaiuniahoi nou liukim kiutsün laowane, küta ni nou ashi- yam chaokü shi-ane.

¹⁴Lo, tiautenai sam ni nou Asuhatkü noitsün Nokpao khemko niolutkü noiphe, samüh nung thawao-iao tsümongchio, nungtiphe

¹⁵sam paosiposoüh satkü taiutsün akeng ngiolat nou tü ayamao ngiokhem nou asaita akhengshi nai noikü naiuso akeng tao nouso aita khiamkhan nai nokpao nokshinghoi nouso hau angja kiukü shitsün epsane. Nung khaiunia nouso tü nokshingau asaita thatü chekkü shin. Nungshioko nung noknio nou lomowankü noiküla.

¹⁶Nungtiphe samüh monglamji, nung noknio si lungpe nouso shan- shikhem naito, Asuhatkü noitsün Nokpao nou Eufrates Haiu tü Ajenap nai noitsün khiamkhan tsüthashio loshi-e.”

¹⁷Nokpao nou nung ngio laoshin: Nokshingpaou Rehum, khiam- khan nouko asat Shimshai, naiuso ngüso hachutsün sauhai Samaria naiuso Eufrates Ajenap nai kihtsün khaiunia nouso apem dongai salam.

¹⁸“Ni hongtsün thsamsat phokle- küta ngü hau wetekü haniu,

¹⁹Ngo nung kautha ao ngiokhem kiuwaniu, naiuso nung atsüoting pe tao ainou Yirusalem nung nokpao oukong nou tü khengshitsün naiuso nung noknio akhengtinghoi nou meankü noiküla ta epsaniu.

²⁰Nungko oukongteng nokpao nousoüh Eufrates Ajenap nai noitsün khiamkhan athum khaiuko nokshingkü noikü liukim naiuso chai shihetsün noiküla.

²¹Nungtiphe ngo ngiokhem nouso mokiukün lektsoto asamüh noknio shanshitsün khaiu- niahoi nouso chhisiya ainou alaowan ta ngiokhem akiu,

²²Nung lolu lüchhian, nungaito jü amongchiotsün tü ti alothe tsünoi-e.”

²³Nokpao Artaksasta ainou thsam- sat nung Rehum, Shimshai, naiuso ngüso hachutsünso hau weten, ngüso Yirusalem ai liukü khuküta Yihuda haiüh noknio shanshitsün lolaokü wanau kongkü kojakü noiküla.

²⁴Amkham Tsam chhisiya nou lao- wan naiuso nung Persia hai nokpao Darius, nokshing nepon saokü chhisiya nou tsüchhikü noian.