Read Khiamniungan Naga Aniasan 31 Bible Online

Aniasan 31 - Khiamniungan Naga bible

Aniasan 31

¹APAOU nou Mosa tü ngiom,

²“Hur thsao nou Uri thso, Bezalel tü niankü Yihuda kaumong ainou Ngo chosaniu,

³naiuso Ngo apa jü oukong nou meani-iu.Ngo apa hau jengtsaiu in amomo shansantsün thaiutha angelatsün, amontsün, chhi shiotsün kiu-iu.

⁴Alengyam amon- ting shanao naiuso nungso chaiou lakkeng nai, tangkason nai, naiuso taoson lung shantsün nai,

⁵naiuso anoilut ao thaiutha chaiou lung, naiuso pai chhi chhiao, naiuso amao in amomo shansantsün thaiutha kiu-iu.

⁶Apa ko aikü chhiao Oholiab thso nou Ahisamak, Dan kaumong ainou lüko Ngo shingsaniu. Ngo chhiao thoiluttsün alum ngüsoüh shiokü hao ngo amaohai apem hao lüko chhi in amomo shansanao mon- tsün naiuso chhi chhiao ashiotsün asongting kiu-iu.

⁷APAOU Nejenkhio nou, Athalou-e Paidan naiuso akap nou, Nejenkhio alengmeikü shanao nou apem,

⁸Puo nou naiuso nung shanao jengtsaiu nou, chaiou lakkeng tson taiutsün, naiuso nung shantsün jengtsaiu nouso, angan- nyam jahtsün thaiutha amthang nou,

⁹ajahtsün chaithio thiotsün amthang naiuso nung shanao nou jengtsaiu nouso atsawanao thetsün chio naiuso nung noiluttsün,

¹⁰Aron naiuso apa thsoso tilai ngüsoüh meson ayathsüotsün taoko kankeiao thaiutha ameiting neshe shitho nouso,

¹¹atsomkiutsün khaiutsom, naiuso Asio Thang thaiutha anyao- thing nyam sungkü jahtsün nungso shanao kiu-iu. Nungso chhisiya apem nouko, Ngo ni tü thoiluttsünli tongtü ngüsoüh chhiao noin.”

¹²APAOU nou Mosa tü,

¹³Israelhai tü ngio ao thoilutkü ngiom, “Jü Ano Chinyatnyi nou lükankei, nung Jü aalo ajekhaiu, tiautenai Ngo, APAOU, nou asam Jü khaiunia iula-itsün ta ii tsak Ngo naiuso asam jetko noin ta ashiao noitsün apem thaiutha hanao shan.

¹⁴Asamüh aalo ajekhaiu nou kankeiao noin, tiautenai nung asio ajekhaiu noin. Sauhaiüh nung tsükankei-e, naiuso nung ajekhaiu ko chhi nou chhi-e, nung khaiunia meshenhoi ainou loatkü wanane.

¹⁵Asamüh chhi chhiao ajekhaiu louk noin, lüko ajekhaiu chinyatnyi nou to Ngü tü thumkü losiokü taiutsün aalo ajekhaiu nou noin. Sauüh nung ajekhaiu ko chhi chhi-e apa to loatkü wanao noin.

¹⁶Israel khaiuniahoi nou nung ajekhaiu nou athalu-etsün ii tsakli kankeiao noin.

¹⁷Nung Ngo naiuso Israel jetko tsüli-eshikün ii tsak noi-e, tiautenai Ngo, APAOU nou aün naiuso goum nung ajekhaiu louknyi nouko shan küta chinyatnyi nouko Ngo achhitsün ainou aalo.”

¹⁸Tilai Goa nou Sinai King nai Mosa ko ngio chitekhem, apaüh Mosa hau apa pemüh sattsün ngiokhem nouso satkü lungkhio nime kiu.