Read Khiamniungan Naga Nianlom Jih 16 Bible Online

Nianlom Jih 16 - Khiamniungan Naga bible

Nianlom Jih 16

¹O Goa, ngü akiplo; aasanau thaiutha ngo ni da monglamji.

²Ngo APAOU tü ngioji, “Ni jü APAOU; ngo taiutsün amei alum ni ainou shin.”

³APAOU ün mongkiutsün khaiuniahoi titi uosokkü! Jümong lengtsün asong ngüso da noin.

⁴Sauhai amao goa nouso dongai she-eji ngüso chija angja taiheji. Ngüso ün aloat chaithio nai ngo chhi haoson tsülouha-e; Ngo ngüso goa nouso tsüame.

⁵APAOU, ni jütengkam apem, naiuso ngo potsün chikü ni kiuji; ashiau nou jü aküo aphamongai noin.

⁶Ngü hau kiutsün apaopei nouso titi athanga; ngüso titi amei noin!

⁷Ngo APAOU lomji, tiautenai apaüh ngü niaji, naiuso asoh jümongpemüh ngü lotsüoji.

⁸Ngo APAOU hatsün asaita yangsanji; apa shimkü noin, naiuso tiühtso ngü tsülemleme.

⁹Nungtiphe ngo monglingji naiuso jü onthso monglingatji, naiuso ngo thumkü aalokü yangji,

¹⁰tiautenai ni ngü ee oukong ainou kipsan. Ngo ni mongkiukü yathsüo-iu, nungtiphe ni ngü eantsün goumchi nai tsüleane.

¹¹Aa dongai niatsün yam nou ni ngü hau hane; ni hatsün tsangkü ngü amongling nou mianji naiuso athontsüyang thaiutha ngü hau amongling kankü shiji.