Read Khiamniungan Naga Aniasan 37 Bible Online

Aniasan 37 - Khiamniungan Naga bible

Aniasan 37

¹Bezalelüh Athalouetsün Paidan atheng nai phasab nime küta ayantso, atham nai phasab tsak küta ayantso, atsok nai phasab tsak küta ayantso ta akacia pai nou shan.

²Apaüh nung Paidan amongai si achiai chaiou lakkeng nou chüjei naiuso akok lemkü chaiou lakkeng nou kokjeikü shan.

³Nungtü api kei ao ang püle chaiou lakkeng noulu shanlut küta nungso phasab püle thatso ko jiplut, ano pungkü nai ang nime me lolut.

⁴Naiuso api kei ao pai nouso akacia pai nou shan, küta nungso chaiou lakkeng nou chüjei,

⁵nung Paidan ano pungkü nai ang nou ko chinthio.

⁶Naiuso akap nou chaiou lakkeng noulu atheng nai phasab nime küta ayantso, naiuso atham nai phasab nime küta ayantso ta shan.

⁷Loüh akoi nime potsün thainian nime chaiou lakkeng nou lang kü aniokun nemthso ai tsak tsak noikü shan.

⁸Nung akap nouko aikü tsak haulu thekü langkü shan.

⁹Nung akoi nime potsün thainian nou Paidan kap nou ta khasikha shei-ekü ekok nousoüh nung sojeikü noi-i.

¹⁰Apaüh puo nou akacia pai nou atheng nai phasab nime, atham nai phasab tsak küta ayantso, naiuso atsok nai phasab tsak küta ayantso ta shan.

¹¹Küta nung chaiou lakkeng nou athun nouso lemkü chüjei.

¹²Naiuso akok nou chaiou lakkeng nou lemkü kao süme teikü shan.

¹³Nung thaiutha api kei ao chaiou lakkeng nou ang püle shanlut, küta puohok nouso dongko ano püle nouko nung lolut.

¹⁴Puo pi keitsün pai chinthioau ang nouso akok nou shimkü taiu.

¹⁵Nung api keitsün pai nouso akacia pai nou shan küta chaiou lakkeng nou nyingjei.

¹⁶Naiuso nung puo nai kankeiao lak, chio, thengkam, khiam meng, naiuso chiothso nouso theng chaithio thaiutha tilüsong akankeiao noin nungso chaiou lakkeng nou shan.

¹⁷Apaüh tson taiutsün nung chaiou lakkeng noulu shan. Nung anoiluttsün naiuso tson atengting nou taiutsün pai nou chaiou lakkeng nou langkü shan, nungtü alengyam- luttsün taopon chio naiuso taopon nouso nungko aikülu hoi-ekü shan.

¹⁸Nung ano nouso ainou ajung louk nou ano nime nai süme me ta sung.

¹⁹Akia louk pungkü tü almon punsantsünli, apunthuk naiuso pai- kia nouso tü taopon alengyam süme khekkü noiküla.

²⁰Tson taiutsün paipem nou da apunthok si paikia sunkü pontsün almon taopon aleng- yam püle pokü noiküla.

²¹Paikia ib ibkü süme pungkü khemai asun tsak noiküla.

²²Asun, akia, naiuso tson taiutsün nung chaiou lakkeng atsüoting nou tsak hau thekü langkü noiküla.

²³Apaüh tson chinyat taiu ao tson taiutsün shan, naiuso nung khojeiao si taiuao chio nouso chaiou lakkeng noulu shan.

²⁴Tson taiutsün naiuso nungso jengtsaiu shanao chaiou lakkenglu tsoi aosamkü pungo kankeikü shan.

²⁵Apaüh angan nyamtsün jahkü chaithio thioau amthang akacia pai nou shan. Nung atheng nai phasab tsak, apun nai phasab tsak, naiuso atsok nai phasab nime ta noiküla. Nung athat ano püle nai nouko tsak haulu noiküla.

²⁶Naiuso nung atsok nai, ano püle nouso nai, naiuso athunsithun nai lemkü apaüh chaiou lakkeng noulu chüjei.

²⁷Apaüh api kei ao chaiou lakkeng nou ang nime lolutkü shan, küta nungso akhei athun nime nai jiplut, nung akankeitsün taoko phatha ao noiküla.

²⁸Api ai pai nouso chaiou lakkeng nou nyingjeikü akacia pai nou shan.

²⁹Apaüh loüh asio nai tsomkiu- tsün khaiutsom naiuso angannyam nyaothingkü nyamkü jahtsün khaiutsom khekkü laowekü shan.