Read Khiamniungan Naga Yob 8 Bible Online

Yob 8 - Khiamniungan Naga bible

Yob 8

¹Ni ahsheih khekkü singiotsün khemiu süne?

³Goa nou ngiotsüo tilaitso tsühesoji; Ti ayam atha noin nung chhisiya au apaüh tilaitso tsüphioji.

⁴Athsosoüh Goa thako angei sunkü noi-e, nung shioko apaüh ngüsoüh epau maikü angja-i-iu.

⁵Lüko lo aphokle küta Akongteng Goa ta lükoja;

⁶ni thatü ngiotsüo naiuso sanglingkü naito, nungai Goa shiküta ni hachu-e, naiuso ni nou paopeili atsammongso laokiu shi-e.

⁷Nungaito Goa nou nihau ti kiu-e nungko ni iantsün jengtsaiu chikü tü veluauto ti tsünoi-e.

⁸Akenghai mongthat mongsai nou ta atao letletkü thaiutha athaplu; sam posoüh ngeloutsün ngiotsüo nouso lüyangsan.

⁹Sam aakih to letletkülu, samüh titso tsünge; goumchi nou ah-khemsoli sam yankü khuwanji.

¹⁰Lüko nitüto akeng khaiunia angehoi nou lütsande-i; Ngüsoüh ti ngioau noin nung tü a-anglu:

¹¹“Hotükhak nou khiam tsünoikü nai tsüsongji; themjei tsünoikünai ngüso tilaitso tsüepji.

¹²Lamsankü kankeiau thatü henkü lüko khiam appan naito, ngüso chongting au thekü wonanji.

¹³Goa tsühakün khaiuniahoi nung hotukhak nouso khekkü noin; jam goa bean naito, ngüso ayang mowaniu.

¹⁴Ngüsoüh mekhakha aochan-ewoi tsak da monglamji.

¹⁵Ngüso mekhakha aochan tü niolut naito- nungüh ngüso tsüsalikü yangjeiau shio-e süne? Ngüsoüh ewoi tsak ta helounai, nungüh ngüso tsakü noiau hachu-e süne?”

¹⁶Tsümeikün khaiunia nouso aje nai chih ai eiu khutsün khekkü noin, aimong chikü thapukkü chih ai eiu khutsün khekkü noin.

¹⁷Nung eiu nousoüh lung nouso lemkü tsamlutji naiuso lung jijikü da thsüokü mongkü yaplutji.

¹⁸Lüko nungso apem sekan nai- nungso nung lung ta yaplutkü noiküla ta sauüh tilai tsüngeji.

¹⁹Ah, tsümeikün khaiuniahoi amongling chikü nai nunglu noin; loto amaohai shiji naiuso ngüso athang nouso lowanji.

²⁰Lüko Goa nou amonglam khaiunia tilaitso tsüleanji tsüdekünai tsümeikün khaiuniahoi hau ahachu tilaitso tsükiu-e.

²¹Loüh apaüh nihau nyai-i-e naiuso ve-i-e,

²²lüko ni lon chinyantsünso khako apaüh amiam nou kankü shikiu-e, naiuso akausai khaiuniahoi nouso tsam tsünoikü iula-e. Yob