Read Khiamniungan Naga Nianlom Jih 140 Bible Online

Nianlom Jih 140 - Khiamniungan Naga bible

Nianlom Jih 140

¹APAOU, tsümeikün khaiuniahoi ainou ngü akipsan; angem losantsün khaiuniahoi ainou ngü kipsankü ataiu.

²Ngüsoüh asaita tsümeikün mongthat thatji, naiuso asaita ali-e au lotsüoji.

³Ngüso lei pao atsaoting nouso lei khekkü noin naiuso ngüso son ai shikhutsün ngio nouso ajei pao tsak sheh khekkü noin.

⁴APAOU, tsümeikünso pha ainou ngü akipsan; Sauhaiüh ngü sali-iau akau mongthat thatji nungso angem losantsün khaiunia nouso ainou ngü kipsankü ataiukiu.

⁵Abülom khaiuniahoi nou ngü moni-au thaiutha jin jintaiukü noin ngüsoüh jin jintaiu-iu naiuso ngü thalouau ngüsoüh yam thathonkü jin nou jintaiukü noin.

⁶Ngo APAOU tü ngioji, “Ni jü Goa noin.” Ahachu thaiutha ngü wetsün alula, APAOU!

⁷Jü APAOU, Nokpao, akongting akipsantsün, ni ngo ehli taoko kiploukü noiküla.

⁸APAOU, tsümeikünso hau ngüsoüh ti aiuji nung lakiu; ngüso akau mongthat nai ashio la-epi.

⁹Jü ehso hau ashioloutsün lakiu; jü thako ngüso akausai thattsün ngüso chiailu laokü ashi-ishi.

¹⁰Ngüso tü inkaiu hengkü noitsün asalut; ngüso khanthop nai lüyakthiowan naiuso tilaitso lasungkhu-i.

¹¹Sauhaiüh amaohai aphio thalouji ngüso ashio nou lanoi-i; angem lousantsün khaiunia nouso tü tsümeikü nou shiolouküta ngüso lomokü lüwan.

¹²APAOU angja omhe nouso ta jungao naiuso apotsünso ayam atha nai ni tsakiu-e ta ngo ngeji.

¹³Asiohoi nou atsüoting ni lomsane; ngüso akhako noi-e.