Read Khiamniungan Naga Nianlom Jih 138 Bible Online

Nianlom Jih 138 - Khiamniungan Naga bible

Nianlom Jih 138

¹Jü mong athum nou, ngo ni hau nianlom kiuji APAOU; goa nouso khako ngo ni lomsankü jih jihji.

²Ngo, ni ün asio Amkham Tsam tü jükha sheilutkü, kauthioji, naiuso anian lomsanji. Ni asai atsüojin naiuso mongkiutsün shioko, tiautenai anian naiuso ni thoiluttsünso apem khako atsokting ta ni haniu.

³Tilai ngo ni ta jon nungai ni ngü ta thalan; ni jü onthso nai oukong kiukü ngü kong-in.

⁴Goumchi nokpao chikü nou ni lomsane APAOU, tiautenai ngüsoüh ni athalou nouso lula-iu.

⁵Ni chhikü shitsün naiuso ni ün ajinka asong thaiutha ngüsoüh jih jih-e.

⁶Ni thata atsokting nai noilüko, ni anyapting nai noinso thaiutha paotsangji, naiuso abülomtsünso ni ainou pamloau tsüshio-e.

⁷Tilai ngo angja omhe nou lemlowankü noiküla, ni ngo sojeikü taiuji. Jü ehso mongmat sungtsün ta ni khengshiji naiuso a-oukong tsangkü ngü kipsanji.

⁸Ni thaloutaiutsün alum ni chhi-e APAOU, ni atsüojinyang athontsüyang. Ni yachutaiutsün chhisiya nou lülothonan.