Read Khiamniungan Naga Nianlom Jih 115 Bible Online

Nianlom Jih 115 - Khiamniungan Naga bible

Nianlom Jih 115

¹Ni haulu, O APAOU, ni haulu, sam hau tsüde, lüko ni hau ajinka nou kiuau noin — tiautenai ni asai atsüojin naiuso mongkiutsün noin.

²Tiauta mele nousoüh, “Asam Goa tiai noin?” ta sam tü sange.

³Sam Goa to aün nai noin; apaüh tilüsong mongchioji nung apaüh chhiji.

⁴Ngüso goaso khaiunia pha tsangkü tangkason naiuso chaiou lakkeng nou shan.

⁵Ngüso da son sat, lüko asingio au tsüshioji, naiuso niovei po, lüko epau tsüshioji.

⁶Ngüso da noukhan po, lüko alulaau tsüshioji, naiuso ngan nouso po, lüko anyam ngesanau tsüshioji.

⁷Ngüso da pha po, lüko ngüsoüh tsüchhisiyaji; naiuso hok po, lüko tsakeiau tsüshioji; ngüso da sang songau tsüshioji.

⁸Sauhaiüh nungso shan naiuso nungso da amonglam taiuji, ngüso chikü nung sotsom nouso khekkü lünoi-i.

⁹Israel khaiuniahoi, APAOU da amonglam lütaiu apaüh asam hachuji naiuso kiplouji.

¹⁰Asam Goa ün mesonhoi, APAOU da amonglam lütaiu. Apaüh asam hachuji naiuso kiplouji.

¹¹Asam apa amkhamtsün chikü nou APAOU da amonglam lütaiu. Apaüh asam hachuji naiuso kiplouji.

¹²APAOU nou sam yangsanji naiuso sam ouk kiu-e; apaüh Israel khaiunia naiuso Goa ün mesonhoi chikü ouk kiu-e.

¹³Apaüh APAOU lon hattsünso asong si ehen wekü ouk kiu-e.

¹⁴APAOU nou ni hau thsoso lü oukkiu ni naiuso athsaosithsoso hau!

¹⁵Goumchi naiuso aün shantsün APAOU nou asam ouk lünoi-i.

¹⁶Aün nou APAOU ün noin, lüko apaüh goum nou khaiunia hau kium.

¹⁷Ean nousoüh APAOU tsülomsanji, tsüdekünai sau tsamkü noitsün goumchi nai saowanji apaüh tsülomsanji.

¹⁸Lüko sam, aa noitsünsoüh, apa hau lo naiuso athontsüyangkü nianlom kiu-e. APAOU lülomsan!