Read Khiamniungan Naga Ezra 8 Bible Online

Ezra 8 - Khiamniungan Naga bible

Ezra 8

¹Artaksasta nokshing taoko Babilon nai thaloukü khuwan- tsünso sauhai Ezra ko ainou Yiru- salem ai laokü yashin, ngüso ongko kau kau nai ahei nouso nianling:

²Finehas pothso ko Gershom, Ithamar pothso ko Daniel, David pothso ko Shekania thso Hattus, Paros pothso ko Zekaria, apa pothso khaiunia 150 hakü (nungko ngüso paosipo ngiolat noiküla) Pahat Moab pothso ko Zerahia thso Eliehoenai, nungko 200 hakü Zattu pothso ko Jahaziel thso Shekania nungko khaiunia 300 hakü Adin pothso ko Jonathan thso Ebed, nungko khaiunia 50 hakü Elam pothso ko Athalia thso Jeshaia, nungko khaiunia 70 hakü Shefatia pothso ko Maikel thso Zebadia nungko khaiunia 80 hakü Joab pothso ko Jehiel thso Obadia, nungko khaiunia 218 hakü Bani pothso ko Josifia thso Shelomit nungko khaiunia 160 hakü Bebai pothso ko Bebai thso Zakaria nungko khaiunia 28 hakü Asgad pothso ko Hakkatan thso Yojanan nungko khaiunia 110 hakü Adonikam pothso ko Elifelet, Jeuel, naiuso Shemaia, nungko khaiunia 60 hakü (ngüso aphi au thekü laokü yashin)</t(...)

¹⁵Naiuso ngo ngüso Ahava nok- song dongai saotsün haiu tsak saiko hoi nouso lokam, naiuso nungko sam ajekhaiu samnyi noiküla. Hoi ongko ngo mesonhoi hakü epsan, lüko Levihoi to tsühaküla.

¹⁶Nungko ngo ahei mepem lükao- Eliezer, Ariel, Shemaia, Elnathan, Jarib, Elnathan, Nathan, Zekaria, naiuso Meshullam, naiuso atsandetsünso nime Joiarib si Elnathan ne jonau hong.

¹⁷Nungai ngo ngüso Kasifia nai hoikam ahei Iddo dongai hongkü apa hachutsünso tü, amkham tsam chhisiyatsünso tü, sam dongai Amkham Tsam nai Goa yathsüoau khaiunia ahong ta sang.

¹⁸Goa ün atsüojinyang tsangkü ngüsoüh Mahli pothso ainou Levi naiuso maikü noitsün khaiunia tsak Sherabia sam dongai hong, Mahli apako melothsohoi naiuso deisinio hoi chekü petjei hakü shin.

¹⁹Ngüsoüh loüh Merari pothso ainou Hashabia naiuso Jeshaia ngüso tsammongso khei hakü hong.

²⁰Nungko Nokpao Davidüh asonghoi naiuso Levihai hachuau amkham tsamai chhitsünso khaiunia 200 niakü shin. Küta ngüso chikü nian satlo.

²¹Ahava Haiu nai, sam chikü, sam Goa khako, sam chija nyaplokü, sam thsoso, sam jengtsaiu, naiuso sam tsakeitsün nai sojeikü yamnia ao, Apa tü keithonkü sangau ngo ngio- khem kiu.

²²Sam yamko keitaoko ehoi jantso ainou sam tü hüau mokthso chiai noitsün süpaihoi tsak thaiutha nokpao tü sangau ngo miamkü noiküla, tiautenai ngo apa hau sam Goaüh apa tü mong- lamtsünso apem tü ouk kiuji lüko apa ainou sauhai laokü khuwanji nungso tü apa tsümongleng naiuso angja kiuji ta chitetaiukü noiküla.

²³Nungtiphe samüh sam kiploau Goa tü keithon naiuso misao loum, naiuso apaüh sam misao thalakü noiküla.

²⁴Mesonhoi ahei nouso ongko ngo Sherebia si Hashabia ne naiuso amao nouso che chosan.

²⁵Küta ngo nok- pao, apa mongyang losaiukiutsünso naiuso asonghoi, naiuso Israel haiüh Amkham Tsam ai kankeiau tangka- son, chaiou lakkeng, naiuso chiusilak nouso thatküta mesonhoi nouso hau kiuwan.

²⁶Ngo ngüso hau nungso kium: Tangkason - Metrik ton 22, Tangkason chiusilak 100 - nung tsoi 70, Chaiou lakkeng - tsoi 3, 400, chaiou lakkeng chiutso - tsoi 8:4, Taoson chiu amei 2 nung, chaiou lakkeng mai nouko wekü noiküla.

²⁸Ngo ngüso tü ngiom, “Ni, amongchio chaithio APAOU hau kiutsün naiuso tangkason si chaiou lakkeng chiusilak nouso, apaosiposo Goa khako asio noin.

²⁹Ni Amkham Tsam mosao iukün lektso nungso paotsangkü hükü lütaiu. Nungko mesonhoi nouso tsampai nai noitsün jengtsaiu nouso tü lüthatlu küta nungso meson aheihoi si Levihoi naiuso Yirusalem nai Israelhai ahei nouso phammongko lükiuwan.”

³⁰Nungtiphe Yirusalem Amkham Tsam nai nung chiusilak, chaiou lakkeng naiuso tangkason, nouso kankü khuküta apaotsangau meson hoi si Levihoi hau thsale kiukü noiküla.

³¹Sam Ahava haiu ainou Yirusalem ai khuau tsaloutsün nung chongting alei nouko ajekhaiu chekü nimenyi nai noiküla. Sam tsakeitsün taoko ehoi ehjio ainou, sam Goa, samko hakü sam kipsan.

³²Tilai samüh Yirusalem saom, samüh ajekhaiu samnyi aalo.

³³Küta pülenyi nouko nai sam Amkham Tsamai khu, nungko samüh tangkason, chaiou lakkeng naiuso chiusilak nouso that küta, nungso Uria thso nou, meson Meremot phammongko lethiowan. Apako Finehas thso nou Eleazar naiuso Levihai nime Jeshua thso Jozabad si Binnui thso nou Noadia hakü noiküla.

³⁴Alum ta welu naiuso thatlu, naiuso nungtaokulu nung thaiutha khemkü satkü wan.

³⁵Thaloukü khuwantsün ainou laokü yashitsün chiküüh Israelhai Goa hau aloat chaithio nouso jahkü thioau kankü shin. Ngüsoüh Israel apem thaiutha ko jangtsopong chekü nime, onnemok pong-96, naiuso onnemoktso-77, loüh ngüsoüh ngüso pem angei ainou losioau won chekü nime chaithio kium. Nung thainian nouso chikü APAOU hau ajahtsün aloat chaithio kium.

³⁶Ngüsoüh loüh ngüso hau nokpao nou satkiutsün thsamsat nou loküta nung Ajenap Eufrates khiamkhan nai noitsün nokshingpaou naiuso asonghoi nouso hau kiu, nungailu ngüsoüh amkham tsam nai amkham kiutsün naiuso khaiuniahoi nouso ta jungkü noiküla.