Read Khiamniungan Naga Nianlom Jih 144 Bible Online

Nianlom Jih 144 - Khiamniungan Naga bible

Nianlom Jih 144

¹Ngo sojeikiutsün, APAOU lülomsan! apaüh ehli thaiutha ngü hau tsande naiuso ehliau thaiutha ngü khemkiuji.

²Apa ngo sojeikiutsün naiuso hüjeikiutsün Ngo pamloutsün naiuso akipsantsün, sau da akipsan thaiutha ngo amonglam noin. Apaüh mele nouso shioloukiuji.

³O APAOU, ni apa ngesanau lümeikü khaiuniathso nou ti noin; tsüdekünai ni apa tü mongkiukü wesanau lümeikü khaiuniathso ti noin?

⁴Khaiunia nungto ilo tsak khekkülu noin; apa ajekhaiu nouso nung yankü khuwantsün ahkhemsoh tsak khekkü noin.

⁵O APAOU, maou nouso nyapkü asao-i; king nouso tü lüthan naiuso inkhao nou sunge.

⁶Ahsalap nouso ahong naiuso a-ehso lüpengpuni; a-uokopchon nouso lükup küta ngüso lükhuthiowani.

⁷Khütha ainou apha tsatikü, khiam a-aouting ainou ngo atensan, naiuso gohmaohai oukong ainou ngü akipsan,

⁸ngüsoüh tilaitso ngiotsüo tsüchiteji naiuso ngiomongshinge lüko ngüsoüh yaang chiteji.

⁹O Goa, ngo ni da jih ayan tsak jihlute ngo kokiang khungkü ni tü jih jih-e.

¹⁰Nokpaohoi hau ashiolou nou ni kiuji naiuso ni yathsüotsün David kipsanji.

¹¹Atsaoting ehoi ainou ngü akipsan; gohmao hai oukong ainou ngü akipsan. Ngüsoüh tilaitso ngiotsüo tsüchiteji naiuso ngiomongshinge lüko ngüsoüh yaang chiteji.

¹²Sam melothsoso ngüso oum taoko paisam aosam mongkü samsantsün khekkü lünoi. Sam menyiuthsoso nokpao tsam leng lomeikü tsamniokun lung khekkü lünoi.

¹³Sam bei nouso chihsikhiam a-in pungkü nou miankü lünoi. Sam khengtaiu nai onnemok nouso hengheng ta naiuso hengche ta apun kiu.

¹⁴Sam jangsoüh aphiowat naiuso asapat tsünoikü athso nou saiukü a-apkiu. Sam sonyam nouso ai yangelatkü wetsün sang lanoi-i.

¹⁵Nungtin atsüoting ouk eptsün meleso amongling noin; sauhai Goa nung APAOU nou noin ngüso thaiumei.