Read Khiamniungan Naga Nehemia 7 Bible Online

Nehemia 7 - Khiamniungan Naga bible

Nehemia 7

¹Loto lungpe nou pekhem bekhan nouso lolutau noitsün athang nouso apem lolutkhem, naiuso Amkham Tsam ehü nouso taiu asio jihanghoi nouso taiu naiuso Levihoi hau ngüso chhisiya sunkiu.

²Ngo Yirusalem noknio khaioko shingau khaiunia nime taiukiu: ngüne jü dei Hanani naiuso ehühoi ahei Hanania noiküla. Hanania nung amonglamau noitsün naiuso Goa lon hattsün sauko tsüwe-ekü khaiunia tsak noiküla.

³Ngü ngüne tü Yirusalem bekhan nung ahom aje motsokkün khako to tsüsopau, naiuso ajenap taoko ehü nouso ehüthang ainou mosoi ankün khako kiapanau ngiom. Ngo loüh ngüso tü Yirusalem nai kihtsün khaiuniahoi ong ainou ehü au shingsan küta ngüso ajantso hau ehüthang sonkiu, ajantso momo tsam lemkü eh-vi khuau ngiom.

⁴Yirusalem nung noknio asong tsak lüko nungko khaiunia piakü tsükih, naiuso loüh tsam piakü molakü noiküla.

⁵Goa nou ngü tü khaiuniahoi kamshi-iau, ngüso ahei, asong hoi, naiuso ngüso tsam- mongling sattaiutsün shingthaau lotsüokü noiküla. Thaloukü khuwan- tsün ainou laokü yashitsün chong- tinghoi nouso sattaiu nou ngo epsan, naiuso nungko ngo angelotsün ep.

⁶Thaloukü khuwantsünso Babilon khiamkhan le-anküta Yirusalem si Yihuda nai meshen noknio ai laokü yashin. Nungko khaiunia pungkü momo noksongai laoshin. Nokpao Nebukadnezarüh ngüso sothso au kankü khuwantsün tao ainou ngüso tsammong nouso Babilon goumchi ai kihkü shin.

⁷Ngüso ahei: - Zerubabel, Joshua, Nehemia, Azaria, Ramia, Nahamani, Mordekai, Bilshan, Misperet, Bikvai, Nehum, naiuso Baana so noiküla.

⁸Thaloukü khuwantsün ainou laokü yashitsün Israelhai kau si pothso pungkü nai khaiunia haoveling nungti noin: Paros - 2, 172 Shefatia - 372 Ara - 652 Pahat Moab (Jeshua si Joab thsaosithsoso) - 2, 818 Elam - 1, 254 Zattu - 845 Zakkai - 760 Binnui - 648 Bebai - 628 Azgad - 2, 322 Adonikam - 667 Bigvai - 2, 067 Adin - 655 Ater (tü Hezekia ta lüko jonji) - 98 Hashum - 328 Bezai - 324 Harif - 112 Gibeon - 95

²⁶Nung noksong nouso ai kihshitsün paosiposo lüko laokü shin: Betlehem naiuso Netofa - 188 Anathot - 128 Bet Azamavet - 42 Kiriat Jearim, Kefira, naiuso Beerot - 743 Rama naiuso Geba - 621 Mikmas - 122 Bethel naiuso Ai - 123 Nebo ta jontsün amao tsak ainou - 52 Elam ta jontsün amao tsak ainou- 1254 Harim - 320 Yeriko - 345 Lod, Hadid, naiuso Ono - 721 Senaa - 3, 930

³⁹Laokü yashitsünko meson kauling nouso nungti noi-e: Jedaia (Jeshua thsaosithsoso) - 973 Immer - 1, 052 Pashur - 1, 247 Harim - 1, 017

⁴³Laokü yashitsünko Levi kauling nungti noi-e: Jeshua naiuso Kadmiel (Hodavia thsaosithsoso) - 74 Amkham Tsam jihanghoi (Asaf thsaosithsoso) - 148 Amkham Tsam ehühoi (Shallum, Ater, Telemon, Akub, Hatita, naiuso Shobai thsaosithsoso) - 138

⁴⁶Laokü yashitsünko Amkham Tsamai chhisiyatsünso kauling: Ziha, Hasufa, Tabbaot, Keros, Sia, Padon, Lebana, Hagaba, Shalmai, Hanan, Giddel, Gahar, Reaia, Resin, Nekoda, Gazzam, Uzza, Pasea, Besai, Meunim, Nefushesim, Bakbuk, Hakufa, Harhur, Bazlit, Mehida, Harsha, Barkos, Sisera, Tema, Neziam naiuso Hatifa so noiküla.

⁵⁷Laokü yashitsünso ongko Solomon yathsüotsünso: Sotai, Soferet, Perida, Jaala, Darkon, Giddel, Shefatia, Hattil, Pokeret, Hazzebaim, naiuso Amon so noiküla.

⁶⁰Laokü yashitsünko Amkham Tsam nai chhisiyatsün naiuso Solomon yathsüotsünso apem kamko nai- 392.

⁶¹Tel Mela noksong, Tel Harsha noksong, Kerub noksong, Addon noksong, naiuso Immer noksong ainou Delaia kau, Tobia kau, naiuso Nekoda kau nouso sauhai Israelhai thsaosithsoso ta theha au mitha tsüep ngüso- 642 noiküla.

⁶³Paosipo ngiolat tsüepsankün meson kau nungso noiküla: Hobaia, Hakkoz, naiuso Barzillai. (Barzillai meson kau paosipoüh Gilead hai nou Barzillai kau ainou menyiu tsak tsamsigoh yang, küta apa kaioso kau nian lokü noiküla.) Ngüsoüh ngüso paosiposo ti kau noiküla ta mitha kiuau tsüshiophe, ngüso meson au tsütheha-i.

⁶⁵Yihudahai nokshing- paou nou ngüso tü meson tsak sauüh Urim naiuso Thummim kankeiau shiokü monoikün lektso Goa hau kiutsün eheshiu chaithio ngüsoüh heau tsüshio-e ta ngiokü noiküla.

⁶⁶Thaloukü khuwantsün ainou laokü shitsün apem kamkü nai - 42, 360 Nungko ngüso melo si menyiu tsamki nouso - 7, 337 Melo naiuso menyiu jihanghoi - 245 Mokthso - 736 Mokthso a-on mei nou - 245 Ut - 435 Gado - 6, 720

⁷⁰Amkham Tsam shanshitsün- ko wanau khaiunia piakü nou ahachu nungti kiu. Nokshingpaou nou Chaiou lakkeng tsoi - 8:4 Amkham chiuthso - 50 Meson phakhut - 530 Pothso nai ahei nousoüh Chaiou lakkeng tsoi - 168 Tangkason - 1, 250 Amao khaiuniahoi ainou Chaiou lakkeng tsoi - 168 Tangkason - 140 Meson phakhut - 67

⁷³Mesonhoi Levihoi, Amkham Tsam ehü hoi, jihang hoi, khaiunia ta lonjak hoi, Amkham Tsam nai chhitsünso, Israel hai apem naiuso Yihuda hai noksong si noknio nousoko kihlokü khu.