Read Khiamniungan Naga Nianlom Jih 103 Bible Online

Nianlom Jih 103 - Khiamniungan Naga bible

Nianlom Jih 103

¹Jü onthso, APAOU lülomsan! Ngü da noitsün chikü nou apa asio nian lülomsan!

²Jü onthso, APAOU lülomsan, naiuso apa titi atsüojin noin nung labean.

³Apaüh jü angei chikü wankiuji naiuso jü akiasiya chikü lomei kiuji.

⁴Apaüh ngü ekhan ainou lolaoji naiuso atsüojinyang nou apaüh ngü oukiuji.

⁵Apaüh jü aakihnai amei nou miani-ji, nung shioko ngo letche khekkü oum naiuso mongkü noiji.

⁶APAOU nou thangmangkü noitsünso ta jungkü mi khemji naiuso ngüso hau ayam atha nou kiuji.

⁷Apaüh apa ayangtaiu nouso Mosa hau han naiuso Israel khaiuniahoi hau apa akongting chhisiya nou ep-in.

⁸APAOU atsüojinyang si atsüojin nou miankü noin, amongmat sungau yamlukü naiuso atsoüjinyang phopkü noin.

⁹Apaüh asaita tsüthutji; apa asaita mongmatkü tsünoiji.

¹⁰Sam aphio nai apaüh sam hau angja tsükiuji tsüdekünai sam angei naiuso tsüthakünli sam hau laokü tsükiushiji.

¹¹Goumchi khütha nai maou nou titi tsokkü noin, nungli apa atsüojin asong apa lon hattsünso khako noin.

¹²Ajepek ainou ajenap ne ajet titi laiukü noin, nungti laiukü apaüh sam angei nouso wankiuji.

¹³Po tsaküh apa thsoso tü tsüojintsünli, APAOU nou apa asuhattsünso tü atsüojinyang noin.

¹⁴Sam ti in nou shan apaüh ngeji, sam pulu ta apaüh yangshiji.

¹⁵Sam thaiuthato, sam aakih khengliu khekkü noin. Liutsa taopun tsak khekkü sam sunghji naiuso punji;

¹⁶nungai ahsheih nou nung khako sheilutji naiuso shipkü khuwanji nung sauühtso müjam tsüepshiji.

¹⁷Lüko APAOU asuhattsünso thaiutha to, apa atsüojin athontsüyang, naiuso apa amei nou vetao si vetao thaiutha noiji,

¹⁸nung apa athalou-e nou ta sauhai ngiotsüo noikü apa athoiluttsün nouso angio angkü mongkiutsün noin nungso noin.

¹⁹APAOU nou apa nokpao noikham aün nai shantaium; apa chikü khako nokpao noin.

²⁰Asam oukong naiuso akong honghoi nouso, sauhaiüh apa athoilut nouso angio angji, apaüh ngiotsün ta angtsünso, APAOU lülomsan.

²¹Asam aün oukong nouso chikü, apa mongchio chhitsünso asam apa yathsüotsünso, APAOU lülomsan!

²²Apaüh shantsün chikü nou, APAOU lülomsan, apaüh nokshingtsün chikü nai, APAOU lülomsan! O jü onthso.