Read Khiamniungan Naga Aniasan 25 Bible Online

Aniasan 25 - Khiamniungan Naga bible

Aniasan 25

¹APAOU nou Mosa tü ngiom,

²“Ngü hau chaithio tsak lükan ta Israel thsoso tü lüngio. Khaiunia pungkü meshen mongüh mongchiosantsünli asamüh chaithio lükan.

³Asamüh ngüso ainou chaithio loau nou nungso noin: Chaiou lakkeng tangkason naiuso taoson lung;

⁴naiuso ashethop ne, ne asangnya, aseng si asangnya tomekü, naiuso wonpon nou lahtsün ewoi teithamkü,

⁵onnemokthso pon atheng thengsengkü, nyikhon amei, akacia pai,

⁶in khiam, atsom kiuao khaiutsom, naiuso angannyam nyamtsün thangkhoinek,

⁷onix lung, anoilut ao lung, meson asio shitho thaiutha, naiuso kongwoi ao thaiutha nungso noin.

⁸Ngo ngüso ko noiau ngüso hau jü thaiutha amthang tsak ashani.

⁹Ngo ni tü amkham nejenkhio naiuso nungko taiuao jengtsaiu thaiutha titi hankü noiküla, nung khekkülu ni shanao noin.”

¹⁰Akacia pai nou Paidan tsak atheng nai phasab nime küta ayantso, apün nai phasab tsak küta ayantso, naiuso atsok nai phasab tsak küta ayantso ta lüshan.

¹¹Naiuso ni nung Paidan chaiou lakkeng noulu akhei si achi nying jeiao noin.

¹²Naiuso nung pi-ao ni chaiou nou shantsün khiapthso ang püle pokü lüshan, naiuso nung ang püle nouso tü aniukun pungkü nimeme jiplut ao noin.

¹³Nung pi-au akacia pai nou lüshan, küta nung chaiou lakkeng nou lünyingjei,

¹⁴naiuso nung paidan aniokon pungkü khiapthso ang nai lüchinthio.

¹⁵Küta pai api-ao shantaiu nouso nung khiapthso ang ainou tsülosankü taiuwanao noin.

¹⁶Nung Paidan nai Ngo ni hau kiuao athoiluttsün Ngiokhem nouso tisübao lungkhio nime da haiulutkü noin nung lüthio.

¹⁷Nung kapjeiao chaiou lakkeng noulu atheng nai phasab nime küta ayantso, naiuso apün nai phasab tsak küta ayantso ta tsak lüshan.

¹⁸Naiuso Paidan akap nime nou athun nemthso chaiou lakkeng nou meikü langkü akoi potsün thainian nime lüshan.

¹⁹Naiuso athon nemthso ai akoi potsün thainian tsak tsak lüshan, naiuso nung athun nemthso ai akoi potsün thainian nime Paidan kap nouko aikülu iulakü lüshan.

²⁰Naiuso nung akoi nime potsün thainian nou khasikha sei-ekü, Paidan kap nou ngüso koiüh pokjeikü, ngüso akoi khongpengkü thajeikü noi-ela.

²¹Lungkhio nime nou nung Paidan nai thioküta nung kapjeikü ataiu.

²²Nungai ngo niko phetekü, nung Paidan kapjeitsün khengai akoi nime potsün thainian nime jetko Ngo ni hau Israel khaiunia thaiutha Jü ngiokhem nouso apem kiu-e.

²³“Akacia pai nou puo tsak atheng nai phasab nime, naiuso atham nai phasab tsak, naiuso atsok nai phasab tsak küta ayantso lüshan.

²⁴Nung chaiou lakkeng noulu lemkü lükukjei.

²⁵Nung akuk nou phasab tsak ayantso apün lemkü lüshan, küta nung chaiou lakkeng nou lemkü lünyingjei.

²⁶Nung thaiutha chaiou khiapthso nou püle lüshan, küta nung aniokon püle hok nouso tü lülolut.

²⁷Nung puo kankei nai heloau khiapthso nou akuk nou shimkü alolut.

²⁸Api-kei au akacia pai nou lüshan küta nung chaiou lakkeng nou nyingjeikü athe.

²⁹Theng chaithio nouso ko kankeiao chio, thengkam, khiam meng naiuso chiothso nouso lüshan. Nungso chikü chaiou lakkeng noulu shankü ataiu.

³⁰Puo nou Athalu-e Ngiokhem Paidan khako ataiu, naiuso nung puo chiai Ngü hau chaithio kiutsün asio themtsai asaita ataiu.”

³¹Tson taiutsün tsak chaiou lakkeng noulu ashan. Anoitaiu ao naiuso ayangjeiao thashiakü lang- tsün chaiou lakkeng nou ashan, nungko taopun alengyam, taopun taiutsün, naiuso anoitaiutsün nungthun tsak nou lu shanao noin.

³²Nung ainou ano pungkü paisun louk sungao noin, ano pungkü ainou süme me.

³³Paisun tsak nou almond taopun potsün khekkü taopun meng süme, a ou tsak naiuso taopun tsak, nungti tson taiutsüthakünai tsükane tsüdekünai methso tsühakü tsünoi-e. Ngo asam hau aakihlaiu kiu-e.

³⁴Nung tson taiutsün ainou almond taopun puntsün thengkam püle nung asun nouso,

³⁵naiuso paisun nime khemai aou tsakko tsak hau thekü naiuso paisun nime khemko aou tsak nungko aikü iulakü, tson taiutsün ainou paisun louk punkü khutsün thaiutha noi-e.

³⁶Nung asun nouso, akia nouso, naiuso tson taiutsün to tsaksa chaiou lakkeng nou meikü langkü theao noin.

³⁷Ni tson taiutsün thaiutha tson chinyat lüshan küta nungso khaai awon kiuao lütaiu.

³⁸Akhian sanau jengtsaiu naiuso akankeiao thetsün chio nouso chaiou lakkeng noulu lüshan.

³⁹Nung tson taiutsün naiuso akankeiao jengtsaiu shanao chaiou lakkeng noulu tsoi aosamkü pungo lükankei.

⁴⁰Ni tü king nainoi taoko hantsün khekkü nungso paotsangkü lüshan.