Read Khiamniungan Naga Yob 12 Bible Online

Yob 12 - Khiamniungan Naga bible

Yob 12

¹Ah, asam khaiuniahoi nouso sang noin. Tilai asam eane, mongthat mongsai asamko aikü eane.

³Lüko asamko wekü ngü mongthat mongsai taium; Ngo tikotso asam khemai tsünoi; asamüh ngiokü shitsün chikü khaiunia pungkü nou ngeji.

⁴Lo ngo tü jü paiusihaiso lüko nyailutji; ngo siokü naiuso aphio tsülepkü noilüko ngüso nyaiji; lüko Goa nou jü misao nouso thalatsün atao tsak to noiküla.

⁵Asam ti angja tsünoi, lüko asamüh ngo tü nyailutkiu; asalian tü noitsün khaiunia tsak tü asamüh shiuh.

⁶Lüko kau naiuso goa tsühakün khaiuniahoi, ngüso goa au ngüso oukonglu noi lüko ngüso lu aalo nai kihji.

⁷Liu waio naiuso thainian nousoüh saokü asam hau tsande au piakü noin;

⁸Goh naiuso sheasong thainian nouso tü ngüso mongthat mongsai lüsanglu.

⁹Nungso chikü nou ngüso APAOU ün pha nou shan ta ngeji.

¹⁰Apaüh shantsün aathso chikü yam hantsün nung Goa noin; khaiunia pungkü ün aa apa oukong nai noin.

¹¹Lüko asamli chih taplunai monglingtsün lütsüotsüokü, asam noukhanso ngio lulatsün nai monglingji.

¹²Ason khaiuniahoi da mongthat mongsai noin, lüko Goa nou mongthat mongsai naiuso oukong taium. Ason khaiuniahoi da ange noin; lüko Goa nou chhi chhiau ange naiuso oukong taium.

¹⁴Tilai Goa nou laopengji, sauüh shanshiau shio-e, naiuso goa nou aketsamai thiowantsün khaiunia sauüh sokthamau shio-e?

¹⁵Tilai Goa nou ah-ou nou hejeikü wane; Ah-tsü oukü nou ah wai shiji; tilai apaüh khiam nou tsaji shelei shiji.

¹⁶Goa to thatü oukong naiuso asaita ashioloutsün noin; akausai si akausaiatsün nemtso apa oukong nai noin.

¹⁷Apaüh nokshinghai mongthat mongsai kankü khuji küta ahei nouso hau a-aiu haili chhi-iji.

¹⁸Apaüh nokpao nouso noikham wanji küta ngüso sotsohoi au shanji;

¹⁹apaüh meson nouso naiuso oukong khaiunia nouso tsamlokü iula-iji.

²⁰Monglamkü noinso khaiuniahoi apaüh sang tsüpunkü noi-iji, naiuso ason khaiunia nouso mongthat mongsai kankü khuwanji.

²¹Apaüh oukong nai noinso lomiamji, naiuso nokshinghoi oukong nouso lothonkü wanji.

²²Eankü noitsünli athang nouso ai apaüh awon hongji.

²³Apaüh mele nouso kongko naiuso sungkü shanji, lüko loüh apaüh ngüso shiolouküta lomo shiji.

²⁴Apaüh ngüso aheihoi mongsai tsünoikü shanji küta ngüso atsakeitsün, apülai naiuso mong mowankü noi-iji;

²⁵naiuso ngüso theng nou tukkattsün khekkü tsakei-iji.