Read Khiamniungan Naga Nianlom Jih 143 Bible Online

Nianlom Jih 143 - Khiamniungan Naga bible

Nianlom Jih 143

¹APAOU, jü misao alula! Ngo kojatsün tü anglu; ni mongkiutsün nai ngü tü athala!

²Ni yathsüotsün ngü, alilu nai lataiu; tiautenai akhako sautso penkü tsünoi.

³Jü ehsoüh ngü tü kumkei naiuso ngü ngamthiowaniu. Apaüh ngü anyakhem aketsam tsak nai wan, naiuso ngo piamkünai eantsünso khekkü noin.

⁴Nungtiphe ngo nung leanau khemlokü noin; tiautenai ngo thatü mongtsümeikü nai noin.

⁵Pe ainou ajekhaiu nouso ngo yangshiji; Ni chhisiyakü shitsün chikü thaiutha ngo yangji. Ni chhitsün chikü ngo mongai yangshiji.

⁶Ngo jüpha misao nai adongai loksanji; goh awai khekkü jü onthsoüh athaiutha leji.

⁷Liukü athala, APAOU! Ngo jü mongyang chikü mowaniu. Ngü ainou ni pamkü lanoi-an, tsüdekünaito ngo eantsün goumchi nai khuwantsünso ongai ha-ane.

⁸Ni asai tsüojintsün ahom tsütokü ngü hau ayangsani, tiautenai jü amonglam ni da taim. Jü misao nouso adongai sungji; Ngo khuao yam nou ahan.

⁹APAOU, akiplou thaiutha ngo adongai khuji; jü ehso ainou ngü akipsan.

¹⁰Ni jü Goa noin; ni mongchiotsün chhi au ngü tü atsande. Ngü ko meikü anoi, naiuso alokü noiau yam nai ngü aniakei.

¹¹Ni thaloukü taiutsünli, ngü akipsan, APAOU; ni meitsün tsangkü jü angja ainou ngü akipsan!

¹²Jü thaiutha ni tsüojin shioko, jü ehso loatkü awan naiuso ngü tü thangmangtsünso chikü alomowan, tiautenai ngo ni yathsüotsün noin.