Read Khiamniungan Naga Yob 13 Bible Online

Yob 13 - Khiamniungan Naga bible

Yob 13

¹Asamüh ngiotsün alum, ngü nung khako lulakü noin. Ngü lüko nung chikü asamüh ngelatsünli thatso to ngelaji. Ngo asam khemai tsüde.

³Lüko ngo ngemtsün to Goa ko noin, asam tsüde; Ngo jü mi apako ngemau aiuji.

⁴Asam tsüngekün asam ngio yaang nou lopokloji; akia tsaktso lomeiau tsüshiotsün mouse ngepo hai khekkü asam noin.

⁵Ti langio, ajantsoüh asam ange amoun khaiuniali yange!

⁶Jü mi ngü chitetsün taoko a-anglu.

⁷Asamüh yaang tiauta chiteji? Asamüh yaang chitetsünko Goa alesan noi-e ta yangji süne?

⁸Asamüh apa kiploau koweji süne? Mikhem tsamai apa mi thaiutha asamüh khenge kiu-e süne?

⁹Goa nou asam tü shimkü shikü thapnai, apaüh tso tsak amei epsane süne? Asamüh khaiuniahoi lo-aiu au shiotsünli, Goa nou lüko lo-aiu au shio-e ta yangji süne?

¹⁰Asam mongai chinyantsün tsangtaiu lüko, apaüh asam ta thsüokü thute,

¹¹naiuso apa oukong nou asam akuothe nai epsane.

¹²Asam ngio ou nouso atheau tsünoikün lolampu khekkü, asam ngio khengetsün puja nyomantsün khekkü.

¹³Tsamkü anoian, küta ngo singioau atao akiu, ngüso ti noili-e nung athon nou lühanko.

¹⁴Jü aakih thsale thaiutha ngo khemlokü noin.

¹⁵Ngo yangtaiutsün apem mowaniu, nungtiphe Goa nou ngo loatkü wan naiüh ti tsüyang. Ngü apa khako jü mi kankü khuao noin.

¹⁶Jü mong songtsün nou ngo kipsanau lüko shio-e sao, tiautenai akausai khaiunia sauüh Goa ko pheteau tsüsome.

¹⁷Lo ngü chitetsün jü ngioso tü anglu.

¹⁸Jü mi chiteau ngo khemlokü noin, tiautenai ngo ayam thakü nai noin ta ngü ngeji.

¹⁹Ni ngo phio-iau shiji süne, Goa? Nungti naito, ngo nyankü eanau khemlokü noin.

²⁰Ngü chhi nime thaiutha sange; nungsoko ni amongchio anoi, naiuso ngü ni ainou tsangkü taiuau tsükowe-e:

²¹ngo hau angja kiutsün alaowan, naiuso akuothe nou ngo sotnekü lawan.

²²O Goa, ni chong achite, küta ngü thala-e. Tsüdekünai ngü chite-e, naiuso ni ngo tü athala.

²³Jü angei nouso tilüsong? Ngü tilüsong aphio chhikü noin? Ngo tü ti ngiokhem lothe ta kolutji?

²⁴Ni ngo tiauta mouwanji? Ni ngo eh tsak khekkü tiau kankeiji?

²⁵Ni ngo lohatau koweji süne? Ngo paithsam tsak lilu noin. Awon tsak ta pha pouji.

²⁶Ni jü thako ngio akhosak nouso lolutji, ngo methso taoko chhitsün thaiutha saokü ni kanlutji.

²⁷Ni jühok nai sonkhiang nou keji; küta jü hokngam pungkü nai jiokü thapji, naiuso jü hokngamthang nouso tü saokü theluji.

²⁸Athon nai, ngo choikü khuwantsün pai khekkü, naiuso mat nou heantsün phakhut tsak khekkü iulaji.