Read Khiamniungan Naga Ezra 5 Bible Online

Ezra 5 - Khiamniungan Naga bible

Ezra 5

¹Nungtaoko e-po nime, Haggai, naiuso Iddo thso nou Zekaria, neüh Yihudahai Yirusalem nai kihkü noitsünso tü Israel Goa nianko khapiam ngio chite.

²Tilai Shealtiel thso Zerubabel si Jehozadak thso Yihusua neüh ngüso ngiongem lula, ngüsoüh Yirusalem nai Amkham Tsam lah au tsalo, naiuso e-po nime nou ngüso tü hachukü noiküla.

³Alekta Ajenap Eufrates nokshingpaou Tattenai si Shethar Bozenai, naiuso ngüso Paiusihai asonghoi nouso Yirusalemai shiküta ngiom: “Nung Amkham Tsam laau naiuso lomeiau asam hau sauüh ngiokhem kiu?”.

⁴Ngüsoüh Amkham Tsam lahtsünko hachutsünso nian nou tü sangh.

⁵Lüko Yihudahai aheihoi nouso tü Goa nou thapkü noiküla, naiuso ngüsoüh Darius dongai thsamsat hongküta athalatsün moepkün lektso Persiahai asonghoi nou chhilükhunau tsüshiokü noiküla.

⁶Ngüsoüh nokpao dongai hongtsün ngiongem nung noiküla:

⁷“Nokpao Darius anokshing nokmei lünoi.

⁸“Asuhatkü noitsün Nokpao, sam Yihuda khiamkhan ai khu- küla naiuso Goa Amkham Tsam asong nouso, dioai au pai satlun nouso thekü lashitsün samüh epkü noin. Chhisiya nou thatü paotsangkü chhiji naiuso khaai khuji.

⁹“Nungai samüh ahei nouso tü nung Amkham Tsam lashiau naiuso lomeishiau ngüso hau ngiokhem sauüh kiu nung samhau achite ta sangkü noiküla.

¹⁰Loüh samüh chhisiya nouko ahei nouso nian tü lüko sanglukü noi.

¹¹“Ngüsoüh thalakü ngiom, ‘Sam aün naiuso goum Goa yathsüotsünso noin, naiuso samüh apung nai lahkü taiutsün Amkham Tsam lahshiji, naiuso Israelhai oukong nokpao tsak tsangkü kümei pon piakü khako nung shankü noiküla.

¹²“Lüko sam paosiposoüh Aün Goa nou mongmati nou shioko, Apaüh ngüso Kaldeahai nokpaoling mongko nokpao tsak, Babilonhai nokpao Nebukatnezar hau ngüso shiolowan-i. Amkham Tsam nou lothean, küta khaiuniahoi nouso Babilon nai thaloukü khuwan.

¹³Nungai Nokpao Sairus Babilon nai nokpao thetsün ayating pon nouko nai Amkham Tsam lashiau thaiutha ngiokhem kiukü noikü- la.

¹⁴Nebukadnezarüh Yirusalem Amkham Tsam ainou chaiou lak- keng, tangkason amkham tsam chiusilak sübao Babilon amkham tsamai kankü khukü noiküla nung eploshin, Sairusüh nungso khaiunia tsak nian Yihuda nai nokshingpaou Shesbazar phamongai nung chiusilak nouso lethio.

¹⁵Nokpao nou apa tü nungso loküta Yirusalem Amkham Tsamai kankü lükhu naiuso Goa Amkham Tsam ayathang nouko lülashan ta ngio.

¹⁶Nungtiphe Shasbazer shiküta athanya nou thiom; nungko yalokü tsamla nou tsalokü shin, lüko Amkham Tsam to losaokü mothakhem.’

¹⁷“Lo, Asuhatkü noitsün Nokpao, nungüh ni potha naito, Yirusalem nai Amkham Tsam lashiau thaiutha Sairusüh ngiokhem kiu süne tsükiu nung yamsanau Nokpao nou sat- taiutsün Babilon nai ayamsanhoi hau paotsangkü ayamsani; küta nung chhisiya yamko ni mongchiotsün ti-in noin sam tü angioshi.”