Read Khiamniungan Naga Nianlom Jih 116 Bible Online

Nianlom Jih 116 - Khiamniungan Naga bible

Nianlom Jih 116

¹Ngo APAOU tsüojinji, tiautenai apaüh jü sangh lulaji naiuso jü misao tü angluji.

²Ngü jontsün pungkü apaüh ngü tü angluji.

³Eanau hattsün nou ngü lemjeikü noiküla, naiuso etam khan ahat nou ngü shingoikü noiküla; ngo ahat nou si ayangelat nou meankü noiküla.

⁴Nungai ngo APAOU tü jon, “APAOU, ngo ni tü kojaji, jü aa nou akipsan!”

⁵Sam Goa atsüojinyangkiutsün naiuso amei noin; sam Goaüh atsüojin hanji.

⁶APAOU nou ahachuau tsünoikünso sojeikü taiuji; tilai ngo angja nai noiküla, apaüh ngo kipsan.

⁷Jü mongpem, ni mongnyankü anoi, tiautenai APAOU nou ngüko meikü noishin.

⁸APAOU nou ngü ee ainou kipsan; apaüh jüniochekhiam beiankiukü amiam epau ainou ngü kipsan.

⁹Nungtiphe ngo APAOU khako aakihtsün goumchi nai tsakeiji.

¹⁰Ngo tilai “Ngo angjaji” ta ngio, nungai lüko ngo apa da monglamkülu noiküla.

¹¹Ngo hatkü noi nai ngiom, “Khaiunia tsak da tso monglamau tsünoi”

¹²Ngo APAOU hau ngü da meitsün chikü thaiutha ti kiuau shio-e?

¹³Ngo APAOU hau theng chaithio tsak kankü shi-e, naiuso ngo kipsantsün thaiutha apa hau nianlom kiu-e.

¹⁴Apa khaiuniaso chikü kamshitsünai ngo apa hau ti thaloukü noin nung kiu-e.

¹⁵Tilai apa khaiuniaso ongko tsak eanji APAOU tü nung titi amongkia noin!

¹⁶APAOU, ngo ni yathsüotsün noin; jü nyiuüh yathsüokü shitsünlilu ngo ni yathsüoji. Ni ngo ee ainou kipsaniu.

¹⁷Ngo nianlomkiu aloat chaithio ni hau kiu-e — naiuso jü misao adongai honge.

¹⁸Akhaiuniaso chikü kamshitsün khako, Yirusalem, ni nou Amkham Tsam asiothang nai, ngo ti thaloutaiukü noiküla, nung ni hau kiu-e. APAOU lülomsan!