Read Khiamniungan Naga Esther 6 Bible Online

Esther 6 - Khiamniungan Naga bible

Esther 6

¹Nungsoh nai nokpao a-lomeikü sailaau tsüshiokü noiküla, nungtiphe apaüh nokshing nai ateng chhi sattaiutsün apa khako kankü shiküta veteau ngiokiukü noiküla.

²Ngüsoüh vekü shitsün nouko nokpao ün tsampai ehü thetsün athsülem khaiunia nime Bigthana si Teresh neüh nokpao loatkü wanau kausai- tsün Mordekaiüh titi thekü ngesan- kiu nung thaiutha shisaom.

³Nokpao nou sangkü ngiom, “Nung chhisiya thaiutha ko samüh Mordekai hau paopei naiuso asuhat kiukü noimo?” Apa yathsüotsünsoüh thalakü ngiom, “Apa thaiutha titso chhikü tsünoi.”

⁴Nokpao nou sangkü ngiom, “Ngü nou asonghoiso ajantso nokpao tsamai noimo?” Nung taoko Haman nokpao pemongai shingoikü noiküla; apa nung Mordekai paikitaiu nai phanatau nokpaotü sangau thaiutha shikü noiküla.

⁵Nungtiphe nokpao yathsüotsünsoüh thalakü ngiom, “Niko eppe au Haman nungko taiukü noin.” Nokpao nou ngiom, “Apa anappi.”

⁶Nungtiphe Haman nap, naiuso nokpao nou apatü ngiom, “Ngo thatü asuhat kiuau mongchiotsün nungko khaiunia tsak noin. Nung khaiunia thaiutha ti chhi-e?” Hamanüh apa chija yanghe, “Lo nokpao nou thsüokü lomsanau aiutsün nung sau? Tsüngean, nung ngotso noi-e.”

⁷Nungtiphe apaüh nokpaotü thalakü ngiom, “Ni thetsün nokpao phakhut kankü shikü nung khaiunia hau thokiuau lüngio. Nokpao chaiou jengtsaiu kankü shikü nung ni nou mokthso tü atholut.

⁹Küta anok- shing ko noikham atsokting nai noi- tsün tsak niakü shikü nung khaiunia hau phakhut lüthokiu-i, küta nung khaiunia nou mokthso chiai noi-ikü, noknio lemkü apa hau lüniakei-i. Ngüso khutsün anokshingko atsok- ting noikham nai noitsün hau nungti lüve-i: ‘Athaplu nokpao nou asuhat kiuau mongchiotsün khaiunia tsak hau nungti paopei kiuji!’”

¹⁰Nungai nokpao nou Haman tü ngiom, “Liukü athe küta nokpao phakhut naiuso mokthso kankü ashi, küta nung asuhat nouso Yihudahai nou Mordekai hau lükiu. Ni yamhan- kiutsünso apem apa thaiutha lüchhikiu. Ni apa nokpao tsamai naptsün bekhanko moknoikü eppe.”

¹¹Nungtiphe Hamanüh nokpao phakhut naiuso mokthso nou loküta, apaüh nokpao phakhut nung Mordekai hau thekiu. Mordekai mokthso chiai sungküta Hamanüh noknio lemkü taikei, ngüne khu taoko khaiuniahoitü nung velutkü noiküla: “Athaplu, Nokpao nou apaüh mongchiotsün khaiuniahau nungti paopei kiukü asuhat kiuji!”

¹²Mordekai nung nokpao bekhan dongko laokü shikü noi, nungai Haman apa kha lopokkü thatü yangelatkü apa tsamai laokü khuwan.

¹³Apaüh apa tsammongnyiu si apa paiusihaiso hau apatü ti thawaokü shin nung chiten. Nungai apa tsam- mongnyiu si apa paiusihaiso mong- that amei noitsünsoüh apatü ngiom, “Ni aoukong Mordekai hau lethio- wanau tsalowanji. Apa Yihudahai tsak noin, naiuso ni apa tsüshiolo-e. Atsüoting apaüh ni shiolowan-e.”

¹⁴Nungti ngüso chitekü noitsün taoko, nokpao tsam jimtsün athsü- lem khaiuniahoi liukü shikü Haman Esther sümai ai haau nialokü khuwan.