Read Khiamniungan Naga Nianlom Jih 121 Bible Online

Nianlom Jih 121 - Khiamniungan Naga bible

Nianlom Jih 121

¹Ngo jü nioveiüh jü ahachu ti ainou shi-e ta, king nouso dongai langlutkü thapji.

²Jü ahachu nung sauüh goum naiuso aün shan, nung APAOU ainou shi-e,

³Apaüh ni saliau tsükiu-e; ni jimtsün nung asaita thsümonkü noin.

⁴Israel jimtsün to tilaitso niongao tsüngamji tsüdekünai tsüsaiji.

⁵APAOU nou ni tü hü-e; ni kipsanau apa, ni ün uai noin.

⁶Anyi taoko aje nou tsüdekünai asoh taoko alei nou ni tsütawai-e.

⁷APAOU nou ni atawai chikü ainou kipsankü taiu-e; apaüh ni jüosankü taiu-e.

⁸Lo naiuso athontsüyang thaiutha apaüh ni akhu ashi chikü nai kipsane.