Read Khiamniungan Naga Yob 14 Bible Online

Yob 14 - Khiamniungan Naga bible

Yob 14

¹Sam chikü ahachuau tsünoikü outsükongkü chetsinyim. Khaiunia chikü aakihlaiu letletkü naiuso angja nou miankü noin.

²Sam sungji naiuso taopun nouso khekkü liukü sappanji; sam asokhem khekkü tsüepshikü mowanji.

³Ngoli nou ta lüko ni thape süne, Goa, tsüdekünai ngo ni thelukü mi kheme süne?

⁴Khaiuniali tsüyanthsüokü ainou tilaitso ayanthsüo sungao tsüshio.

⁵Apa aakih au alei haove- pe aita thatsankü wanan. Ni nung thathangkü waniu, naiuso nung ali-eshiau tsüshio-e.

⁶Apatü lathap naiuso apa pemsa awanan; shionaito apa aakihlaiu angja nou mian lüko lümonglingi.

⁷Asathiowan paidong tsak thaiutha lüko ayang noin; nung da paijung nyimsan shiau shiom.

⁸Nung pai eiu nouso sunkü khuwan lüko, naiuso nung paikhaiu dong goh ai eankü khuwan lüko.

⁹Khiampen nou nung da paison ayan tsak chetshi-e.

¹⁰Lüko khaiunia tsak eanji, naiuso apa thaiutha to nung athon; naiuso apa eanji loüh apa tiai?

¹¹Atsang laowantsün haiu nouso khekkü, naiuso waikü khuwantsün sheli khaiunia nou eanji,

¹²naiuso tilaitso tsüchushikü hau eanji. Maou nou kiplo lüko ngüso tilaitso asaila ainou tsüchushi-e; ngüso tilaitso tsülemlem shi-e.

¹³Ni ngo anyakhem goumchi nai tsangkü wantünto; ni amongmat mothonkün lektso ngo pamkü noi-ela naiuso jü thaiutha atao tsak thatsankü taiu-ela ta ngo yangji!

¹⁴Khaiunia tsak ean naito, apa aa laokü shiau shio-emo? Lüko ngo atao amei nouso thaiutha taiukü noi-e, nung angja tao mothonkün lektso taiu-e.

¹⁵Nungai ni jone, naiuso ngü thala-e, naiuso ni shantaiu nou, ngoko ni monglengkü noi-e.

¹⁶Nungai ngü ngamtsün hokngam pungküta jio-e, lüko ni jü angei nouso tilaitso tsüthasane.

¹⁷Ni nungso wankiu-e naiuso tsüyangshi-e; ngü aphio chhi noitsün chikü ni tsoman kiu-e.

¹⁸Nungai king nouso saowantsün atao tsak shiji naiuso lung nouso meshen noithang ainou soikü khuwanji.

¹⁹Khiam nou lung nouso jinyomanji, naiuso ah-ou athsüoting nou pu nou jikü khuwanji; nungti ni khaiunia ün aa thaiutha ayang lotheanji.

²⁰Ni khaiunia tsak chiai shiolo küta, apa asaita hau thaiutha hongankü ee nai apa kha li-e kiuji.

²¹Apa thsosoüh asuhat nou shioloji, lüko apaüh tilaitso nung tsüngeji, tsüdekünai tilai ngüso nyappanji apa hau tsüchiteji.

²²Apaüh apa pemai kiatsün naiuso apa mongkheiai mongsaiutsünlu ngengeji. Elifaz: