Read Khiamniungan Naga Yob 36 Bible Online

Yob 36 - Khiamniungan Naga bible

Yob 36

¹Goa liko ngü ti ngioau noin nungtü angluau mongau laiukü ajeilo.

³Jü angetsün ponkü noin; Goa, ngo shantsün asio noin ta hanau, ngo ti ngetaium nung ngo kankei-e;

⁴Ngo nitü ngiotsün ti aphio tsünoi; ni akhako ngelatsün khaiunia tsak epji.

⁵Goa titi oukong noin! Apaüh saulünou tsülochiji; apaüh tsüngelakü titso tsünoi.

⁶Apaüh angei khaiuniahoi aa tsütaiuji, naiuso apaüh angja hai ta ngiotsüo nai paotsangji.

⁷Apaüh asiohoi haloji; apaüh ngüso hau nokpaohoi khekkü nok-shing-iji naiuso apaüh ngüso asaita lomsankü noi-iji.

⁸Lüko khaiuniahoi ngüsoüh chhitaiutsün thaiutha angjakü sonkhiang nou kekü noi naito,

⁹Goa nou ngüso hau ngüso angei naiuso abülom nouso hanji.

¹⁰Apaüh ngüso tsümeikün ainou phokleau apa alohat nou ta ang-iji.

¹¹Ngüsoüh apa angio angkü apa yathsüo naito, ngüso aalokü naiuso tsüomeikü nai ngüso aa nou kih-iji.

¹²Lüko angio tsüangkü naito, ngüso tsüngekü nai mowane naiuso eantsün goumchi nai napane.

¹³Goa tsühakünso mongmatkülu noiji, naiuso ngüso angja-ikü lohat lüko, ngüsoüh ahachu thaiutha misao tsüsaoji.

¹⁴Ngüso oum noitaoko eanji, naiuso aakih nou amiam nai thonanji.

¹⁵Lüko Goa nou khaiuniahoi hau angja tsangkü tsandeji naiuso ngüso niovei sopsatau omhe nou kankeiji.

¹⁶Goa nou ni angja ainou niakü shin, küta ni hau aalokü mongling in; athaisam puo eheshiu nou meankü noiküla.

¹⁷Lüko lo ni epau maikü noitsün nou angjaji.

¹⁸Ni nekhem paopei nou tsüsapthioau tsüdekünai amemeiüh tsünialükhun-iau lütsüolo.

¹⁹Ni ahachu thaiutha vetsün nou athaiutha ti amei tsüchhi-e; aoukong chikü nou ni ta loto ahachuau tsüshio-e.

²⁰Mele nouso mowanau noitsün atao asoh nou shiau thaiutha layang.

²¹Tsümeikü nai phoklekü khuwanau lütsüolo ni angjatsün nung ni nungko nou lolaokü taiuau hongkü noin.

²²Goa ün oukong titi asong nung lüyangsan apa chikü khako atsandetsün Asong noin.

²³Ti chhi-e ta Goa tü sauüh ngioau tsüshio tsüdekünai chhi tsümei thaiutha apa hau aphio kiuao tsüshio.

²⁴Apaüh ti chhiji nung thaiutha apa asaita lomsankü noin; ni lüko apa lomsanau noin.

²⁵Apaüh ti chhikü shin nung khaiunia pungkü nou epiu; lüko samüh to jettekü ainou lu thapji.

²⁶Samüh apa asong nou thumkü ngeau tsüshio tsüdekünai apa pon haove veluau tsüshio.

²⁷Goh ainou khiam losantsün nung Goa nou noin naiuso nung ah ouchan au phokleji.

²⁸Apaüh khaiuniale chikü thaiutha thengmia nouso ainou ah-ou nouso hakluttsün sao-iji.

²⁹Goa noitsün maou nai ahmok titi mokji tsüdekünai thengmia nouso titi lemlemji nung sauüh tsünge.

³⁰Apaüh maou nouso chikü yankü ahsalap nouso hongji, lüko sheasong akheiting nouto nyakhemkülu noiji.

³¹Nungti apaüh khaiuniahoi nou tsadji naiuso eheshiu tsükhemkü kiuji.

³²Apaüh ahsalap nou apa phaüh thalowanji küta nung athattaiu nou ta pepiau thoilutji.

³³Ahmok nou ah-ou-ahsheih shiau nou wepengji, naiuso nung shitsün thainian nousoüh ngeji.