Read Khiamniungan Naga Nianlom Jih 101 Bible Online

Nianlom Jih 101 - Khiamniungan Naga bible

Nianlom Jih 101

¹Jü jih nung amongkiu naiuso ngiotsüo thaiutha noin, naiuso ngo nung nitü jihlutji, O APAOU.

²Jü saisile aphio tsüsunkü noi-e. Ni tilai jü dongai shi-e? Aakih sanglingkü ngo jü tsamai kih-e,

³naiuso tsümeikün tilaitso tsüjeitaiu-e. Sauhai Goa ainou phoklekü khuwanji nungso chhisiya ngo chinyanji; ngo ngüsoko ti chhiau tsünoi.

⁴Ngo tsüthakün ko pungekü noi-e, naiuso tsümeikünko nge-ekü tsünoi-e.

⁵Sauüh amaohai thaiutha tsümeikü chiteji ngo apa wanane; Sau mongai abülom naiuso amongthe noin ngo apa tsüjeitaiu-e.

⁶Sauhai Goa tü mongkiukü noin ngo ngüso tü tsüojine naiuso ngüso jü tsamai kih-i-e. Sauhai thumkü saitha noin ngü ngüso hau yathsüo-i-e.

⁷Atsüotsüdekü chitetsünso jü tsamai noiau tsüshio-e; akausai nouso jü khako tsa-au tsüshio-e.

⁸Ajekhaiu pungkü sam goumchi nai tsümeikünso ngo lomo-e; APAOU ün noknio ainou tsümeikün khaiunia chikü ngo wanane.