Read Khiamniungan Naga Nehemia 11 Bible Online

Nehemia 11 - Khiamniungan Naga bible

Nehemia 11

¹Ahei nouso Yirusalem nai kih, naiuso apoi nouso tsamkhaiu che che nouko ainou tsamkhaiu tsak tsak asio noknio nai kih-au phong de, lüko amao apoi nouso, noknio naiuso noksong nouso ai kih.

²Yirusalem ai kih-au sauhaiüh meshen chija mongchiosan ngüso chikü tü hoi nouso monglingat.

³Amao noksong naiuso noknio nouso ai Israel hai, meson hoi, Levi hoi, amkham tsam nai chhitsünso, naiuso Solomon yathsüotsün thsaosithsoso ngüso momo tengkhaiu goh, noksong nai kih. Yirusalem nai kihtsün Yihuda hai khiamkhan nouko ahei paopunghoi- ling nungti:

⁴Yihuda hai kau nai Mepem nouso: Zekaria thsao nou Uzzia thso Athaia, apa paosiposo ongko Amaria Shefatia, naiuso Mahalalel, nungso Yihuda thso Perez ün thsaosithso noin.

⁵Kolhoze thsao nou Baruk thso Maaseia. Apa paosiposo ongko Ha- zaia, Adaia, Joiarib, naiuso Zekaria, nungso Yihuda thso Shela thsaosithso noin.

⁶Perez thsaosithsoso ongko, avesan khaiunia -468 Yirusalem nai kihküla.

⁷Benjamin kau nai mepem nouso: Joed thsao nou Meshullam thso Sallu. Apa paosiposo ongko Pedaia, Kalaia, Maaseia, Ithiel, naiuso Jeshaia.

⁸Sallu tsammongting Gabbai naiuso Sallai. Apem kamkü nai Benjamin kauso 928 Yirusalem ai kiha.

⁹Zikri thso Yoel nung ngüso ahei noiküla, naiuso Hassenua thso Yihuda nung noknio nai ashe nou khemko asonghoiling haove nime nouko noiküla.

¹⁰Meson hoi kau nouso: Joiarib thso Jedaia, naiuso Jakin.

¹¹Meshullam thsao nou Hilkia thso Seraia. Apa paosiposo ongko Zadok, Meriot, naiuso Ahitab apa akhengting meson noiküla.

¹²Nung kau mepem apem nai - 822 nousoüh Amkham Tsam ai yathsüo. Pelalia thsao nou Jeroham thso Adaia. Apa paosiposo ongko Amozi, Zekaria, Pashur, naiuso Malkija.

¹³Nung kau ko tsamkhaiu nai ahei nouso apem nai mepem-242 noiküla. Ahzai thsao nou Azarel thso Ama- shai paosiposo ongko Meshillemot naiuso Immer hakü noiküla.

¹⁴Nung kau nouko mepem -128 nouso sü- paihoi avesan noiküla. Ngüso ongko Zahdiel nung atengting tsamkhaiu tsak ainou mepem noiküla.

¹⁵Levi hai: Azrikam thsao, Harshub thso She- maia, Apa paosiposo ongko Hashabia naiuso Bunni hakü noiküla.

¹⁶Levi kau ongko atengting ong ainou Shabbet hai naiuso Jozabad, ngüne Amkham Tsam lemkü thaisantsün chhi nai noiküla.

¹⁷Asaf thsaosithsoso ongko tsak, Zabdi thsao nou Mika thso Mattania noiküla. Apaüh amkham tsam nai jihang hoi nou nianlomkiu naiuso jih hangnai niakei. Bakbukia nung Mattania tü hachutsün noiküla. Jeduthun thsaosithsoso ongko tsak, Golal thsao nou Ahammua thso Abda noiküla.

¹⁸Asio noknio Yirusalem nai kihtsün Levi hai apem nai-284 noiküla.

¹⁹Amkham Tsam Ehü hoi: Akkub, Talmon, naiuso ngüne deisinioso apem kamkü nai - mepem 172.

²⁰Israel hai amao nouso, meson hoi si Levi hai apoi nouso Yihuda hai noknio naiuso noksong nousoko ngüso tengkhaiu goh nai kih.

²¹Amkham tsam nai chhitsünso to Yirusalem nokpao Ofel ta jontsün ko kihküta Siha si Gishpa ne apaotsang khemko chhikü noiküla.

²²Yirusalem nai kihkü Levi hai tü chhisiya nai paotsangtsün nung Hashabia thsao nou Bani thso Uzzi noiküla. Apa paosiposo ongko Mattania naiuso Mika, hakü noiküla naiuso amkham taoko nai jihang haoson loutsün Asaf kau ong ainou tsak noiküla.

²³Nungai ajekhaiu pungkü amkham tsam nai kau nousoüh li-e li-ekü jihang taiao nokpao ngiokhem noiküla.

²⁴Yihuda mele Zera kau ainou Meshezabel thso Pethalia, apaüh Persia hai mikhem puo nouko Israel khaiunia sali tsakiu.

²⁵Khaiunia piakü ngüso eiu shimkü noksong nouso si kihkü noiküla, Yihuda hai mele ainouso Kiriat-Arba, Dibon, Jekabzeel, naiu- so nungso noknio shimkü nouso ai kihkü noiküla.

²⁶Ngüso loüh Jeshua, Molada Betpelet.

²⁷Hazarshual, Beersheba naiuso nung lemkü noitsün nok nouso ko kih.

²⁸Ngüso Ziklag noknio naiuso Mekona nok nouso ko kih,

²⁹Emrimmon ai, Zora ai, Jarmut ai,

³⁰Zanoa ai Adullam ai, naiuso nungso noksong nouso shimkü nok nouso ai kih. Ngüso Lakis ai, naiuso nung shimkü noitsün eiu nouso ko, naiuso Azeka ai. Naiuso nung noktso nouso ko kih. Nung athat nou Yihuda hai ajepekki nai Beersheba naiuso ajenapki nai Hinnom Tsamei jetko kih.

³¹Benjamin mele nouso Geba ai, Mikmas ai, Ai ai, Bethel ai shimkü noitsün nok nouso ai,

³²Anathot ai Nob ai, Anania ai,

³³Hazor ai, Rama ai, Gittaim ai.

³⁴Hudid ai, Zeboim ai, Neballat ai.

³⁵Lod ai Ono ai, naiuso Waiyang nai kihtsün Tsamei nouso ko kih.

³⁶Yihuda goumchi nai kihkü noitsünso Levi hai ajantso Benjamin haiko kiha au haoson sonlutkiu.