Read Khiamniungan Naga Nianlom Jih 108 Bible Online

Nianlom Jih 108 - Khiamniungan Naga bible

Nianlom Jih 108

¹O Goa, jümong thumkü monglamkü noin! Ngo jih nou jihkü ni lomsane! Jü onthso athsümon!

²Jü poipoi naiuso kokiang achu! Ngo aje nou lochu-e.

³O APAOU, mele nouso ongko ngo ni hau nianlom kiu-e. Khaiunia nouso ongko ngo ni lomsane.

⁴Ni nou asai atsüojin nou aün nouso khengai noin.

⁵O Goa, ni asong nou maou nai, naiuso ni ajinka nou goumchi chikü khako noin.

⁶Jü misao athala, a-oukong tsangkü sam akipsan, nungai ni tsüojintsün khaiuniahoi kipsankü noi-e.

⁷Goa nou apa asiothang ainou chite-iu, “Ngo ashiolo nai Shekem paipekke naiuso Sukkot tsamei jü khaiuniaso hau sonkiu-e.

⁸Gilead ngü nou, naiuso Manase ngü nou; Efraim jü son kandio naiuso Yihuda jü nokpao pailai.

⁹Lüko ngo Moab jü atsaowantsün chiu tsakli kankei-e naiuso ngo nung thalowaniu ta ii tsak hanau Edom khaiuai ngo jü hokkhut yaklute. Filistia hai khako ngo ashioloutsün sang nou we-e.”

¹⁰O Goa, sauüh ngo hüjeikü noitsün noknio mongai nialoukü nappe? Sauüh ngo Edom ai nialoukü khu-e?

¹¹Ni sam atsüoting wananiu süne? sam ehso ko aikü ni khaai khuwanji süne?

¹²Eh nouso thako sam ta ahachu; tiautenai khaiunia ainou hachu to yaang noin.

¹³Goa samko hanai samüh ashio eppe; apaüh sam ehso shiolo-e.