Read Khiamniungan Naga Nehemia 1 Bible Online

Nehemia 1 - Khiamniungan Naga bible

Nehemia 1

¹Hakalia thso Nehemiaüh chhi- siya thakhemkü shitsün ngiolat nungti noin. Persiahai nokpao Artaksasta nokshing pon khei Kislev alei nouko Ngo Nehemia, atengteng noknio Susa ai noiküla.

²Jü deisinioso ongko khaiunia tsak Hanani, apako amao khaiuniahoi tsak hakü Yihuda ainou shisaom naiuso ngo Yirusalem ai sam paiusihaiso Yihuda hai Babilon nai thaloukü khuwantsün ainou sauhai laokü yashin nungso titi noin ta sangkü noiküla.

³Thaloukü khu- wantsün apoi nouso sauhai momo goumchi ai yangoikü noin ngüso thatü aangja nai noin, naiuso ngüso ko kihatsün gohmao khaiuniahoi nousoüh ngüso tsüwesankü kankeiji ta ngüsoüh ngü hau chiten. Loüh ngüsoüh Yirusalem pe losaokü loikülu noian naiuso nung noknio jekthiowantsün atao ainou bekhan nouso tsüshanshikü noi-an ta ngü hau chiten.

⁴Tilai ngo nungso apem lula, ngo moknoi küta mongsaiukü shap. Ajekhaiu intso mongsaiu küta ngo keithon lou. Ngo Goa tü nungti misao sao,

⁵“APAOU Aün Goa! Ni asong noin, naiuso sam ni lun hatkü tsakü noin. Sauhaiüh nitü tsüojinji naiuso ni thoiluttsün chhiji, ngüso ko athalou-etsün ni ngiotsüo nai taiuji.

⁶APAOU ngü tü athap, naiuso ngo asoh anyi, akhaiuniaso Israel hai thaiutha misaotsün, jü misao alula. Sam Israel khaiuniahoi nousoüh angei nou sunlo-iu ta ngo ngioji. Jü paosiposo naiuso ngo angei nou chhhi-aniu.

⁷Samüh athako akausai chhi chhi-aniu naiuso ni thoilut- taiutsünso tsüchhi. Ni yathsüotsün Mosa tsangkü ni sam hau kiutsün ngiokhem nouso samüh tsükankei.

⁸Mosa hau ni ti chitekü noin nung lo ayangsan. ‘Asam Israel hai ngü ko mongtsükiukü naito, ngo asam amao mele ongai khupengan-i-e.

⁹Lüko asam jü dongai phoklekü shiküta athoilut taiutsün chhi naito, asam goumchi athun saokü pengpunan lüko ngo amkhamao chosan taiutsün athang nai ngo asam niakü shishi-e!’”

¹⁰“APAOU, nungso ni yathsüotsün akhaiuniaso noin. Ni ngüso a-oukong asong nou kipsankü shin.

¹¹Jü misao naiuso amao ayathsüotsünsoüh ni lomsanau mongchiotsün misao tü lo a-anglu. Ngü hau lonyi ashiolotsün akiu naiuso ngü tü nokpao atsüojinyang anoi-i.” Nungso ajekhaiu nai ngo nokpaoün thengkam shemtsün noiküla.