Read Khiamniungan Naga Yob 35 Bible Online

Yob 35 - Khiamniungan Naga bible

Yob 35

¹Yob, Goa khako ngo aphio tsünoi ta ni ngioau ayam tsütha,

³tsüdekünai “Jü angeiüh ni ta titi kiaji? Angei tsüsuntsün nou ngo ti alesan?” ta Goa tü sangau ayam tsütha.

⁴Ni tü naiuso ahaiso tü ngü thaloko.

⁵Maou nai lüthap! Thengmia nouso titi tsokkü noin lülu!

⁶Ni angei sunnaito, nungüh Goa ti tsütawaiji. Ni aphio nou atao piaküjam chhi naito, nungüh apa tü tso yange süne?

⁷Ni thatü sio nai Goa ta ahachu noimo? Goa nou ni ainou apotsün ti tsünoi.

⁸Ni angei nou angjatsün nung apaiusihaiso noin, naiuso achhi amei nou apa hachuji.

⁹Tilai khaiuniahoi jeiatji, ngüsoüh weji; khaiunia ajantsoüh ngüso kipsanau thaiutha ngüsoüh weji.

¹⁰Lüko ngüso Ashantsün Goa dongai phoklekü tsüshi, sauüh ngüso hau anyakhem tao nouko ayang nou kiuji.

¹¹Goa sauüh sam hau angelatsün thainian si waio tilünou nung khengai angelatso au kium nung Goa dongai ngüso tsüphokle.

¹²Ngüsoüh ahachu thaiutha veji, lüko Goa nou tsüthala, tititenai ngüso abülom naiuso tsümeikün khaiunia nouso noin.

¹³Ngüso thaiutha avetsün asapat; tiautenai Akongteng Goa nou ngüsotü tsüthap naiuso tsülulaji.

¹⁴Yob, ni Goa epau tsüshio ta ni ngioji; lüko tsümongthonkü ataiu-a mi apa khako noin.

¹⁵Goa nou angja tsükiuji ta ni yangji, naiuso apa angei nou ta tsümongkiuji.

¹⁶Chitelutkü noiau athaiutha asapat; ni ti ngioji nung ni tsünge ta tsangsheikü noin.