Read Khiamniungan Naga Nehemia 12 Bible Online

Nehemia 12 - Khiamniungan Naga bible

Nehemia 12

¹Shealtiel thso Zerubbabel naiuso akhengting meson Joshua neko hakü thaloukü khuwan- tsün ainou laokü yashitsün Meson hoi naiuso Levi hai nianling nungti noi-e:

²Mesonhoi nouso nian: Seraia, Yeremia, Ezra, Amaria, Malluk, Hattus, Shekania, Rehum, Meremot, Iddo, Ginnethoi, Abija, Mijamin, Maadia, Bilga, Shemaia, Joiarib, Jeddia, Sallu, Amok, Hilkia, naiuso Jedaia. Nungso Joshua taoko meshen paiusihai mesonhoi ongko aheihoi noiküla.

⁸Levi hoi nouso nian: Nianlomkiu Jihangtsün nai nung- soüh paotsangkü noiküla: Jeshua, Binnui, Kadmiel, Sherebia, Yihuda, naiuso Mattania.

⁹Nungsoüh thashi-ekü hangtsün jihanghoi tsak noiküla: Bakbukia, Unno, Levi, naiuso ngüso paiusihai Levi nouso:

¹⁰Joshua nung Joiakim po; Joiakim nung Eliashib po; Eliashib nung Joiada po;

¹¹Joiada nung Jonathan po; naiuso Jonathan nung Jaddua po noiküla.

¹²Joiakim Akhengting meson taoko, meson kau nouso ko ahei nungso noiküla: [Meson] — Kau Meraia — Seraia Hanania — Yeremia Meshullam — Ezra Jehohanan — Amaria Jonathan — Malluki Yosep — Shebania Adna — Harim Helkai — Meraiot Zekaria — Iddo Meshullam — Gennethon Zikri — Abja xx — Miniamin Piltai — Moadia Shammua — Bilga Jehonathan — Shemai Mattenai — Joiarib Uzzi — Jedaia Kallai — Sallai Eber — Amok Hashabia — Hilkia Nethanel — Jedaia

²²Akhengting meson nouso: Eliashib, Joiada, Jonathan, naiuso Jaddua nungso vetao nai Levihai naiuso Mesonhoi ahei nouso ngiolat satkü taiuküla. Nung ngiolat sattsün Persia hai nokpao Darius taoko satkhem.

²³Levihai tsammong nouko ahei nouso tongda lingthiokü sattaiutsün nung Eliashib thsao nou Jonathan taoko yangkülu noiküla.

²⁴Hashabia, Sherebia, Jeshua, Binnui, naiuso Kadmielso ayamhan tsangkü Levihai hoihoi ta shan. Goa khaiunia, Nokpao David tsangkü ayamhan kiutsünli atao tsak kolu hoi nimeüh thashi-ekü Goa hau nianlom kiu.

²⁵Bekhan ainou Amkham Tsam saokü jengtsaiu taiutsün tsampai nouso tü hüau ehü nouso: Mattania, Bakbukia, Obadia, Meshullam, Tal- mon naiuso Akkub ngüso noiküla.

²⁶Nung khaiuniahoi nouso Jeho- zadak thsao nou Joshua thso Joiakim nokshingpaou Nehemia, naiuso Ngiokhem ngetsün meson Ezra, taoko noiküla.

²⁷Tilai Yirusalem noknio lungpe nou losio, nung alosio sümei saohetsün ko poipoi matkü naiuso lah kho-ekü nianlomkiu hangau thaiutha Levi hai tilüsongai noiküla ngüso jonthio.

²⁸Yirusalem naiuso Netofa noksong nouso lemkü,

²⁹naiuso Betgilgal, Geba, naiuso Azmavet athang nouso ai noitsün Levi hai jih hangtsünso kamshi.

³⁰Mesonhoi naiuso Levi haiüh ngüso thaiutha, khaiuniahoi thaiutha bekhan nouso thaiutha, naiuso noknio pe thaiutha alosio amkham tsak noiküla.

³¹Ngü lungpe chi ai Yihuda hai ahei nouso jonkam küta hoi asong nime noknio lemkü Goa hau nianlom kiukü khuau ngüso tü thoilut. Chong hoi nouso Beisikin Bekhan dongai sheikü uai nai khu.

³²Yihuda hai ahei ajantso hakü Hoshaia jihang hoi phiai hoilutkü khu.

³³Meson hoi Azaria, Ezra, Meshullam, Yihuda, Benjamin, Shemaia naiuso Yerimea so jangong matkü nung- thanko hoilut. Nungthanko Shemaia thsao nou Jonathan thso Zekaria shin. (Apa paosiposo Mattania, Mikaia, naiuso Zakkur Asaf kau ainou noiküla.)

³⁶Apako apa kau amao mepemhoi-Shemaia, Azarel, Milalai, Gilalai, Maai, Nethanel, Yihuda, naiuso Hanani-nungso chikü nou Goa khaiunia Nokpao Davidüh lomtsün jihang dan nouso kankü hoilut. Sonthsa nai Ngiokhem ngetsün Ezraüh nunghoi nouso niakü khu.

³⁷Ngüso Haiuchet Bekhan ainou David Noknio saokü sungh Nokpao tsam yangkü ta noknio ajepek Khiam Bekhan dongai laokü shi.

³⁸Nianlom kiutsünhoi amao tsak nou noknio pe atsokting tsatai khu, naiuso khaiuniahoi ajantso tü ngo hoilut. Sam Injahthang Ehüpuo yangkü lung Pe Apun saokü sungh,

³⁹naiuso naung ainou sam Efraim Bekhan, Geshanat Bekhan, Ngou Bekhan, Hananel Tsamthong naiuso Tsom Tsak ta jontsün Tsamthong ainou Onnemok Bekhan yankü khu. Sam khutsün nung Amkham Tsam bekhan shimkü lao.

⁴⁰Nungti Goa hau nianlom kiutsün hoi nemtsoüh amkham tsamthang shingoi. Ngüko hakü noitsün aheihoi nouko aikü,

⁴¹jühoi nouko jangongmattsün mesonhoi nouso: Eliakim, Maasia, Miniamin, Mikaia, Elioenai, Zekaria, naiuso Hanania so noiküla;

⁴²naiuso ngüso ko Maaseia, Shemaia, Eleazar, Uzzi, Jehohanan, Malkija, Elam, naiuso Ezer so khuha. Jezrahiaüh niakü noitsün jihanghoi nou ngüso sangh atsokting nou jih hang.

⁴³Nung ajekheiu ko nai aloat chaithio nouso piakü kiu, küta khaiuniahoi amongling saiukü noiküla, tiautenai Goa nou ngüso thatü mongling-i. Menyiu hoi naiuso methso hoi nung sümai saohetsünko ha, naiuso ngüso sang apem ainou luao shiokü noiküla.

⁴⁴Nungtaoko Amkham Tsam thaiutha kiutsün jengtsaiu nouso, ekve nouso, chongting nyantsün nouso, tsampai paotsangao khaiuniahoi shingsankü taiuküla. Ngiokhem nou pohtsünli noknio amomo nouso shimkü eiu nouso ainou meson hoi naiuso Levi hai hau haoson kiutsün lokam au lüko nungso Yihuda hai noiküla chikü meson hoi naiuso Levi hoi nouso tü mongtsamkü noiküla,

⁴⁵tiautenai ngüsoüh Goa nou thoiluttsün alosio akam naiuso amao amkham chhisiya nouso chhikü noiküla. Amkham Tsam jihang hoi naiuso ehühoi nousoüh lüko Nokpao David naiuso apa thso Solomon neüh ngiokhem shantaiutsün tsangkü chhikü noiküla.

⁴⁶Nokpao David naiuso jihangtsün Asaf tao nai yanou Goa hau nianlomkiu jih hangtsünko taikeikü shin.

⁴⁷Zerubbabel si Nehemia ne taoko nai Israelhai chiküüh amkham tsam jihanghoi naiuso ehühoi tü hachuau asaichi paopei nouso kiukü noiküla. Khaiuniahoi nou Levihai hau asio chaithio tsak kium, naiuso Levihaiüh mesonhoi hau ngüso haoson kium.