Read Khiamniungan Naga Ezra 9 Bible Online

Ezra 9 - Khiamniungan Naga bible

Ezra 9

¹Nung chhisiya nouso apem chhikhemkütün phiai, Israelhai ahei khaiunia ajantso shikü ngü hau khaiuniahoi nou, mesonhoi nou naiu- so Levihoi nou ngüso chenpa goumchi Ammon hai, Moab hai, naiuso Ijip hai tsüdekünai Kanan hai, Hit hai, Periz hai, Jebus hai naiuso Amor haiko ngüso chija mothikü pungekü tsünoi ta chiten. Ngüsoüh lüko nung khaiunia nousoüh chhitsün achinyan chhi noulu chhisiyaji.

²Yihuda haiüh gohmao hai menyiuko tsamsigoh yangji, nungti Goa ün asio mele lao- thekü iulawaniu. Aheihoi si asonghoi nouso athsüoteng phiowantsünhoi noiküla.

³Tilai ngo nung ngiongem lula, ngo jüneshe chipekkü mongkia, jü khaiuo si jüsonpon eiuwan, küta ngo mongkiakü moknoi.

⁴Ngo nung- ko asham thaiutha aloat chaithio kiutsün atao ta thalutkü amongkia nai moknoi, naiuso nungko sauhai hatatkü noiküla nung khaiuniahoi nou ngü lemkü kamshin tiautenai Israel hai Goa nou thaloukü khu- wantsün ainou sauhai laokü shishin ngüso angei thaiutha ngiotaiukü noiküla.

⁵Tilai asham aloat chaithio kiu- tsün atao shisaom, ngo mongsaiukü noitsün athang ainou chuon, küta jü neshe chipekkü noitsün lu thalokü noikü ngo APAOU jü Goa dongai jüphaso loksankü singkau lang- thioküta misaolo.

⁶Ngü ngiom, “Oh Goa, akhako jükhaiu ngusanau ngo thatü miamji. Sam angei so sam khaiuso khütha nai tsokkü phansankü noin nungsoüh aün atsokting nou yapaniu.

⁷Sam paosiposo ajekhaiu ainou losaokü nouko, sam, akhaiu- niasoüh angei thatü songkü sunlo-iu. Sam angei shioko, sam nokpaoso, naiuso sam meson hoiso gohmao nokpaohoi phamongai nappan, naiuso sam chaoatkü noila, sam kaulowankü, naiuso sua nousoli sam thalokü khuwan. Sam lonyi shisaokü, thumkü thamiamaniu.

⁸Lo atao letletkü thaiutha Oh APAOU sam Goa, ni sam khako atsüojin asong noikü shin naiuso sam ajantso sua aküo ainou thakhu-i-iu, küta nung asiothang nouko aalokü noi-i-iu. Ni sam sua aküo ainou soktham küta sam hau aa ayan nou kium.

⁹Sam suahoi noiküla, lüko ni sam sua aküo nailu tsüwanan. Ni Persia hai nokpao khako sam tü atsüojinyang epsan-in küta sam tsülaokü aa nou noiau ayam nou han, naiuso lotheankü noitsün ni nou Amkham Tsam ayanshanshiau kium, naiuso nungko Yihuda si Yirusalem nai aalokü noiau kium.”

¹⁰“Lüko lo, Oh Goa, thawaokü shitsün thaiutha samüh ti ngio-e? Samüh loüh athoiluttsün angio tsü-ang

¹¹sübao ni atsamki e-po nouso tsangkü kiutaiutsün noiküla. Sam khukü thaloau noitsün goumchi nou tsüsiokü nou goumchi ta ngüsoüh samhau chiten, tiautenai nungko kihkü noitsün khaiuniahoi athon tsak ainou athon tsak ai ta achinyan nou meankü noin, naiuso tsümeikü chhisiya nou meankü noin ta ngiom.

¹²Samüh nung goumchi sam thsaosithsoso hau asaita hau taiukiu-e naiuso nung goumchi ko sam monglengkü noi-etünaito, ngüso ashio epau tsüdekünai ngüso khaai khu-iau tilaitso nung khaiuniaso ta lahachu tsüdekünai nung khaiuniaso tilaitso tsamsigoh layang ta ngüsoüh sam tü ngiokü noiküla.

¹³Sam angei naiuso sam aphio thaiutha sam hau angja kiukü alum ko thawaokü shitsün phiai lüko samüh ni sam Goa nou samüh epau noitsün tü chaokü sam hau angjakiu naiuso sam tsümowanikü noi-iau kium ta samüh ngeji.

¹⁴Nungaito samüh titi thekü ni nou athoilut nouso loüh tsüwe- sankü nung akausai khaiunia nou- soko tsamsigoh yangshi-e? Samüh chhinaito ni samko mongmate naiuso sam tsaktso tsüpoishikü, thumkü lomowane.

¹⁵APAOU Israelhai Goa, ni ngiotsüo, lüko ni sam poikium. Samüh sam aphio akhako shankiuji; Sam akhako shiau sam tü ayamthakü nou ti tsünoi.”