Read Khiamniungan Naga Yob 5 Bible Online

Yob 5 - Khiamniungan Naga bible

Yob 5

¹Lüjonlu, Yob Nitü thala au ajantso noin süne? Ni khulutau lümeikü honghoi ajantso noin süne?

²Amongmat nouko ee saokü achija yangelattsünto mongyang tsünoikün aiu chhisiya tsak noi-e.

³Asoloau noikü ngü aiu nouso epm, lüko ngü ngüso tsam khako alekta athesan tsak jonshin.

⁴Ngüso thsosoüh tilaitso aalo epau tsüshio; mikhem khako ngüso haloau tsaktso tsakiu au tsüshio.

⁵Tsao ongnai sungtsün chihsam lüko, naiusile khaiunia nou mainga hai chihsikhiam he-ankiu-e- naiuso aletsün khaiuniahoi nou apa jengtsaiu tü niokia-e.

⁶Tsümeikünto pu nai tsüsamsanji, tsüdekünai angja nou goum ainou tsüsungji.

⁷Tsüde, tongtü nai! In ainou inpe sungkhutsün li, Khaiunia noulu meshen khako angja chija kankü shiji.

⁸Ni nung ngo thatünto, ngo Goa dongai laokü shiküta jü mi apa hau hanela.

⁹Apaüh chhitsün chhisiya asong samüh tsüngela, naiuso apa athang ii nungko athontsüyang.

¹⁰Apaüh goumchi nai ah-ou nou hongji naiuso apaüh eiu nouso tü khiam thsalutji.

¹¹Ah, atsamlo khaiunia lokchuau Goa noin, naiuso amongsaiutsün chikü hau amongling kiuji.

¹²Akausai khaiuniahoi mongthat apaüh lothe kiuji, naiuso a-nge khaiunia nouso ngüso ün chhisiyaling nai kheploji, nungti ngüso chhisiya tsaktso ashio tsüepji;

¹⁴anyiwem tao lüko ngüso anyakhem nai kamshiji.

¹⁵Lüko Goa nou angja hai ee ainou kipsanji; apotsünso apaüh athangmang ainou kipsanji.

¹⁶Apaüh angja hai hau ayangtsün nou kiuji, naiuso akausai nouso losang-anji.

¹⁷Goa nou sau lothaji nung khaiunia thaiumei! Tilai apaüh ni thutji nungtü lamongmat.

¹⁸Goa nou apaüh khoutsün mou nouso keji; apa phaüh ni tawaiji, naiuso apa phaüh lomeiji.

¹⁹Atao atao ko apaüh ni atawai ainou kipsane;

²⁰tilai naiusile shiji, apaüh ni aa taiu-e, naiuso ehli nai ni e-e ainou kipsane.

²¹Goa nou ni alotsaotsün ainou juosan-e; tilai alothe shiji apaüh ni kipsan-e.

²²Ni tsümeikün chhi naiuso naiusile nou ta nyai-e naiuso liu thainian nouso lun hatkü tsünoi-e.

²³Ni ah-tsün eiu nouko lung nouso tsünoi-e; liu thainian nou nitü laitso tsüpo-e.

²⁴Nungai ni anejenkhio nai aalo nouko noi-e; tilai ni a onnemokso thappe, ni nungso ti angja tsünoikü eppe.

²⁵Khengliu thsanyan tsak tü asah nelangkü noitsün khekkü ni thsosohoi piakü noi-e.

²⁶Be-eiuyam tao thalutkü jinyak nyantsün khekkü, ni ason tü thalutkü aakih laiukü kih-e.

²⁷Yob, samüh laiukü yamküta ngeloum. Nung atsüo noin, nungtiphe lo nung alou. Yob