Read Khiamniungan Naga Nianlom Jih 14 Bible Online

Nianlom Jih 14 - Khiamniungan Naga bible

Nianlom Jih 14

¹Aiuhaiüh meshen mongai ngioji, “Goa tsünoi.” Ngüso chikü ngiotsüo tsükankeikü noin, naiuso ngüsoüh achinyan chhi nouso chhisaniu; ayam thakü chhitsün tsaktso tsünoi.

²Angelatsün naiuso Goa tü amtsün ajantso noi süne tsünoi ta thapau, APAOU nou khaiuniathso nou tü aün ainou jin-ikü thapji.

³Lüko ngüso chikü yam aphio nai khuwaniu; ngüso chikü wekü tsümei. Ayamtha nou chhitsün ngüso tsaktso tsünoi, ah, tsaktso tsünoi.

⁴“Ngüsoüh tsünge süne?” ta APAOU nou sangji. “Nungso tsümei chhisiyatsünso chikü angela tsünoi süne? Jü khaiuniaso tü kaulotsün tsangkü ngüso kihji, naiuso ngüsoüh ngütü tilaitso misao tsüsao.”

⁵Lüko ngüso ahattat asong nai noi-e, tititenai sauhaiüh apa ngio angji Goa ngüsoko noin.

⁶Tsümei chhitsünsoüh atsamlou khaiunia ün watthat loyangkiuji, lüko APAOU apa solotsün noin.

⁷Israel dongai Zion ainou ashiolotsün shiauya ta ngo misaoji. Tilai APAOU nou ngüso loühjam tsüomeikü shanshi-e nungai Israel khaiuniaso titi amongling noi-e!